GBOO IBU MƆƐ N KO A 5:7 - Yataa 'a Dɔbɛnɛ Nama

⁷ Tima min na Chisɔsi ni fɔɛ ɔ dunya chɛ ɔ, a ni samunɛ chɛ wan, a yɛ to, a ni Yataa ɔ tisa wan basan koe a a ma. A ni chɛ ma a kuiɛ ma sɛenɛ an na, a ya yii ɛ ta‑a bɔ‑a Yataa tena, min mbe che dechee a kun bɔ koe a saya ɔ. A sin ni baa be ka buɛ min dɔ Yataa ma, a wɛɛ, a ni a di kuiɛ a min fan.

GBOO IBU MƆƐ N KO A 5:7 ပူးပေါင်းရင်းမြစ်များ

MATIU 27:46

Mbɛ tee kɔ kai ma, Chisɔsi‑a yee tɛ wan gbankon, mbɛ a ɔ, “N 'na Yataa, n 'na Yataa, fen mu i ban‑da n dɔ?”

MATIU 27:50

Chɛɛ Chisɔsi‑a yee tɛ wan to gbankon, mbɛ a fa‑a.

MAKI 15:34

Mbɛ tee kɔ kai ma, Chisɔsi‑a yee tɛ wan gbankon, a ɔ, “N 'na Yataa, n 'na Yataa, fen mu i ban‑da n dɔ?”

MAKI 15:37

Mbɛ Chisɔsi‑a yee tɛ to gbankon, mbɛ a fa‑a.

DUKU 23:46

Mbɛ Chisɔsi‑a yee tɛ gbankon, a ɔ, “Fa, n‑na n nyina be i ma.” A‑a chɛ fɔ kɛn dechee, mbɛ a fa‑a.

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 11:35

Mbɛ Chisɔsi ya yii yii‑a wuu.

CHƆN 11:42

N gbu n‑na a ɔ sɔn fan, mbɛ e a a min fan tima ɔ tima. Chɛɛ n‑na chɛ fɔ dechee mɔɛ chɛ n fan ko a nɛ, min mbe a ma, an ni dan a a, mbɛ i wan gbu‑a n sɔ nɛ dunya chɛ ɔ.”

CHƆN 17:1

Chisɔsi ban‑da kɛn bai chɛ n fɔ‑a a fɛ denɛ n ye, mbɛ a‑a a ya a si banda a, a‑a samunɛ chɛ, a ɔ, “Fa, tima gbu che‑a. A ma mɔɛ n ni a ɔ yen, n kamayaen mu buɛ min dɔ, mbɛ n bɛɛ, n‑na a ma, mɔɛ n‑na i ta kamaya wɛɛ ɔ yen.

GBOO DOMI KO A 8:3

Mmɔ ɛ koe miin ma, mɔgbuya ɔ min ma nyin, an na‑a a ma wan, sawa chɛ ma kun ni mmɔ kun ka‑a. Chɛɛ Yataa na‑a dɔbɛn dɔ gbɛɛ chɛ wan, mmɔ kun ka koe a. A na‑a a 'a denɛ a na wan dunya chɛ ɔ, mɔgbuya ɔ. A na‑a a 'a den chɛ ma wan yasi a mmɔ 'a ko yama n ko a. A na‑a chɛ ma, kaa an na tɛ koe a, a si mmɔ 'a ko yama n ma.

Gboo Kadesia Ko A 4:4

Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 10:10

Chisɔsi ni Yataa faa ma koe an ma. A sin, a chia chɛ a mu, mmɔ ma‑a tenchen Yataa ko a. Chisɔsi na‑a a wandi gboo min be yasi a, gba dɔndɔ gbe, a ma ma ni to fea, an na‑a a ma chɛ ma‑a.

GBOO IBU MƆƐ N KO A 10:5

Chɛ an fɛ ni, Chasi na‑a tima min na dunya chɛ ɔ, a na‑a a fɔ wan, a ɔ, “Yasi n bɛ mɔɛ n boo fenɛ n na, i wan Yataa ma to ni an fan na. Chɛɛ mɔ gbu gboo, i‑a a be n ma.

GBOO IBU MƆƐ N KO A 11:7

Nowa na‑a a kai fa wan Yataa a, an na‑a a ma, a na‑a a too ma sɔ Yataa 'a dasi ma, a si koe n ma miin ni na tena ma‑a, a nii ma miin sima ɔ yen nin bɛ. A na‑a Yataa da a kuiɛ a min fan, mbɛ a‑a dɛndɛ nyan, min na‑a a baun, an bɛ a 'a mɔɛ n na. Yataa na‑a Nowa ya wan mɔ tandenɛ a, min mbe bɔ dechee a 'a kaifa ɔ Yataa a. An kaifa chɛ sin dɔ, Nowa na‑a koe min ma ka, a na‑a a yian fan, mbɛ dunya ma mɔɛ n yau kaka.

GBOO IBU MƆƐ N KO A 12:28

Chɛ an fɛ mu, mmɔ Yataa wai bɔ. Koe min na mu, a‑a gbasaya be mmɔ ma, ma koe a mansaya ɔ a waa a, a sin mbe ee che yɔn‑da. Mmɔ a wai bɔ, mmɔ ni a fai chiandia ɔ, min mbe ma faachima a a tena.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

GBOO IBU MƆƐ N KO A 2:14

Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.

1 CHƆN 4:3

Chɛɛ ni mɔ ɔ mɔ‑a kɔɔsa bia chɛ chɛ ma, Yataa 'a Nyina ee a fɛ. A ta nyina chɛ nɛnɛ, an mbe ma mɔɛ chɛ n fɛ, miin mu Chasi chɛɛ ma nyɔɛ n na. Wo na‑a a mɔɛ chɛ nyɔn sima n na koe a min fan. A sin gbu na‑a. Sanche chɛ wɛɛ ɔ, ɛ nɛ dunya ɔ.

2 CHƆN 1:7

Fania fɔ mɔɛ sɛsɛ n mbe ben tena dunya ɔ. Mɔɛ nu, miin mbe ee dɔn a ma, mbɛ Chisɔsi Chasi na‑a wan dunya chɛ ɔ, mɔgbuya ɔ. An mɔ bonda chɛ nu, mɔ bun mɔɛ mu an na, Chasi chɛɛ ma nyɔɛ nu.