GBOO IBU MƆƐ N KO A 6:10 - Yataa 'a Dɔbɛnɛ Nama

¹⁰ Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

GBOO IBU MƆƐ N KO A 6:10 ပူးပေါင်းရင်းမြစ်များ

MATIU 10:42

N ni a ma din wo tena, mbɛ ni mɔ ɔ mɔ‑a yii chima kɔpu dɔndɔɛ wɛɛ be n fɛ denɛ den tachɛen bɛɛ ma, koe min na mu, ɛ n 'na fɛ dencha a, Yataa ɛ tɔnɔnɛ be‑a wan mɔɛ chɛ ma.”

MATIU 20:7

Mbɛ an dɔ, ‘Chɛɛ mɔ ɔ mɔ ma nn ya ni wai chɛ ko a, nn ni ban.’ Mbɛ kamin chɛ ɔ, ‘Wo na, wo ni ta wai chɛ n 'na yadi ɔ.’ Mbɛ an bɛɛ ta‑a.

MATIU 25:17

Sɛn dɔ kamin fean bɔɛ chɛ wɛɛ, a‑a a ma ka wan. Mbɛ a wɛɛ‑a kain gbɛnsɛn wu fea a sɛ a ta kun ma.

MAKI 9:41

Ka n mbe chɛ ma din wo tena. Mbɛ ni mɔ ɔ mɔ‑a yii be wo ma, n tɔɛ ɔ, a ɔ koe min na mu, n fan kunka mansa, n fɛ mɔɛ mu wo a, a gbu an mbe a tɔnɔnɛ ma sɔn‑da.”

CHƆN 13:20

N mbe chɛ ma din wo tena, mbɛ mɔ ɔ mɔ min mbe a boo si‑a mɔɛ kɔɔ, n‑na miin sɔ, a‑a a boo si ka n fandi wɛɛ an kɔɔ. A sin, mɔ ɔ mɔ min mbe a boo a si‑a n kɔɔ, ɛ ma‑a ka a boo a si‑a Yataa an kɔɔ, min‑na n sɔ.”

CHISƆSI 'A SƆ MƆƐ NU 10:31

Mbɛ a‑a a fɔ, a ɔ, ‘Kɔniyɔsi, Yataa‑a i 'a samunɛ a min. A sin, a‑a a ɔ yen, e boo fenɛ miin be yɔn tɔɛ n ma.

CHISƆSI 'A SƆ MƆƐ NU 10:4

A‑a maeka chɛ ma fɛn fan tidan, a chianden ba ɛ. Mbɛ a‑a a ɔ tisa, a ɔ, “Mansa, fen mu?” Mbɛ maeka chɛ ɔ, “Yataa‑a i 'a samunɛ n na min. A‑a a ɔ yen, e boo fenɛ miin be tena yɔn tɔɛ n ma. A sin, a ma bɛnden mu, a ni i 'a samunɛ a bia.

CHISƆSI 'A SƆ MƆƐ NU 11:29

Chisian chɛ n‑na a ɔ bɛn fan, an sɔɛ gbɛɛ ɔ, an ni an boo fenɛ n na ta, basan koe a an suun ma nyɔɛ n ma Chasi ɔ, miin ni Chudia chɛnyɛ ɔ. An dɔ, an ni chɛ ma yɔ an 'na gbasaya ɛ kun min nyɔn sima ma.

GBOO DOMI KO A 12:13

Ni Yataa 'a mɔɛ n ma‑a yakɔɔtawa ɔ, an kɔ i boo fenɛ dɔ ɔ. Ni ben sonda na‑a i waa tima ɔ tima ko a, i boo si a kɔɔ i 'a chenɛ a.

GBOO FEAN BƆƐ KƆYINDI KO A 9:1

Tima yayi mu gbɛ sanche, n ni bun to gboo nyɛn‑da, a si wo boo fenɛ n ma, miin mbe be mmɔ bɔ Chisian chɛ n ma Chuusaɛn duu ɔ.

Gboo Kadesia Ko A 5:13

Koe min na mu, n suun ma nyɔɛ nu Chasi ɔ, Yataa‑a wo chee wan, a bɔ yɔncha ɔ. Chɛɛ yuu min tɛ‑a ka wo ma, wo ma ben ko yama ma‑a, wo gboo faa ma koe nu, wo ni a dɛn wo bɔ koe ma yɔncha ɔ. Chɛɛ koadianyɔncha ɔ, wo ma bɔi denɛ a wo nyɔn ko a.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Kadesia Ko A 6:10

Chɛ ko a, Yataa ɛ mmɔ kɔ‑a buɛ min dɔ, mmɔ ni ko chɛndɛ ma tima ɔ tima, mɔ ɔ mɔ a. A sin, a bɛɛ bɛɛ mɔɛ chɛ nu, mmɔ kai faen mu Chisɔsi a, mmɔ bɛ miin na.

Gboo Kɔdɔsai Ko A 3:17

A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

1 TIMOTI 6:18

N toen mu i ni a fɔ an ye, an ni ko chɛndɛ ma, an ni nyan wai chɛndɛ ɔ, an ni ma boo ka tɔ wa a, an ma bɛndenɛ ni ma tima ɔ tima chɛ a.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

GBOO IBU MƆƐ N KO A 10:32

Chɛɛ wo wo yii na chii koe miin na‑a si wo a, a saa a, tima min na wo na‑a manɛ ma sɔn, a si Chisɔsi ma. A tima chɛ a, wo na‑a tɔɔya ɔ gbɛama ɔ bia wan.

GBOO IBU MƆƐ N KO A 13:16

Wo ma nyina ko chɛndɛ ma koe a, a basan wo nyɔn deman koe a. Koe min na mu, koe n fan nɛ miin mu yasi a, Yataa faa chima koe a.

1 CHƆN 1:9

Chɛɛ ni mmɔ dɔn‑da a ma, mbɛ mmɔ‑a ko yama ma wan, Yataa danayaen mu, ɛ na‑a tea koe an ma‑a. Ɛ a boo bɔ‑a wan mmɔ 'a ko yama n dɔ, mbɛ a‑a mmɔ ko mmɔ 'a ko yama n gbɛɛ n dɔ, mmɔ ni gbɛ fo.