GBOO IBU MƆƐ N KO A 4:12 - Yataa 'a Dɔbɛnɛ Nama

¹² Koe min na mu, Yataa 'a bai, fɔɛ an mbe a ɔ, a sin gbasa. A ɛ wan dechee yɔ mɛ, min na saen mu kaka. A ɛ kun fan don koe a mɔɛ gboo ɔ chɛndɛ chɛ, a ni che a faa ma. Mbɛ fenɛ min be a ɔ, a yen‑da. Mbɛ mɔɛ chɛ 'a yiinachii, a basan a faa ma koe n na, an dɔ sɔn‑da.

GBOO IBU MƆƐ N KO A 4:12 ပူးပေါင်းရင်းမြစ်များ

DUKU 8:11

Chisɔsi ɔ, “Tai chɛ tɔmɔsi an nɛ. Chin fen kuu chɛ mu Yataa 'a bai an na.

CHƆN 12:48

Mɔ ɔ mɔ min mbe ban‑da n dɔ, a ni a boo bɔ n 'na sakana bai kɔɔ, min mbe kaa a tɛ‑a a wakoe ma, ɛ nɔ. N‑na bai miin fɔ, an fan mbe kaa a tɛ‑a a wakoe ma, a ni tɔɔ. Chɛ ɛ ma‑a wan tee dankama ma, mɔɛ n mbe an kɔɔ sɔ‑a saya ɔ tee min ma.

CHƆN 6:51

N fan mu fɔɛ be daun fen chɛ a, min yii‑a a ka banda bu ɔ. Ni mɔ ɔ mɔ‑a daun fen chɛ daun, ɛ kuɔ fɔ fɔɛ ma sɔn‑da wan. N mbe daun fen chɛ min sin be‑a a ma, a mu n gboo an na. N mbe a be‑a wan, fɔɛ ko a dunya ɔ.”

CHISƆSI 'A SƆ MƆƐ NU 2:37

Mɔɛ chɛ n‑na bai chɛ a min kɛn, an faa mɔnɛ‑a wan. An sin‑na a fɔ wan Pita ye, an bɛ a bɔɛ sɔ mɔɛ n na, an dɔ, “Nn 'na mɔɛ nu, nn mbe fen ma gbɛ?”

CHISƆSI 'A SƆ MƆƐ NU 4:31

An ban‑da kɛn samunɛ chɛ‑a, an na sɔnden ni ka kaina, Yataa‑a a ma wan, nɔ ɔ samba‑a gbigbi. A sin, Yataa Nyina ni wan gbɛ an gbɛɛ fɛ gban. Mbɛ an‑na a kuu sɔ Yataa 'a sakana bai sa‑a, faagbɛa a.

CHISƆSI 'A SƆ MƆƐ NU 5:33

Chɛɛ Chu kuti wa chɛ‑a bai chɛ a min kɛn, Chisɔsi 'a sɔ mɔɛ chɛ n‑na min fɔ, an faa tɛ‑a wan aan. Chɛ‑a a ma wan, an‑na a ɔ bɛn an fa koe a.

CHISƆSI 'A SƆ MƆƐ NU 7:38

Mosisi chɛ sin ni wan Isɔɛɛ mɔɛ n tɛ ɔ, an na sɔndenɛ ni tima min na fuinɛ ma. An bɛ ni nɔ mmɔ bemba n ta bemba n na, ni maeka chɛ wɛɛ, min koɔ‑a a tena Saina kɔnkɔɛ ɔ. A sin‑na Yataa 'a sakana bai ma sɔn fan, min mbe fɔɛ be, a a ben koe a mmɔ tena.

GBOO DOMI KO A 1:16

N 'na danaya Yataa 'a sakana bai chɛndɛ chɛ a, a da faenɛ mu gban. Koe min na mu, Yataa 'a gbasaya ɛ wan sakana bai chɛ ɔ. Chia mu an na, Yataa ɛ a 'a mɔɛ n baun min na, a 'a mɔɛ chɛ n gbɛɛ, miin‑na an kai fa Chisɔsi a. A saa mu Chu mɔɛ n fan na, mbɛ chɛ n bɛɛ, miin ma Chu mɔ a, an na‑a an gbaa chia a.

GBOO SAA KƆYINDI KO A 1:24

Chɛɛ mɔɛ dɔ n‑na a ɔ sɔn fan, mbɛ Chasi chɛ, an mu Yataa 'a gbasaya a, an mu a 'a yiimatɛ a. Mɔɛ chɛ nu, Yataa‑a miin chee bauncha ma sɔn koe a. An ni ma Chu mɔ a, an ma ma Chu mɔ a, an‑na chɛ ɔ sɔn fan.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

Gboo Ɛfisɔsi Ko A 5:13

Ni manɛ sɔ‑a fen kɔ fen na, mbɛ an fen chɛ yen‑da gbadan.

Gboo Ɛfisɔsi Ko A 5:26

A‑a chɛ ma, min mbe a ma, a ni a ma, mɔɛ miin mbe chɔchi ɔ, an ni ma tenchen Yataa ko a. A ni an ko fion, yii a, mbɛ a‑a a da a bai sa an yii kun ma.

