GBOO IBU MƆƐ N KO A 6:4 - Yataa 'a Dɔbɛnɛ Nama

^4-6 Mɔɛ dɔ nu, an ni wan tima dɔndɔ a pimbi ɔ, mbɛ Yataa‑a manɛ be an ma. An na‑a tɔnɔnɛ ma sɔn fan Yataa a, a sin, Yataa Nyina ni wan an bɛɛ fɛ. Mbɛ Yataa 'a bai, ɛ na ko chɛndɛ miin bɛɛ a, an‑na an bɛɛ sima ma fɛn. Fɔɛ chɛ wɛɛ, min mbe ya ɔ ma, gbasaya min mbe a ɔ, an‑na a wɛɛ ma fɛn fan. Chɛɛ chɛ gbɛɛ ɔ, an ka‑a Chasi fɛ. A yɛ to, an mbe da mau koe n sɛ‑a Yataa 'a denɛ ma, fanka ɔ, an mbe a fa‑a to kɔn gbengbandenɛ ma. Chɛ an fɛ mu, chia ee che to sa‑a an ko a, gba fean bɔɛ ɔ, yɛ koe a to Yataa tena.

GBOO IBU MƆƐ N KO A 6:4 ပူးပေါင်းရင်းမြစ်များ

MATIU 12:45

Chɛɛ ɛ a bɔ nyina yama wɔnfea chee wan, miin yau an ni ben a ma, mbɛ an gbɛɛ ma‑a kamin chɛ fɛ. Chɛ‑a a ma wan gbɛ, kamin chɛ ma buɛ ni yaua‑a kaka, a ni ben a kɔma ma. Ɛ ma‑a ka wan wo ko yama ma mɔɛ bonda chɛ sima n na, wo wɛn mbe ka ban‑da n dɔ.”

MATIU 5:13

Chisɔsi ɔ, “Wo maen fan mu yɔ kuiɛ mɔ gbu gbɛɛ ko a dunya chɛ ɔ. Chɛɛ ni kuiɛ ɔ sɛ‑a, mɔ ee che to i ni a ma a dia ni yɛ a ɔ. A ma nyin to fen kɔ fen ko a. A nyin dechee mɔ ni a a dɛ baa ma, mɔɛ n mbe tɛn tɛn a ɔ kaina.

CHƆN 15:6

Nn fea mɔɛ min na, nn mbe ee mɔ dɔndɔya ɔ, a mɔɛ chɛ ɛ ma‑a wan yɔ kɔnɛ bonɛ, ɛ tɛ‑a wan a a, mbɛ a gbaa‑a. Kɔn bonɛ gbaaenɛ bonda chɛ nu, mɔɛ n mbe an na sɔn‑da wan, an ni sa ta a, minda koe a sɔɛ a.

CHƆN 3:27

Chɔn dɔ, “Ni koe ma‑a ka, Yataa an dɔn‑da a ma.

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

CHƆN 6:32

Chisɔsi ɔ, “N mbe chɛ ma din tena wo tena, mbɛ Mosisi an nii ma daun fen chɛ be ni wo ma, min ka‑a banda bu ɔ. Chɛɛ Fa Yataa, an mbe daun fenɛ chɛndɛ chɛndɛ be wo ma, a ka banda bu ɔ.

CHISƆSI 'A SƆ MƆƐ NU 10:45

Pita n bɛ na‑a wan Chɔpa duu ɔ, an bɛ Chu mɔɛ n na, miin na‑a an kai fa Chisɔsi a. An da ɔ gbaa‑a wan, koe chɛ ɔ yen koe a. Mbɛ Yataa ɛ kun fan, a ni a ma, a Nyina ni ma mɔɛ chɛ n bɛɛ fɛ, miin ma Chu mɔ a.

CHISƆSI 'A SƆ MƆƐ NU 11:17

Yataa wandi‑a a Nyina dɔndɔ gbe chɛ an be an ma, a na‑a min be mmɔ wɛɛ ma, mmɔ‑a mmɔ kai fa kɛn Mansa Chisɔsi Chasi a. Ni a‑a chɛ ma, n mbe ee che n kun si‑a Yataa a. Nyɔn mu n na, chɛ ma koe a?”

CHISƆSI 'A SƆ MƆƐ NU 15:8

A sin, Yataa min‑na mɔ ɔ mɔ faa ɔ koe sɔn, a dɔn‑da wan an ma koe a ka. A‑a a ma wan, Yataa Nyina bea‑a an bɛɛ fɛ, yɔ a‑a a ma buɛ min dɔ mmɔ ko a.

