GBOO IBU MƆƐ N KO A 6:12 - Yataa 'a Dɔbɛnɛ Nama

¹² Chɛ ɛ a ma‑a wan, wo ee ma‑a gboo ɔ fa tɔɛ n na. Chɛɛ wo e bea wan mɔɛ chɛ n fɛ, miin‑na an kai fa Yataa a, an‑na an faa bia, mbɛ Yataa na‑a an too ɔ dia min gbɛɛ a, an‑na an ma sɔn.

GBOO IBU MƆƐ N KO A 6:12 ပူးပေါင်းရင်းမြစ်များ

MATIU 22:32

Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai. Chɛ‑a a ɔ yian fan, mbɛ chɛndɛ ba n fan mbe Yataa fai. Mɔɛ min faen mu, a ee Yataa fai.”

MATIU 25:26

Mbɛ kun ti chɛ ɔ, ‘Mɔ yama mu i a. A sin, i gboo ɔ faen mu. I na‑a a ɔ sɔn fan, mbɛ n faa a kɔɔen mu, mbɛ n mbe mɔɛ n kuu kɔ gba an ma n ta a, a yɛ to, n mbe ee chin fenɛ min chin, n mbe an ya.

DUKU 16:22

“Tima che‑a wan, mbɛ yɔn tɔɛ chɛ fa‑a, mbɛ maeka n ta‑a a a, an‑na a si kai Ebeami baima, banda bu ɔ. Mbɛ chɛ gbakɔ, nyan tɔɛ chɛ wɛɛ fa‑a, mbɛ an‑na a tɔn,

DUKU 8:15

Mɔɛ dɔ n sin mbe wan yɔ duu gboo chɛndɛ chɛ, chin fen kuu n bea‑a ka min ma. Ni an‑na sakana bai chɛndɛ chɛ a min, an mbe a sa wan an yii ma chɛndɛ chɛ, mbɛ an‑na a ma, yɔ sakana bai chɛ‑a min fɔ an ye a ma koe a. A sin to, yakɔɔtawa kan kɔ kan ni an tan bɛɛ, an mbe ee sɛmbɛ dan koe a Yataa a.”

GBOO DOMI KO A 12:11

Wo ma ma gboo ɔ fa tɔɛ n na, wo wai chɛ wo sɔɛ gbɛɛ a. Wo wo wandi be Mansa Yataa ma, wo ni a 'a wai chɛ wo faa gbɛɛ a.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO DOMI KO A 4:12

Ebeami sin fan mu mɔɛ chɛ n bɛɛ gbu fa a, mɔɛ miin na kaminchaen mu ka. Chɛ ma si ni an na kamincha koe chɛ an ma, chɛɛ a sien mu an tachɛ buɛ dɔndɔɛ an ma, an kai fa koe Yataa a. Mmɔ fa Ebeami a e na to kamincha‑a, a tachɛ buɛ ni ka wan gbɛ Yataa a.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

GBOO FEAN BƆƐ TƐSADONIKA KO A 1:4

Chɛ an fɛ mu, nn bɛɛ, nn mbe koɔ chɔchi tɔɛ chɛ n dɔ, nn kunɛ kɔɔ sɔenɛ a, a si wo ma. A si wo e koe n dɔ bia tena buɛ min dɔ. An mbe a ma tena wɛɛ wo e tɔɔ tena, wo kai faenɛ mu tun Chisɔsi a.

GBOO IBU MƆƐ N KO A 1:14

Chɛɛ maeka chɛ n tana, Yataa‑a an sɔ, an ni na wai chɛ a ko a dunya ɔ. An ni basan mɔɛ chɛ n ma, miin mbe na‑a bauncha ma sɔn‑da.

GBOO IBU MƆƐ N KO A 10:36

Mɔɛ ɛ i faa bia wan, min mbe a ma, i ni che Yataa faa ma koe ma‑a. An mbe a ma, i ni fen chɛ ma sɔn, a na‑a tooɔdia chɛ min be koe a.

GBOO IBU MƆƐ N KO A 11:33

an 'na kai fa Yataa a, a na‑a a ma wan, an kun‑da chɛnyɛ sɛsɛ n ma chɛɛ ɔ. An na‑a tea din fan mɔɛ n ma. A sin, too ɔ dia na‑a chɛ wan an na, a yɛ to, an‑na a ma wan, yaa n ma che ni bia chɛ‑a.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

GBOO IBU MƆƐ N KO A 13:7

Wo ma nyina wo ya ɔ sɔɛ n ma, chɛ nu, miin na‑a Yataa bai sa wo tena. Wo wo yii na chii min na‑a an tan fɔɛ ɔ, mbɛ wo‑a wo kai fa Yataa a, yɔ an ni buɛ min dɔ.

GBOO IBU MƆƐ N KO A 5:11

Bai kɔkoo nn da a, a fɔ koe a, a si koe chɛ ma. Chɛɛ koe sin fan nɛ, min dɔ gbɛ, a ɔ yian koe a wo a. Koe min na mu, wo ee fua koe ɔ gbɛ‑a.

GBOO IBU MƆƐ N KO A 6:15

Chɛ sin ko a, Ebeami na‑a a faa bia wan ko sɛsɛ a, mbɛ a too ɔ dia‑a min na, a‑a a ma sɔn.

CHIMISI 1:3

Koe min na mu, wo‑a ɔ sɔn fan, mbɛ ni an koe chɛ n‑na wo tan, a ɔ sɔn koe mu ni wo kai faen fan mu Chisɔsi Chasi a. A sin, ni wo kai faen fan mu a a, mbɛ wo e kun‑da wan an dɔ bia‑a.

2 PITA 1:10

Chɛ an‑na a fɔ, n suun ma nyɔɛ nu Chasi ɔ, wo butuinɛ chɛ wo sɔɛ gbɛ a. Wo ni a ɔ yian, mbɛ Yataa‑a wo chee min chɛ, a‑a a boo min sɔ wo ma, ma koe a a ta mɔɛ n na, kuɔ fɔ koe mu. Chɛ sin mbe a ma‑a wan, wo ee sɛmbɛ‑a wo kai fa koe a Yataa a.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.

KO Ɔ NUNDENƐ 13:10

Mɔ ɔ mɔ, Yataa‑a min ma bia mɔɛ a, a mɔɛ chɛ ɛ ma‑a bia an dɔ. Mɔ ɔ mɔ, Yataa‑a min ma fa mɔɛ a, chɛɛ chɛ mɛ a, chɛɛ chɛ mɛ an mbe a mɔɛ chɛ fa‑a pɔɛ. Chɛ gbɛɛ‑a a yian fan ka, mbɛ Yataa 'a mɔɛ n danayaen fan mu, an sin mbe an faa bia wan to.