GBOO IBU MƆƐ N KO A 6:18 - Yataa 'a Dɔbɛnɛ Nama

¹⁸ Chɛ ni a ma, mɔɛ n ni a ɔ yen, chia fea a, miin mbe ee mun, Yataa ɛ koe min ma. Yataa‑a a ɔ yian fan, mbɛ ko ee nɔ, min mbe a ma, a ni a da a kuiɛ yɔn. Chɛ ɛ a ma‑a wan, mmɔ wɛn na‑a bui‑a Chasi tena, mmɔ kun ma fɛn koe a, tooɔdia min mbe mmɔ ko a, mmɔ bu ɔ diama ɛ ma‑a wan, a bia koe a fɔin.

GBOO IBU MƆƐ N KO A 6:18 ပူးပေါင်းရင်းမြစ်များ

MATIU 24:35

Dunya gbɛɛ ɛ ban‑da wan, chɛɛ n da a bai ee ka‑a a gba ɔ kuɔ fɔ ko a.”

MATIU 3:7

Chɔn‑na a ɔ yen, mbɛ Chu mɔ kuun chɛ nu, an ni miin chee Fayisii nu, a basan chɛ n na, miin ni Sadusii a, an na‑a a tena. An dɔ, a ni yii chɛ an kunɛ ɔ, Yataa chia a. Chɛɛ a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

DUKU 2:25

A tima chɛ a, kamin dɔndɔ ni wan Chuusaɛn duu ɔ, min tɔ ni Simiyɔn. Kamin chɛ tanden fan ni Yataa tena. A yɛ to, a Yataa koen ni kaka. A ni gbɛ tima an ma kɔn tena, tima min na, Yataa ɛ di ka‑a Isɔɛɛ mɔɛ n ya a. Yataa Nyina ni wan a fɛ.

GBOO DOMI KO A 15:5

Yataa an mbe mmɔ faa ma nande, a sin fan mbe a ma to mmɔ ɛ mmɔ faa bia. Chɛ an fɛ mu, Yataa ni a ma wo ni sɔ Chasi chen gba ɔ, faachima ni ma wo ɔ wo nyɔn ko a.

GBOO DOMI KO A 3:25

Yataa na‑a an be fa koe a mmɔ 'a ko yama n ko a. A 'a saya chɛ ni a ma, mɔ gbu ni kunka ma sɔn ko yama ɔ. A wii min sin bɔn‑da ka mɔ gbu gbɛɛ ko a, mɔɛ miin mbe an kai fa‑a a a, Yataa ɛ a boo bɔ‑a wan an 'na ko yama n dɔ. Yataa‑a chɛ ma, a ni a ɔ yian, mbɛ a wan mbe mɔ gbu ya mɔ tandenɛ a. A kɔma a, Yataa na‑a a faa bia wan, mbɛ a‑a a ya ka mɔɛ n 'na ko yama n na.

GBOO DOMI KO A 3:4

A an, chɛ ma ma wo 'a yiinachii ɔ. Mɔ gbu da a kuiɛ ma funka nin bɛɛ boo ɔ boo tima ɔ tima ko a, chɛɛ Yataa tana, ɛ a da a kuiɛ to wan a ma. A sin, a 'a gboo‑a a fɔ ka wan, a si Yataa wandi ma, a ɔ, “Ni a koɔ‑a tima ɔ tima, mɔɛ gbɛɛ‑a a ɔ yen fan, mbɛ a teaen fan mu. A sin to, mɔɛ min mbe kunɛ si‑a a kun ma, ni a koɔ‑a dechee, fanka ee ma‑a to a mɔɛ chɛ da a kuiɛ a, a mu min na, Yataa gbu ma ko yama ma ni.”

GBOO DOMI KO A 5:5

Yiinatɛ chɛ mmɔ ɔ, a ee ma fania a, koe min na mu, Yataa 'a koadia koo mmɔ faa an dɔ. Yataa Nyina, min mbe mmɔ fɛ, Yataa wandi‑a min be mmɔ ma, an‑na koadia chɛ chɛ mmɔ ɔ.

