GBOO IBU MƆƐ N KO A 5:1 - Yataa 'a Dɔbɛnɛ Nama

¹ Koe min na mu, tɛ mɔ wa kan kɔ kan, Yataa ɛ a boo sɔ a ma wai chɛ koe a, a bɔɛ mɔ gbu n fan ko a. A ni ma nɔ, an tɛ, an bɛ Yataa a, yasi bɔ koe a an 'na ko yama n ko a.

GBOO IBU MƆƐ N KO A 5:1 ပူးပေါင်းရင်းမြစ်များ

GBOO DOMI KO A 15:17

Chɛ an‑na a fɔ, n mbe Chisɔsi Chasi a sɛ, chia ɔ chia a, min sien mu Yataa ma.

GBOO SAA KƆYINDI KO A 15:3

A nyɛnden mu buɛ min dɔ Yataa 'a gboo ɔ, n‑na a a ben ka wan wo tena. Chɛ an mu koe chenama saa saa a, a ɔ gbɛ koe a. Mbɛ Chasi fa‑a mmɔ 'a ko yama n fan ko a.

GBOO IBU MƆƐ N KO A 10:11

Mɔɛ miin ni mɔɛ n tɛ ɔ Yataa a, an mbe yasi n bɔ wan, tima ɔ tima ko a. Chɛɛ an yasi chɛ nu, an mbe ee an bɔ an 'na ko yama n dɔ.

GBOO IBU MƆƐ N KO A 10:12

Chɛɛ Chasi tana, a na‑a a wandi be dɔndɔɛ min chɛ ka, a ma‑a wan yasi a mmɔ 'a ko yama n ko a, tima ɔ tima ko a. A na‑a a sin ma kɛn, a si‑a wan kaina ma bɛndenɛ Yataa boo nyima ɔ.

GBOO IBU MƆƐ N KO A 11:4

Ebɛɛ na‑a a kai fa wan Yataa a. An na‑a a ma, a‑a yasi be Yataa ma. An yasi chɛ ni nyin Yataa tena, a ben Ken ta ma. Yataa na‑a Ebɛɛ ya wan mɔ tandenɛ a, kaifa ɔ chia a, mbɛ a‑a a boo si a 'a yasi kɔɔ. Ebɛɛ faen mu wɛɛ boo ɔ boo bi tee chɛ kɔɔ, chɛɛ ɛ wɛ koɔ tena mmɔ tena tun. Koe min na mu, a na‑a a kai fa wan Yataa a, a sin mu tɔmɔsi an na mmɔ tena.

GBOO IBU MƆƐ N KO A 2:17

Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.

GBOO IBU MƆƐ N KO A 7:27

A ta nan gbu sin, a ee ka, yɔ tɛ mɔ wa tɔɛ chɛ nu, miin ma gbɔsɔɛ ni yasi bɔ koe a, tima sɛsɛ ko a. Koe saa ni min na, an ni yasi chɛ n bɔ tee ɔ tee a, an fandi gbu ta ko yama maenɛ n fan ko a. Mbɛ an yɛ‑a, an‑na a bɔ, mɔɛ tɔɛ n ko a. Chɛɛ Chisɔsi tana, a na‑a chɛ ma gba dɔndɔ gbe an ko a, tima min na a na‑a a wandi fɔɛ be.

GBOO IBU MƆƐ N KO A 8:3

Koe min na mu, mɔ ɔ mɔ kan kɔ kan, min mu tɛ mɔ wa a, mɔ gbu n tɛ Yataa a, a yianden mu yasi bɔ koe an na, a basan boo fen be koe a Yataa ma. Chɛ an fɛ mu, a nyin an tɛ mɔ wa chɛ wɛɛ ko a, fenɛ ni ma a boo ɔ, a be koe a Yataa ma.

GBOO IBU MƆƐ N KO A 8:4

Sanche gbɛ, ni a ni dunya chɛ ɔ wan, a nii ma‑a mɔɛ n tɛ Yataa a, ɛnden bɛɛ a. Koe min na mu, mɔɛ n mbe wan nɔ mɔɛ n tɛ Yataa a, miin mbe boo fenɛ n be Yataa ma, sawa ta fɛ chia a.

GBOO IBU MƆƐ N KO A 9:9

Yataa 'a tɛndi chɛ ɔ, ɛ koe tɔmɔsi an yian mmɔ a bi tee chɛ kɔɔ. Mɔɛ n ni na nɔ wan boo fenɛ n na, a basan yasi n na, Yataa fai koe a. Chɛɛ an fen chɛ nu, an nii che a ma‑a an yiima a ni ko fion.