GBOO IBU MƆƐ N KO A 7:16 - Yataa 'a Dɔbɛnɛ Nama

¹⁶ Mbɛ a ma‑a tɛ mɔɛ a, sawa ta fɛ chia a ma, min sien mu a bɔ dambi ma. Chɛɛ a bɔ‑a gbasaya chɛ an dɔ, fɔɛ min mbe ee che kasaa‑a, an mbe a ɔ.

GBOO IBU MƆƐ N KO A 7:16 ပူးပေါင်းရင်းမြစ်များ

GBOO DOMI KO A 7:14

Mmɔ gbu‑a a ɔ sɔn fan, mbɛ sawa sien mu Yataa an ma. Chɛɛ n tana, mɔ gbu gbama gbama mu n na, min mbe fa. N ma‑a gbɛ yɔ ko yama 'a yɔnɛ, n kooenɛ ɛ a ye.

Gboo Kadesia Ko A 4:3

A chia dɔndɔ gbe chɛ a, mmɔ wɛɛ, mmɔ ni wan denmɛsɛya ɔ. A sin, yɔnɛ ni mmɔ a, nyina yama n 'na gbasaya kɔɔ dunya chɛ ɔ.

Gboo Kadesia Ko A 4:9

Chɛɛ sanche chɛ ɔ, wo‑a Yataa sɔn gbɛ. Chɛɛ tea gbu ko a, Yataa an‑na wo sɔn. Tea gbu ko a, a ee che ma‑a wo 'a yiinachii ɔ, wo ni mun to, wo ni bea nyina yama chɛ n fɛ, fanka ee ka miin na, a sin, an mbe ben‑da fen fuinɛ a. Wo e chɛ ma wan? A ee ma to wo 'a yiinachii ɔ ɛnden bɛɛ a, wo ma koe a to, an 'na yɔnɛ n na.

Gboo Kɔdɔsai Ko A 2:14

A‑a mmɔ kun ka wan, a bɔ mmɔ 'a ko yama n dɔ, Yataa ni mmɔ gbɛmbo‑a miin ko a. A‑a saya min chɛ kɔn gbengbandenɛ ma, Yataa‑a a boo bɔ nɔ wan an ko yama chɛ n dɔ.

Gboo Kɔdɔsai Ko A 2:20

Wo bɛ Chasi a, wo wan fa‑a dɔndɔ a, mbɛ nyina yama n 'na gbasaya ee to wo kun ma dunya ɔ. Chɛ an fɛ mu, ko ɔ ko ma a ma to, wo ni bea dunya chɛ ɔ fɔɛ fɛ, ko ɔ ko ma a ma, wo ni bea a ɔ sawa n fɛ.

GBOO IBU MƆƐ N KO A 10:1

Sawa chɛ nu, miin be‑a Mosisi ma, an mbe bai sa tena wan, a si fen chɛndɛ n ma, miin mbe banda bu ɔ. Chɛɛ an sawa chɛ n mbe wan dechee, yɔ banda bu ɔ fen chɛ n nininɛ gbama nu. An mbe ee koe chɛ n dɔ yian, tea chia a, ɛnden bɛɛ a. An mbe yasi dɔndɔ gbe an bɔ, san kɔ san na. Chɛ sin mbe ee a ma, mɔɛ miin mbe bea sawa chɛ n fɛ, an ni ma yɔ Yataa toen mu an ni ma buɛ min dɔ.

GBOO IBU MƆƐ N KO A 7:15

Mɔɛ ɛ chɛ gbu yen fan sa ɔ den, kɛn tɛ mɔɛ dɔ mende‑a a kɔɔ sɔ, min ni yɔ Mɛchisɛdɛki.

GBOO IBU MƆƐ N KO A 7:17

Koe min na mu, Yataa 'a gboo‑a a fɔ wan, a si a ma, a ɔ, “Kuɔ fɔ ko a, e ma‑a wan mɔɛ n tɛ Yataa a. E ma‑a wan, yɔ Mɛchisɛdɛki ni buɛ min dɔ.”

GBOO IBU MƆƐ N KO A 7:21

Chɛɛ chɛ nɛnɛ tana, Yataa na‑a a kai wan a 'a gboo ɔ, a ɔ, “N fan, Mansa Yataa, n‑na n kai, n sin mbe ee n da a kuiɛ yɔn. N dɔ, ‘Kuɔ fɔ ko a, e ma‑a wan mɔɛ n tɛ n fan Yataa a.’ ”

GBOO IBU MƆƐ N KO A 7:28

Sawa min be‑a Mosisi ma, an mbe mɔ gbu n yian, dɔndɔ dɔndɔɛ a, ma koe a tɛ mɔ wa a, mɔ gbu n tɛ Yataa a. An ni a fɔ wɛɛ, an mɔɛ chɛ n gbu, wai chɛ gbasaya ee an ye. Chɛɛ Yataa sin mbe a kai wan a wandi ɔ, a ee na koe ma. A sin, a na‑a sawa chɛ be pɛn Mosisi ma, a ee na a boo sɔ a 'a denɛ ma. A den chɛ sin na‑a koe gbɛɛ ma wan tima ɔ tima, Yataa toen ni miin na.

GBOO IBU MƆƐ N KO A 7:3

A fa ee, a de ee, mɔ sin mbe ee che a fɔ‑a, mbɛ a bɔ kɔnkɔɛ an nɛ. Mɔ ɔ mɔ ma a fɔɛ kuu sɔ tena sɔn, mɔ ma a fɔɛ a ban tena sɔn. Chɛɛ a bɔen mu Yataa 'a denɛ an na, ɛ ma‑a wan tɛ mɔɛ a, kuɔ fɔ ko a.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.