GBOO IBU MƆƐ N KO A 6:2 - Yataa 'a Dɔbɛnɛ Nama

² Mmɔ ma an kan to, a si yii chɛ koe ma mɔɛ n kunɛ ɔ Yataa chia a. A yɛ to, boo bunɛ mɔɛ n ma, an ni dua ma sɔn, ni mɔɛ kɔɔ sɔ koe a, a ka saya ɔ, a basan kaa a tɛ a, min mbe ma‑a nɔ kuɔ fɔ ko a.

GBOO IBU MƆƐ N KO A 6:2 ပူးပေါင်းရင်းမြစ်များ

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

MATIU 3:14

Chɛɛ Chɔn toen ni kɛn a ni a ma, Chisɔsi yiima ni mun, a ɔ, “I ma chɛ ma n na. A ma bɛnden mu, i wan ni yii chɛ n kunɛ ɔ, Yataa chia a. I wan mbe ee na to n tena, n ni yii chɛ i kunɛ ɔ, Yataa chia a.”

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

MAKI 7:4

A sin, an gbu ee daun fen daun, ni an ka‑a machiti ɔ, mɔɔ ni an‑na an fandi ko pɛn. Sawa n ni kɔkoo, an na‑a miin ma sɔn, an sin ni bea wan an fɛ. Sawa nu, yɔ mɔɛ ɛ a boo a ko buɛ min dɔ, a chia ma. A yɛ to, kɔpu nu, da nu, pani kumusu nu, a basan sofa n bɛɛ ta sawa n na).

MAKI 7:8

Chisɔsi ɔ, “Wo ta sin, wo e Yataa 'a sawa to wan, mbɛ wo bea‑a wo ta kanɛ fɛ.”

DUKU 11:38

Chisɔsi nii ma a boo a ko ni a chia ma, yɔ Fayisii manda‑a a fɔ buɛ min dɔ, a e na to a kuu sɔ‑a daunɛ chɛ‑a. Chɛ na‑a ma wan tɛnɛmaya ko wa a Fayisii chɛ tena.

DUKU 12:50

Chɛɛ chɛ e na to ma‑a, n mbe tɔɔya ɔ bia‑a wan a ɔ benden ba a. N mbe ma‑a wan faayɔn ba ɔ aan an tɔɔya chɛ danka a ni si.

DUKU 14:14

Mɔɛ n fan nɛ, miin mbe ee che i ta wai nyima a yɛ‑a. Chɛɛ ni i‑a chɛ ma, e dua ma sɔn‑da wan. Tima min na, mɔɛ miin tanden ni Yataa tena, an mbe ma‑a an kɔɔ sɔ‑a a ka saya ɔ, Yataa ɛ a tɔnɔnɛ be‑a wan i ma.”

DUKU 3:16

Mbɛ Chɔn‑na a fɔ an gbɛɛ ye, a ɔ, “N fan, n mbe yii an chɛ wo kunɛ ɔ, chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa yuu wɛɛ fuin koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

CHƆN 5:29

Mbɛ an bɔ‑a, a ka saya ɔ. Chɛ nu, miin na‑a ko chɛndɛ ma, an mbe ma‑a wan to fɔɛ ɔ. Chɛ n sin, miin na‑a ko yama ma, an mbe yɛ‑a wan to fɔɛ ɔ, mbɛ kaa a tɛ‑a an bakoe ma, tɔɔya sa‑a an ma.”

CHISƆSI 'A SƆ MƆƐ NU 10:47

“Yataa Nyina bea‑a ka wan mɔɛ chɛ n fɛ, yɔ a bea‑a buɛ min dɔ nn bɛɛ fɛ. Chɛ an fɛ mu gbɛ, mɔ ɔ mɔ ee to nɔ, min mbe an ka‑a yii chɛ koe a an kunɛ ɔ, Yataa chia a.”

CHISƆSI 'A SƆ MƆƐ NU 13:3

Mbɛ an ban‑da sun bia‑a, a basan samun chɛ a, an‑na an boo bun fan an ma, an‑na an dua, mbɛ an‑na an na ta.

CHISƆSI 'A SƆ MƆƐ NU 16:15

Chɛ gbakɔ, Pɔɔ‑a yii chɛ wan a kunɛ ɔ, Yataa chia a, a basan a 'a chen 'na mɔɛ n na. Mbɛ Didia‑a a fɔ nn ye, a ɔ, “Ni wo‑a a fɔ, mbɛ n‑na n kai fa Mansa Chisɔsi a tea tea gbu a, mbɛ wo na, wo ni ma n 'na chenɛ a.” A sin‑na nn ma nande wan kaka, min‑na a ma, nn ta‑a a waa a.

