GBOO IBU MƆƐ N KO A 4:2 - Yataa 'a Dɔbɛnɛ Nama

² Koe min na mu, sakana bai chɛndɛ chɛ, a che‑a buɛ min dɔ mmɔ ma, a che‑a ka wan an bɛɛ ma. Chɛɛ an sakana bai chɛ, an‑na min na min, an ma tɔnɔnɛ sɔn ni a ɔ. Koe min na mu, a nii ma danaya tan ni an dɔ, min sima ni ma an dɔ.

GBOO IBU MƆƐ N KO A 4:2 ပူးပေါင်းရင်းမြစ်များ

CHISƆSI 'A SƆ MƆƐ NU 13:46

Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.

CHISƆSI 'A SƆ MƆƐ NU 3:26

Yataa‑a a 'a wai chɛ mɔɛ Chisɔsi a na kɛn, a‑a a sɔ wo pɛn pɛn tena, wo wan Isɔɛɛ mɔɛ nu. Yataa‑a chɛ ma, min mbe a ma, a ni wo dua, wo ni wo kan kɔ sɔ wo 'a faamagbaa koe n na.”

GBOO DOMI KO A 2:25

Mɔɛ a kamincha chɛ, Yataa boo ɛ wan a kɔɔ, ni a mɔɛ chɛ ɛ tachɛ tena wan Yataa 'a sawa chɛ n na. Chɛɛ ni a mɔɛ chɛ ɛ sawa chɛ yɔn tena wan, mbɛ a ni fisa wɛɛ ni a a nii ma kamincha nin bɛɛ.

GBOO DOMI KO A 3:3

Tea mu a a, mbɛ Chu mɔɛ dɔ n nii ma dan ni sakana bai chɛ a. Chɛɛ chɛ ma a ɔ yian ni, mbɛ Yataa ɛ a da a kuiɛ ka‑a wan a gba ɔ, koe min na mu, an dɔ n‑na chɛ ma.

GBOO SAA KƆYINDI KO A 13:3

N gbu ni n boo fenɛ gbɛɛ be wɛɛ mɔɛ n ma, n ni n fandi gbu be, an ni n minda, koadia ni ma n faa ɔ. Chɛɛ ni a ee a ɔ, n mbe ee ko chɛndɛ kan kɔ kan ma sɔn chɛ gbakɔ.

Gboo Kadesia Ko A 3:2

N mbe chɛ an fɔ tena dechee wo ye. Wo bea koe a sawa chɛ fɛ, an mbe ee a ma, Yataa Nyina ni bea wo fɛ. Chɛɛ wo dan sakana bai chɛndɛ chɛ a, ni wo‑a a min, an mbe a ma, ɛ bea wo fɛ.

Gboo Kadesia Ko A 3:8

A sin, Yataa 'a gboo‑a chɛ kɔɔ fɔ wan. Mbɛ Yataa ɛ a ma‑a wan, mɔɛ miin ma Chu mɔ a, an ni an kaifa a a, mbɛ a‑a an ya mɔ tandenɛ n na, a chen kɔɔ. Chɛ an‑na a ma, a fua‑a sakana bai chɛndɛ chɛ ɔ yian‑da Ebeami a. A‑a a fɔ wan a ye, a ɔ, “Dunya ɔ mɔɛ tɔɛ n gbɛɛ, an mbe dua sɔn‑da, ɛ ka‑a i wan na.”

Gboo Kadesia Ko A 4:13

Wo‑a a ɔ sɔn fan, mbɛ a saa a, gboo ɔ gbandi, an na‑a a ma, n‑na sakana bai chɛndɛ chɛ sa wo tena, a si Chisɔsi ma.

Gboo Saa Tɛsadonika Ko A 1:5

A mu min na, nn‑na sakana bai chɛndɛ chɛ ɔ yian wo a, a si Chisɔsi Chasi ma. Nn ma a ɔ yian ni dechee nn da n fan dɔ. Chɛɛ Yataa Nyina an bɛɛ ni ka wai chɛ‑a gbasaya wa ɔ. A sin, nn danden fan ni a a, mbɛ nn mbe tea bai n fan fɔ. Wo sin gbu na‑a nn yen fan, mmɔ bɛ ni tima min na, nn ni fɔɛ min nyɔn sima ɔ. Nn‑na chɛ gbɛɛ ma, basan koe an na wo ma.

Gboo Saa Tɛsadonika Ko A 2:13

Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.

1 TIMOTI 4:8

Ni wai mɛsɛ chɛ ɛ gboo ɔ gbɛa be wan mɔ ma, mbɛ Yataa 'a wai sin nyin fan chia ɔ chia a. A mu min na, mmɔ‑a a 'a tɔnɔnɛ ma sɔn fan bi tee chɛ a, a basan ya ɔ ma a.

GBOO IBU MƆƐ N KO A 11:6

Mɔ ɔ mɔ ee che a ma‑a Yataa faa ni chima, ni an mɔɛ chɛ ma a kai fa ni Yataa a. Koe min na mu, mɔ ɔ mɔ min mbe na Yataa chen kɔɔ, fɔ ni a dan‑da a a, mbɛ Yataa ɛ wan nɔ. A sin, mbɛ Yataa ɛ tɔnɔnɛ be wan chɛ n ma, miin mbe na a tena.

GBOO IBU MƆƐ N KO A 3:12

N suun ma nyɔɛ nu Chasi ɔ, wo wo kun ma fɛn, wo dɔndɔ wɛɛ, ko yama ma faa ma na dɛ wo ɔ. A ni a ma, wo ee dan Yataa a. Chɛ ɛ a ma‑a wan, wo ni wo kan kɔ sɔ Yataa a, min mbe ee fa.

GBOO IBU MƆƐ N KO A 4:6

Chɛ an fɛ mu, min toen mu gbɛ, an nɛ mɔɛ n don koe a nɔ. A sin, mɔɛ saa nu, miin na‑a sakana bai chɛndɛ chɛ a min, an nii ma kooya be ni, an na‑a a ma, an nii ma don ni nɔ.

CHIMISI 1:21

Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.