GBOO IBU MƆƐ N KO A 5:13 - Yataa 'a Dɔbɛnɛ Nama

¹³ Koe min na mu, mɔ ɔ mɔ min mbe susu minɛ a, den toa mu a a. Koe min na mu, a yiima ɔ dɔɔ, a si chia ma, tea ɛ min dɔ, Yataa tena.

GBOO IBU MƆƐ N KO A 5:13 ပူးပေါင်းရင်းမြစ်များ

MATIU 11:25

A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena.

MAKI 10:15

N ni a ma din wo tena, mbɛ ni mɔ ɔ mɔ ma dɔn ni, a ni don Yataa 'a mansaya kɔɔ yɔ den mɛsɛ chɛ nu, an mɔɛ chɛ ee che ma‑a Yataa ta a.”

GBOO DOMI KO A 2:20

A sin to, wo wan mbe chɛ n sɔ chia ma, miin kunɛ ɔ banden mu, wo e mɔɛ n kan to miin yiima ma kɔɔ ni. Wo danden fan mu a a, mbɛ wo‑a ko ɔ ko sɔn fan chɛndɛ chɛ. A yɛ to, wo da a kuiɛ ma bɔ chia ee, koe min na mu, sawa chɛ ɛ wo boo ɔ, Mosisi na‑a min na ben wo tena.

GBOO SAA KƆYINDI KO A 13:11

N ni denmɛsɛya ɔ tima min na, n 'na bai sa buɛ, n 'na ko a tisɔn buɛ, a basan n yii si buɛ a koe n ma, an ni wan yɔ den mɛsɛ. Chɛɛ n ma‑a kɛn kai da faenɛ a, n‑na n boo bɔ n 'na den mɛsɛ sɔnɛ n dɔ.

GBOO SAA KƆYINDI KO A 14:20

N suun ma nyɔɛ nu Chasi ɔ, wo wo boo bɔ den mɛsɛ n 'na yiinachii ɔ. Wo wo yii na chii, yɔ gbakoo nu. Chɛɛ ni ko yama ma ɔ mu, wo ma den toa n na.

GBOO SAA KƆYINDI KO A 3:1

N suun ma nyɔɛ nu Chisɔsi ɔ, mmɔ bɛ ni tima min na, n fandi gbu nii ma koɔ ni wo tena, yɔ Yataa Nyina ɛ mɔɛ miin fɛ. Chɛɛ n na‑a wo ya wan yɔ mɔɛ nu, miin mbe bea an ta faa ma koe n fɛ. Wo e wan dechee yɔ den toa nu, miin mbe ka dechee a kuu sɔ‑a an kai fa koe a Chisɔsi Chasi a.

GBOO FEAN BƆƐ KƆYINDI KO A 3:9

Koe min na mu, sawa chɛ, min mbe a ma kaa ɛ tɛ mmɔ ma, mmɔ ni tɔɔ, ɛ na wan manɛ a. Ni chɛ ɛ ma wan, mbɛ Yataa Nyina ta manɛ tana, ɛ koa‑a wan kaka. Koe min na mu, a wan mbe mɔɛ n ya mɔ tandenɛ n na Yataa chen kɔɔ.

Gboo Ɛfisɔsi Ko A 4:14

Chɛ an mbe a ma‑a, mmɔ ee ma‑a yɔ den mɛsɛ nu, an mbe miin woo, fania fania kanɛ kan kɔ kan na. Mɔɛ chɛ nu, miin yaaen mu ka, an fan mbe an bun ka, yaa chia a.

2 TIMOTI 3:16

Bai ɔ bai min mbe Yataa 'a gboo ɔ, Yataa da a bai mu. Chɛ an fɛ mu, bai chɛ n kan kɔ kan, an mbe mmɔ kan fan ko sɛsɛ ma. A sin nyin fan mmɔ kan koe a tea ma, mmɔ ni mmɔ sɔn yama yen, mbɛ mmɔ sɔ‑a chia chɛndɛ ma, mmɔ ni a ɔ sɔn mmɔ ɛ tan buɛ min dɔ fɔɛ ɔ.

1 PITA 2:2

Wo to Yataa 'a bai a min koe a, tima ɔ tima ko a, yɔ den toa toen mu buɛ min dɔ a de susu yii a. Wo a a min, min mbe a ma, wo ni kɔɔ Yataa sɔnɛ ɔ, mbɛ wo‑a bauncha ma sɔn.

2 CHƆN 1:11

Koe min na mu, mɔ ɔ mɔ i wɛn mbe i ya kɔɔɛ yian‑da a a, ɛ wan yɔ e ka i boo chɛ‑a a 'a ko yama ma an dɔ.