CHISƆSI 'A SƆ MƆƐ NU 16:33

A tima dɔndɔ gbe chɛ kɔɔ yɛɛ chɛ ma, pimbi chen kun ma fɛn mɔɛ chɛ‑a an ya wan, mbɛ a‑a an ma gba tena n na ko fo. A sin, a ya kɔɔɛ a, Pɔɔ an fea Sidasi a, an‑na yii chɛ wan a kunɛ ɔ, Yataa chia a, a basan a 'a chen 'na mɔɛ n gbɛɛ a.

CHISƆSI 'A SƆ MƆƐ NU 17:18

Kan chɛ mɔɛ dɔ nu to, miin ni kanɛ chɛ a si Ɛpikuyian koe ma, ni dɔ nu, miin ni kanɛ chɛ a si Sitoiki koe ma, an bɛɛ‑a Pɔɔ kɔɔsa bia wan. An dɔ, “Gboo kaa ma chɛ ɛ ka fen fɔ tena?” Mbɛ dɔ n sin‑na a fɔ, an dɔ, “Mɔɛ ɛ a yen, yɔ ɛ ka bai sa tena, a si sonda yataa n fan ma.” An‑na chɛ fɔ koe min na, Pɔɔ ni Yataa bai sa tena, a si Chisɔsi an ma, ni a kɔɔ sɔ koe a, a ka saya ɔ.

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

CHISƆSI 'A SƆ MƆƐ NU 23:6

Pɔɔ‑a a ɔ yen fan, mbɛ fanka chɛ tɛ ɔ, mɔɛ dɔ n ni Sadusii mɔɛ n fan na, mɔɛ dɔ n sin ni Fayisii n fan na. A‑a chɛ ɔ yen kɛn, mbɛ a koɔ‑a, a kuiɛ ma sɛenɛ a, Chu kuti wa chɛ tena, a ɔ te, “N suun ma nyɔɛ nu, n mbe dɔbɛn chɛ an dɔ, an mbe min chee Fayisii dɔbɛnɛ. N‑na n woo mɔɛ n tan an dɔ, n mbe e na to suun‑da. A sin, n mbe nɛ kuti chɛ ɔ, koe min na mu, n yii na tɛen fan mu, mbɛ ni mɔ gbu fa‑a, ɛ a kɔɔ sɔ wan to a ka saya ɔ.”

CHISƆSI 'A SƆ MƆƐ NU 24:15

Yiinatɛ dɔndɔ gbe chɛ, an mbe n dɔ, nn bɛ an na, a si Yataa ɛ min ma‑a. Mbɛ mɔ gbu kan kɔ kan, min tanden mu, ni min ma tan ni, ni a fa‑a, Yataa ɛ an mɔɛ chɛ kɔɔ sɔ wan to, a ka saya ɔ.

CHISƆSI 'A SƆ MƆƐ NU 24:21

min kaen mu ko dɔndɔ gbe chɛ ma. Koe chɛ, n‑na yee tɛ min na, n ni sɔ ɔ an tɛ tima min na. N dɔ, ‘Wo e n dɔ tisa dechee, a si mɔɛ kɔɔ sɔ koe chɛ an ma, a ka saya ɔ. N danden mu an na, wo sin na‑a nɛ n na, kuti chɛ ɔ an ko a.’ ”

CHISƆSI 'A SƆ MƆƐ NU 24:25

Pɔɔ‑a koe n tɛnsɛ wan, a si koe n ma Yataa chen kɔɔ, tea ɛ koe miin dɔ. A yɛ to, ni mɔɛ e kun buɛ min dɔ, i ni tachɛ i wandi a chɛndɛ chɛ. A‑a koe n tɛnsɛ wan to, a si gbɛmbo tee ma, min mbe na tena. Kɔfana Fedisi chian‑da wan, mbɛ a ɔ, “E ka‑a gbɛ ta‑a. N mbe i chee‑a wan to, ni n‑na tima ma sɔn, tima min na.”

CHISƆSI 'A SƆ MƆƐ NU 26:8

Wo wan, wo e a ya tena wan, mbɛ a ee che ma‑a, wo ni dan chɛ a, mbɛ Yataa ɛ mɔɛ kɔɔ sɔ wan, a ka saya ɔ. Fen mu, wo e wo yii na chii tena ka?

CHISƆSI 'A SƆ MƆƐ NU 4:2

An faa tɛ‑a wan Pita ma, an fea Chɔn na. Koe min na mu, an dɔ, an mbe mɔɛ n kan‑da, a si Chisɔsi kɔɔ sɔ koe ma, a ka saya ɔ. An dɔ, kan chɛ, ɛ a ɔ yian tena wan, mbɛ tea mu a a, mbɛ Yataa ɛ a ma wan mɔɛ ni a kɔɔ sɔ, a ka saya ɔ.

CHISƆSI 'A SƆ MƆƐ NU 6:6

Mbɛ mɔɛ chɛ n gbɛɛ, an na‑a mɔ wɔnfea chɛ n na Chisɔsi 'a sɔ mɔɛ chɛ n tena. Sɔ mɔɛ chɛ n‑na an boo bun fan an mɔ wɔnfea chɛ n ma, mbɛ an‑na samunɛ chɛ an ko a.

