GBOO IBU MƆƐ N KO A 5:12 - Yataa 'a Dɔbɛnɛ Nama

¹² Tima chɛ gbu sin na gbɛ, a ni ma‑a ko ma kawaenɛ an na, ni wo ni wan gbɛ mɔ dɔ mende n kan‑da. Chɛɛ sanche wɛɛ, mɔɔ ni mɔ dɔ mende‑a wo kan, a nama a, a si Yataa bai kuu sɔ tena ma. Wo e wan dechee yɔ den toa nu, miin mbe a kuu sɔ susu yii ma, an mbe ee daun fen dɔ gbɛama daun.

GBOO IBU MƆƐ N KO A 5:12 ပူးပေါင်းရင်းမြစ်များ

MATIU 17:17

Mbɛ Chisɔsi ɔ, “Wo e ka buɛ min dɔ, wo too ɔ gbɛ kaka, a sin wo ee dan ko a. A ɔ yansan gbɛ mmɔ bɛ ɛ mmɔ nyɔn fɛ, fen mu wo ee dan n na? N ma a ɔ sɔn, n mbe fen ma to wo ko a. Na nɛ i 'a denɛ a.”

MAKI 9:19

Mbɛ Chisɔsi ɔ, “A sin, wo e ka buɛ min dɔ, wo ee dan ko a. A ɔ yansan gbɛ mmɔ bɛ ɛ mmɔ nyɔn fɛ, fen mu wo ee dan n na? N ma a ɔ sɔn n mbe fen ma to wo ko a. Na i 'a denɛ a.”

CHISƆSI 'A SƆ MƆƐ NU 7:38

Mosisi chɛ sin ni wan Isɔɛɛ mɔɛ n tɛ ɔ, an na sɔndenɛ ni tima min na fuinɛ ma. An bɛ ni nɔ mmɔ bemba n ta bemba n na, ni maeka chɛ wɛɛ, min koɔ‑a a tena Saina kɔnkɔɛ ɔ. A sin‑na Yataa 'a sakana bai ma sɔn fan, min mbe fɔɛ be, a a ben koe a mmɔ tena.

GBOO DOMI KO A 3:2

Ma koe a Chu mɔɛ a, tɔnɔnɛ gbu an kɔkoo a ɔ chia sɛsɛ a. A saa mu min na, an nɛ, Yataa na‑a a 'a sakana bai gbɛɛ fɔ an fan ye.

GBOO SAA KƆYINDI KO A 14:19

Chɛɛ n ni chɔchi ɔ, n mbe ee bai wuu tanɛ sa, kamaya bai n dɔ, mɔ ee miin dɔ gbɛ ka dechee. A fisa, n ni bai duu gbe sa, chɛnyɛ koɛ ɔ, mɔɛ n mbe min dɔ gbɛ. Chɛ an mbe a ma, n ni an kan.

GBOO SAA KƆYINDI KO A 14:20

N suun ma nyɔɛ nu Chasi ɔ, wo wo boo bɔ den mɛsɛ n 'na yiinachii ɔ. Wo wo yii na chii, yɔ gbakoo nu. Chɛɛ ni ko yama ma ɔ mu, wo ma den toa n na.

Gboo Kadesia Ko A 4:3

A chia dɔndɔ gbe chɛ a, mmɔ wɛɛ, mmɔ ni wan denmɛsɛya ɔ. A sin, yɔnɛ ni mmɔ a, nyina yama n 'na gbasaya kɔɔ dunya chɛ ɔ.

Gboo Fiipai Ko A 3:1

N suun ma nyɔɛ nu Chasi ɔ, wo e ka buɛ min dɔ, wo ma‑a mɔ dɔndɔɛ a Mansa Chisɔsi a, wo buɔdia bɔ. N mbe ee sika tena, yɛ koe a n da a kuiɛ ɔ wo tena. A sin, an mbe nyan‑da wo ko a.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

GBOO IBU MƆƐ N KO A 10:32

Chɛɛ wo wo yii na chii koe miin na‑a si wo a, a saa a, tima min na wo na‑a manɛ ma sɔn, a si Chisɔsi ma. A tima chɛ a, wo na‑a tɔɔya ɔ gbɛama ɔ bia wan.

GBOO IBU MƆƐ N KO A 5:11

Bai kɔkoo nn da a, a fɔ koe a, a si koe chɛ ma. Chɛɛ koe sin fan nɛ, min dɔ gbɛ, a ɔ yian koe a wo a. Koe min na mu, wo ee fua koe ɔ gbɛ‑a.

GBOO IBU MƆƐ N KO A 5:13

Koe min na mu, mɔ ɔ mɔ min mbe susu minɛ a, den toa mu a a. Koe min na mu, a yiima ɔ dɔɔ, a si chia ma, tea ɛ min dɔ, Yataa tena.

GBOO IBU MƆƐ N KO A 6:1

Chɛ an fɛ mu, mmɔ koe chɛ n to, Chasi ni mmɔ kan miin na, yɔ den mɛsɛ nu. Mmɔ a kuu sɔ gbɛ mmɔ yii na chii‑a yɔ mɔɛ miin yii kɔɔen mu. Mmɔ sɛmbɛ mmɔ gba ɔ tɛn tɛn koe a, ko mɛsɛ chɛ n kan koe a, a si Chisɔsi ma. Koe chɛ nu, miin mbe a ma, an ni an mun, an ni sɛmbɛ ko yama chɛ n ma‑a, miin mbe a ma, an ni saya ma sɔn. Mmɔ yɛ to, mmɔ ni a ɔ yen, an ni an kai fa Yataa a.

1 PITA 2:2

Wo to Yataa 'a bai a min koe a, tima ɔ tima ko a, yɔ den toa toen mu buɛ min dɔ a de susu yii a. Wo a a min, min mbe a ma, wo ni kɔɔ Yataa sɔnɛ ɔ, mbɛ wo‑a bauncha ma sɔn.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.