Gboo Ɛfisɔsi Ko A 6:17

Wo dan chɛ a chɛndɛ chɛ, mbɛ Yataa‑a wo baun. A ni ma yɔ chɛɛ chɛ banfua, wo kunɛ a. Mbɛ Yataa 'a bai sin, a ma‑a wo boo a chɛɛ chɛ mɛ a, Yataa Nyina 'a gbasaya ɔ.

Gboo Saa Tɛsadonika Ko A 2:13

Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.

Gboo Saa Tɛsadonika Ko A 5:23

Yataa wandi, min mbe faachima be mmɔ ma, a ni a ma wo ni ma a ko a tenchen chia ɔ chia a. A ni wo kun ma fɛn chia gbɛɛ a. Mabɔ kan kɔ kan ma ma wo ma, wo 'a fɔɛ gbɛɛ ɔ, tima min na mmɔ 'a mansa Chisɔsi Chasi ɛ na‑a.

GBOO IBU MƆƐ N KO A 13:7

Wo ma nyina wo ya ɔ sɔɛ n ma, chɛ nu, miin na‑a Yataa bai sa wo tena. Wo wo yii na chii min na‑a an tan fɔɛ ɔ, mbɛ wo‑a wo kai fa Yataa a, yɔ an ni buɛ min dɔ.

CHIMISI 1:18

Yataa wandi gbu ta dɔbɛn chɛndɛ ɔ mu, a‑a mmɔ ya a ta denɛ n na. Yataa‑a a ma wan, a 'a bai, min mu tea a, a‑a fɔɛ nama be mmɔ ma. Chɛ‑a a ma wan, fen fen a na‑a min na dan, mmɔ wan mu a saa a.

1 PITA 1:23

A mu min na, Yataa‑a a ma wan, wo suun‑da to a nama a. Wo 'a fɔɛ nama chɛ, wo woo mɔɛ nu dunya ma, an fan ma a be ni wo ma. Koe min na mu, an‑na fɔɛ min be wo ma, ɛ danka‑a saya an dɔ. Chɛɛ fɔɛ nama chɛ tana, ɛ ma‑a wan kuɔ fɔ ko a. Koe min na mu, Yataa da a bai chɛ, fɔɛ ɛ min dɔ, ɛ ma‑a wan nɔ kuɔ fɔ ko a.

KO Ɔ NUNDENƐ 1:16

A‑a tɔmbuaka wɔnfea bia, a boo nyima a boo a. Mbɛ chɛɛ chɛ mɛ bɔ‑a a da ɔ, min da ɛ a bu ɔ, ɛ to a kɔɛ, an na saen ba ɛ. A ya kɔɔɛ sin ni man tena wan, yɔ ni tee che‑a a kun tɛ.

KO Ɔ NUNDENƐ 19:15

Yataa Da 'a Bai chɛ da ɔ, chɛɛ chɛ mɛ a saenɛ chɛndɛ chɛ, a bɔ‑a wan a ɔ. Ɛ an mɛ chɛ an ya tena, a ni kun dunya gbɛɛ ma chɛɛ ɔ. Ɛ ma‑a wan dunya kun ma mansa a, a sin mbe ee a 'a mansaya a tachɛ‑a chinchincha ɔ. A yɛ to, ɛ tɛn tɛn‑da wan fen chɛ ma bondonɛ ɔ, fen chɛ min tɔ mu keepi, a yii bɔ koe a a ɔ. Ɛ ma‑a ka Yataa 'a faatɛ wa an dɔ yian‑da.

KO Ɔ NUNDENƐ 19:21

An 'na soya mɔɛ n tana, chɛɛ chɛ mɛ a saen chɛ, min bɔ‑a mɔɛ chɛ da ɔ soo gbɛ chɛ kun ma, a‑a an gbɛɛ fa wan. Konde n gbɛɛ, an bu ni te tena wan an su daunɛ a.

KO Ɔ NUNDENƐ 2:16

Chɛ an‑na a fɔ, wo wo kan kɔ sɔ wo 'a ko yama chɛ n na. Ni chɛ ma, a ɔ ee yansan tena, n na‑a wo tena, mbɛ n‑na butuinɛ chɛ an mɔɛ chɛ n na, chɛɛ chɛ mɛ chɛ a, min mbe n da ɔ.”

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”

KO Ɔ NUNDENƐ 20:4

Mbɛ n‑na mansa sea n yen, mɔɛ miin sin ni si ɔ an sea chɛ n na, gbasaya been fan ni an ma, ma koe a mansa n na. A yɛ to, mɔɛ chɛ nu, an‑na miin kunɛ tɛ a a, sɔ koe a gban Chisɔsi ko a, a basan Yataa bai sa a, n‑na an fuɛ n yen fan. An mɔɛ chɛ nu, an nii ma soe yama chɛ fai ni, an nii ma fen chɛ wɛɛ fai ni, fenɛ min bɔen ni a a. A yɛ to, an nii ma soe yama chɛ 'a nyɛn chɛ sa ni an ya kɔɔ, an ma a sa ni a boo wɛɛ ma. An mɔɛ chɛ n yɛ‑a wan to fɔɛ ɔ, an ma‑a mansa a, san wu dɔndɔ (1,000) ko a, an bɛ Chasi a, kunka mansa.