Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GBOO IBU MƆƐ N KO A 5:9 - Yataa 'a Dɔbɛnɛ Nama

9 A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

အခန်းကိုကြည့်ပါ။ ကော်ပီ




GBOO IBU MƆƐ N KO A 5:9
39 ပူးပေါင်းရင်းမြစ်များ  

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”


Mbɛ Chisɔsi ɔ, “Wo ta, wo ni a fɔ an kamin yaaen chɛ ye, wo ɔ, n yen ko n mbe nyina yama n gbain‑da mɔɛ n fɛ, a yɛ to, n mbe gbandi mɔɛ n baun‑da tima kundu ɛnden ko a sanche wɛ. Ni a tima chɛ ban‑da, n mbe na‑a ban‑da wan gbɛ n 'na wai chɛ‑a.


Mbɛ Chisɔsi‑a gbɛ chɛ susu fen yɔfu yɔfu chɛ ɔ, mbɛ a ɔ, “N ban‑da n 'na wai chɛ‑a.” Mbɛ a‑a a kunɛ a bun, a fa‑a.


A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.


Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”


Nn fan mu koe chɛ n gbɛɛ ma sii a. A yɛ to, Yataa Nyina wɛɛ, min mbe bea mɔɛ fɛ, miin mbe kooya be Yataa ma, sii mu to a wɛɛ a.”


Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.


Chɛɛ mɔɛ gbɛɛ ma, miin‑na an boo si sakana bai chɛndɛ chɛ kɔɔ. Kai Aisaya wandi gbu na‑a a fɔ wan, a ɔ, “Mansa Yataa, mɔ ɔ mɔ ma dan ni nn 'na sakana bai a, nn‑na min fɔ.”


N mbe ee chian ɛnden bɛɛ a, bai sa koe a, a si Chasi chɛ chɛ wai n fan ma dechee. Chisɔsi‑a a ma wan, mɔɛ miin ma ka Chu mɔ a, n‑na a ma an na kooya be Yataa ma. Chɛ bɔ‑a n da a bai n fan dɔ, a basan n chɛ chɛ wai n na.


Chɛɛ mɔɛ nu, miin toen mu dechee an fandi a, an sin ma to ni tea a, an mbe bea ko yama n fan fɛ. An mɔɛ chɛ n tana, Yataa faa ɛ tɛ‑a wan an ma yama yama, a ni an tɔɔ.


Wo ni tee yɔnɛ n fan na, wo 'a ko yama n boo ɔ. Chɛɛ n mbe Yataa wai bɔ wan gbɛ wo ko a. Koe min na mu, wo‑a kooya be wo faa gbɛɛ a, wo‑a a be tea chɛ a min koe a, min mbe kan chɛ ɔ, Yataa‑a wo don kanɛ min kɔɔ.


Kɔɔsa bia gbɛɛ, nn mbe a yɔn fan. Nn ni yɛ, dɔpandaya min mbe mɔɛ n dɔ, min mbe an ka‑a tena Yataa sɔn‑da, nn ni a yɔn. Yiima kan kɔ kan ni ma nn boo ɔ bia ɔ, don koe a Chasi kɔɔ.


N dia nyɔɛ nu, mmɔ bɛ ni tima min na, wo ni wan n da a kuiɛ ma. N mbe ee ka tima min na wo ya kɔɔ, a gbu nyin gbɛ sanche wan, wo ni ma n da a kuiɛ ma chɛndɛ chɛ. Wo ma yɛ kuu kɔ koe n ma koe a, miin ma biaen mu wo ko a, Yataa‑a wo wɛn baun. Wo an ma ma samba ɔ, wo an ma chiandia ɔ.


Ɛ na‑a wan ta man ba ɔ, an bɛ a 'a maeka n na, mɔɛ chɛ n tɔɔ koe a, miin ban‑da Yataa ɔ. An sin nii ma bea ni sakana bai chɛ fɛ, a si mmɔ 'a mansa Chisɔsi ma.


Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.


Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.


Chɛɛ maeka chɛ n tana, Yataa‑a an sɔ, an ni na wai chɛ a ko a dunya ɔ. An ni basan mɔɛ chɛ n ma, miin mbe na‑a bauncha ma sɔn‑da.


Yataa na‑a chɛ ma, koe min na mu, ko dɔ mende an ni a yii ma mmɔ gbɛɛ ko a, min benden mu an too ɔ dia chɛ ma. Yataa 'a yiima ni min na, an ni chɛ an na. Mbɛ an mbe ee che ma‑a, yɔ Yataa toen mu an ni ma buɛ min dɔ, mɔɔ ni mmɔ bɛ ma‑a an na.


Ebeami na‑a a kai fa wan Yataa a, min na‑a a ma, Yataa na‑a min fɔ a ye a ma koe a, a‑a a ma. Yataa na‑a a fɔ wan Ebeami ye, mbɛ a ni bɔ a waa a, a ni ta kaina, a nii ma ta ni kaina min tee dɔndɔ wɛɛ. Yataa na‑a a too ɔ dia wan an kaina chɛ be koe a a ma, a ta a. A nii ma a ɔ sɔn, ɛ ta tena kaina min. Chɛɛ chɛ gbɛɛ ɔ, a bɔ‑a wan a 'a chɛnyɛ ɔ.


Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.


Yataa an na‑a fen kɔ fen na dan, a sin fan mbe fɔɛ be fen kɔ fen ma. A na‑a a ma wan, mɔ sɛsɛ ma‑a a 'a denɛ n na, mbɛ an don‑da a waa banda bu ɔ. A ni chɛ ma tena tima min na, a na‑a a yii na chii wan, mbɛ a nyin Chisɔsi ni ma mɔɛ n baun mɔɛ chɛndɛ a. Chɛ ni bɔ tɔɔya chɛ ɔ, a wan Chisɔsi ni na tena min dɔ bia‑a. A wan mbe chia a ka‑a, mɔ gbu n gbɛɛ ni bauncha ma sɔn.


Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.


Kaina chɛ, min mbe tenchen Yataa ko a, a bɛbɛɛ gbu, a don‑da nɔ dɔndɔ gbe, a sin, a danka‑a an ma. A nii ma ta ni nɔ ba wii a, a boo ɔ, a ma ta ni ninchi tɔngbɔ wɛɛ wii a, mɔɔ dechee a wandi wii. A na‑a che ka wan kuɔ fɔ fɔɛ ma sɔn‑da mmɔ ko a.


Chɛ an fɛ mu, Chasi an mbe mmɔ tɛ Yataa a, dɔbɛn nama chɛ ko a. Chɛ ni a ma, Yataa ɛ mɔɛ miin chee‑a, an ni kuɔ fɔ fɔɛ chɛ ma sɔn, min bakoe na‑a don an too ɔ. Koe min na mu, Chasi ban‑da gbɛ saya chɛ‑a, mɔɛ kun ka koe a, a bɔ an 'na ko yama n dɔ, an na‑a miin ma dɔbɛnɛ kɔma kɔɔ.


A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.


Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.


Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.


Wo ma bɔ Yataa 'a koadia kɔɔ. Wo chinchimaya chɛ ma kɔn, mmɔ 'a mansa Chisɔsi Chasi ɛ min chɛ‑a, min mbe na‑a kuɔ fɔ fɔɛ a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