GBOO DOMI KO A 2:16

Chɛ an fɛ mu, koe chɛ n gbɛɛ ɛ ma‑a wan tee chɛ ma, Yataa ɛ a ma‑a tee min na Chisɔsi Chasi ni kaa tɛ koe ma, miin mbe nun dɔ mɔɛ n yiima ɔ. N mbe bai chɛ an fɔ tena mɔɛ n ye, sakana bai chɛndɛ chɛ ɔ, n mbe min dɔ yian ka.

GBOO SAA KƆYINDI KO A 10:2

An to‑a banda gbii chɛ an kɔɔ, kɔ yii chɛ ɔ, mbɛ yii chɛ‑a an gbɛɛ kunɛ ɔ Yataa chia a, an ma koe mɔ dɔndɔɛ a Mosisi a.

GBOO SAA KƆYINDI KO A 12:13

A chia dɔndɔ gbe chɛ a, mmɔ wan mɔ gbu gbɛɛ, mmɔ ɛ ka wan. Mmɔ ni ma Chu mɔ a, chɛ ma, mɔɛ nu miin ma Chu mɔ a, mmɔ ni ma yɔn fan na, mmɔ ma ma yɔn na. Yii min chɛ‑a mmɔ kunɛ ɔ, Yataa chia a, a Nyina‑a mmɔ ma mɔ dɔndɔɛ a, gboo dɔndɔɛ sɛ‑a mmɔ ma. A sin, Yataa‑a an Nyina dɔndɔ gbe chɛ a na, ma koe a mmɔ fɛ.

GBOO FEAN BƆƐ KƆYINDI KO A 5:10

Koe min na mu, mmɔ gbɛɛ, mmɔ ɛ sɔ‑a wan Chisɔsi chen kɔɔ tee dankama tee ma, a ni kaa a tɛ mmɔ wakoe ma. Ɛ mmɔ gbɛmbo‑a wan dɔndɔ dɔndɔɛ a. Mɔ ɔ mɔ sin mbe koe miin ma‑a, dunya ma gboo chɛ ɔ, an koe n ni nyan, an ni yaua wan, mɔ ɔ mɔ ɛ an pawa ma sɔn‑da.

Gboo Fiipai Ko A 3:21

Mmɔ gboo chɛ, baa a tenden mbe ee ka min ma, a wan mbe a mun‑da. A sin, ɛ a ma‑a wan, yɔ a ta gboo, min kamayaen mu. A 'a gbasaya min mbe a ɔ, min mbe a ma, fen kɔ fen mbe don a kɔɔ, ɛ an na tachɛ a a.

Gboo Kɔdɔsai Ko A 2:12

Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.

2 TIMOTI 2:18

An ka‑a tea chia ma, mbɛ an bun‑da an bɔɛ n bɛɛ ɔ chɛ‑a, danaya ɛ miin dɔ Chisɔsi ko a. An mbe kanɛ chɛ‑a, an dɔ, mɔɛ n ban‑da an kɔɔ sɔ‑a saya ɔ.

GBOO IBU MƆƐ N KO A 11:35

Musu chɛ n bɛɛ, an na‑a an kai fa wan Yataa a, min na‑a a ma, an‑na an boo si to an suun ma nyɔɛ n kɔɔ. An suun ma nyɔɛ chɛ nu, miin na‑a fa, chɛɛ an kɔɔ sɔ‑a to saya ɔ, a yɛ fɔɛ ɔ. Mɔɛ dɔ n sin, an nii ma dɔn ni an kan kɔ sɔ koe a Yataa a. Chɛ ko a, an fa‑a tɔɔya kɔɔ wan, min mbe a ma, an ni an kɔɔ sɔ, a ka saya ɔ, fɔɛ chɛndɛ ma sɔn koe a.

GBOO IBU MƆƐ N KO A 9:10

Koe min na mu, chia kɔma chɛ sien ni daun fenɛ n fan bakoe ma. A yɛ to, mɔɛ ma ɛ ko buɛ min dɔ, Chu n 'na sawa ta fɛ chia a. Chɛ n gbɛɛ, sawa gbama n fan nɛ. An ni nɔ dechee aan tima chɛ an ko a, Yataa na‑a a ta dɔbɛn nama chɛ tima min na.

2 PITA 3:7

Chɛɛ mmɔ ta duu gboo chɛ wɛɛ, a fea banda chɛ a, Yataa da a bai dɔndɔ gbe chɛ an‑na a ma an mbe nɔ. A wan Yataa dɔndɔ gbe chɛ, ɛ an kun ma fɛn tena, min mbe a ma, ta ni danka an kasaa‑a. An mbe nɔ tee chɛ an ma kɔn koe a, Yataa sɔn bai chɛ nu, kaa a ɛ tɛ‑a an ma tee min na, an ni kasaa.