CHISƆSI 'A SƆ MƆƐ NU 8:20

Chɛɛ Pita ɔ, “Yataa ni i a ta ta ɔ, i 'a kɔpɔɛ chɛ a i boo ɔ. Koe min na mu, ɛ wan i yii ma, mbɛ e kun fan i ni kɔpɔɛ be, min mbe a ma, Yataa ni gbasaya chɛ be i ma.

GBOO DOMI KO A 1:11

Wo yen sɔɛ ɛ n na kaka, min mbe a ma, Yataa Nyina ɛ dua min chɛ tena n na, a ni a chɛ wo wɛɛ ko a, wo ni sɔ gban.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Kadesia Ko A 3:2

N mbe chɛ an fɔ tena dechee wo ye. Wo bea koe a sawa chɛ fɛ, an mbe ee a ma, Yataa Nyina ni bea wo fɛ. Chɛɛ wo dan sakana bai chɛndɛ chɛ a, ni wo‑a a min, an mbe a ma, ɛ bea wo fɛ.

Gboo Kadesia Ko A 3:5

Yataa‑a a Nyina bea wan wo fɛ, a‑a kamaya koe n ma wo tɛ ɔ. Chɛɛ chɛ an‑na a ma, Yataa na‑a chɛ ma. Wo na‑a sakana bai chɛndɛ chɛ a min fan, a si Chisɔsi ma, a yɛ to, wo‑a wo kai fa wan Chisɔsi a. A nii ma chɛ ma ni, a mu min na, wo bea‑a sawa fɛ.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 2:8

Koe min na mu, koadia demanɛ ɔ mu, wo‑a bauncha ma sɔn. A sin ma‑a koe min na mu, wo‑a wo kai fa wan Chasi a. Chɛ sin, wo wan ma a ma ni. Chɛɛ Yataa wandi, an‑na a ma wo ko a, gbama gbama a.

Gboo Ɛfisɔsi Ko A 3:7

Sakana bai chɛ, an ko a mu, Yataa‑a n ma a 'a sɔ mɔɛ a. Chɛ bɔ‑a a 'a koadia demanɛ an dɔ, n‑na min ma sɔn, a 'a gbasaya ɔ.

Gboo Ɛfisɔsi Ko A 4:7

Chɛɛ mmɔ gbɛɛ, Chasi‑a koadia demanɛ chɛ wan mmɔ a, dɔndɔ dɔndɔɛ a, yɔ ɛ mɔɛ n kɔ buɛ min dɔ a faa ma a.

1 TIMOTI 4:14

Yataa Nyina‑a fenɛ min be i ma, Yataa 'a gbonka chɛ mɔɛ n koɔ‑a tima min na, mbɛ chɔchi gbakoo n‑na an boo bun i ma, a bia i boo fea a.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

2 TIMOTI 4:14

Adɛsanda, tonkan ti chɛ, a‑a ko yama wa an ma n na. A sin, Mansa Yataa ɛ a pawa‑a wan a chɛ chɛ wai chɛ ko a.

GBOO IBU MƆƐ N KO A 10:32

Chɛɛ wo wo yii na chii koe miin na‑a si wo a, a saa a, tima min na wo na‑a manɛ ma sɔn, a si Chisɔsi ma. A tima chɛ a, wo na‑a tɔɔya ɔ gbɛama ɔ bia wan.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.

1 CHƆN 5:16

Ko kan kɔ kan, min mbe ee Yataa 'a chia ma, ko yama mu. Chɛɛ ko yama ɛ wan nɔ, min mbe ee mmɔ ka‑a kuɔ fɔ fɔɛ chɛ ma sɔn‑da. A ya wɛ, mbɛ i suun ma nyɔɛ dɔndɔ, a‑a ko yama ma. Chɛɛ an ko yama chɛ ee che a ma‑a, a ni fo kuɔ fɔ fɔɛ a. Samunɛ chɛ a mɔɛ chɛ ko a, min mbe a ma, a ni kuɔ fɔ fɔɛ ma sɔn. Chɛɛ ni ko yama mu, min mbe che a ma‑a, a ee kuɔ fɔ fɔɛ ma sɔn, n ma i kaa ni samunɛ chɛ‑a, a mɔɛ chɛ ko a.