Gboo Fiipai Ko A 2:1

Tea ko a, mɔ dɔndɔɛ mu wo a Chasi a. Chɛ sin ma‑a wo tena faamanande a. Chasi toen mu wo a, wo sin mbe an buɔdia ɔ. Wo e wan ko dɔndɔɛ ɔ, wo bɛ Yataa Nyina a. A sin, koadia ɛ wan wo faa ɔ, a basan chinchimaya a.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 1:5

Wo e chɛ ma, a mu min na, wo yii na tɛenɛ mu koe chɛ an ma, Yataa‑a min sa tena ɔ bɛn wo ya ɔ banda bu ɔ. Tea bai chɛ, min mu sakana bai chɛndɛ a, a‑a a fo kɛn wo ma tima saa saa ko a, wo‑a a a min fan, ɛ na yiinatɛ min na.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

1 TIMOTI 1:1

N fan Pɔɔ, n fan mbe ka gboo chɛ nyɛn‑da i tena, i wan Timoti. N 'na denɛ mu gbɛ i a, i 'a danaya ko a Yataa a. Mɔ yii na tɛen mu Chisɔsi Chasi an ma. A sin, a 'a sɔ mɔɛ mu n na, mɔ baun mɔɛ Yataa 'a gbasaya ɔ, an fea a wan Chisɔsi Chasi a. Mmɔ Fa Yataa, an fea mmɔ 'a mansa Chisɔsi Chasi a, an 'na dua ni ma i ma, an 'na chinchimaya ni ma i ma, a basan an 'na faachima a.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

2 TIMOTI 2:13

Ni danaya ee mmɔ ɔ a ko a, ɛ a 'a danaya a tun fan, koe min na mu, a ee che a kan kɔ sɔ‑a a wandi a.

GBOO IBU MƆƐ N KO A 11:7

Nowa na‑a a kai fa wan Yataa a, an na‑a a ma, a na‑a a too ma sɔ Yataa 'a dasi ma, a si koe n ma miin ni na tena ma‑a, a nii ma miin sima ɔ yen nin bɛ. A na‑a Yataa da a kuiɛ a min fan, mbɛ a‑a dɛndɛ nyan, min na‑a a baun, an bɛ a 'a mɔɛ n na. Yataa na‑a Nowa ya wan mɔ tandenɛ a, min mbe bɔ dechee a 'a kaifa ɔ Yataa a. An kaifa chɛ sin dɔ, Nowa na‑a koe min ma ka, a na‑a a yian fan, mbɛ dunya ma mɔɛ n yau kaka.

GBOO IBU MƆƐ N KO A 3:11

An faa tɛ chɛ sin ko a, n‑na n kai, n dɔ, ‘Kuɔ fɔ ko a, an mbe ee don‑da suin tena chɛ, n‑na min dɔ bɛn.’ ”

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

GBOO IBU MƆƐ N KO A 6:17

Chɛ an fɛ mu, mɔɛ chɛ nu, tooɔdia chɛen ni miin na, Yataa toen ni a ni a ɔ yian an na, mbɛ ɛ bai min fɔ, an mbe ma. A sɔnɛ chɛ ee a ɔ, bai fɔ koe a bi, mbɛ a‑a a ka a gba ɔ sinan. Chɛ an na‑a a ma, a‑a a kai, a da a bai kun ma.

GBOO IBU MƆƐ N KO A 7:19

Koe min na mu, chia dɔndɔɛ wɛɛ a, sawa gbu nii ma a ma ni, ko kan kɔ kan ni sɔ a chia ma chɛndɛ chɛ. Yiinatɛ chɛndɛ yian‑da wan mmɔ a, min mbe mmɔ ma sawan Yataa tena.

GBOO IBU MƆƐ N KO A 7:21

Chɛɛ chɛ nɛnɛ tana, Yataa na‑a a kai wan a 'a gboo ɔ, a ɔ, “N fan, Mansa Yataa, n‑na n kai, n sin mbe ee n da a kuiɛ yɔn. N dɔ, ‘Kuɔ fɔ ko a, e ma‑a wan mɔɛ n tɛ n fan Yataa a.’ ”

1 CHƆN 1:10

Ni mmɔ‑a a fɔ, mbɛ mmɔ ma ko yama kan kɔ kan ma nin bɛ, mmɔ ɛ ma‑a ka a fɔ an na, mbɛ Yataa ma teaya ni. A sin, a da a bai ee si tena sɔn‑da mmɔ faa ɔ.

1 CHƆN 5:10

Chɛ an‑na a fɔ, mɔɛ min mbe a kai fa‑a Yataa 'a denɛ a, siiya chɛ ɛ wan a faa ɔ. Chɛɛ mɔɛ min mbe ee a kai fa‑a a a, a mɔɛ chɛ‑a Yataa ma fania fɔ mɔɛ a. Koe min na mu, a ma dan ni siiya a, Yataa‑a min bɔ, a si a 'a denɛ ma.