GBOO IBU MƆƐ N KO A 3:12 - Yataa 'a Dɔbɛnɛ Nama

¹² N suun ma nyɔɛ nu Chasi ɔ, wo wo kun ma fɛn, wo dɔndɔ wɛɛ, ko yama ma faa ma na dɛ wo ɔ. A ni a ma, wo ee dan Yataa a. Chɛ ɛ a ma‑a wan, wo ni wo kan kɔ sɔ Yataa a, min mbe ee fa.

GBOO IBU MƆƐ N KO A 3:12 ပူးပေါင်းရင်းမြစ်များ

MATIU 16:16

Mbɛ Saimɔn Pita ɔ, “I mu Chasi an na, nn kun ka mansa. Yataa min mbe ee fa kuɔ fɔ ko a, a 'a denɛ mu i wan na.”

MATIU 24:4

Mbɛ Chisɔsi ɔ, “Wo wo kun ma fɛn, an ma na wo woo.

MAKI 13:23

Chɛɛ wo wo kun ma fɛn! N ban‑da wo too kɔ‑a, an mbe e na to ma‑a.”

MAKI 13:33

Wo wo kun ma fɛn, wo ma bɛndenɛ ni ma. Koe min na mu, wo ma tee sɔn, n na tima ɛ che‑a tee min ma.

MAKI 13:9

“Chɛɛ wo wo wandi kun ma fɛn. An mbe wo bia‑a wan, an ni ta wo a, gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na. An mbe wo bia‑a wan, an ni ta wo a, chɛnyɛ ti n tena, an mbe ta‑a wan wo a, mansa wa n chen kɔɔ. An mbe chɛ gbɛɛ si‑a wan wo a, a si n bakoe ma. Chɛɛ wo e kun‑da wan Yataa 'a sakana bai chɛndɛ ɔ yian‑da an na.

DUKU 21:8

Mbɛ Chisɔsi ɔ, “Wo wo kun ma fɛn, an ma na wo woo. Koe min na mu, mɔ sɛsɛ mbe na‑a wan n tɔɛ ɔ, an mbe a fɔ‑a wan, an dɔ, an fan mu Chasi a, kunka mansa. Mbɛ an‑na a fɔ to, an dɔ, tima gbu, an che‑a ka. Chɛɛ wo ma bea an fɛ.

GBOO DOMI KO A 11:21

Ni Yataa ma kaa ni Isɔɛɛ mɔɛ n ka‑a a ma, miin mbe yɔ kɔnɛ bonɛ wandi gbu, a ee che‑a a to‑a a ɔ wo wɛɛ ye. Chɛ ee che ma‑a.

GBOO SAA KƆYINDI KO A 10:12

Chɛ an fɛ mu, ni ɛ wan mɔ ɔ mɔ 'a yiinachii ɔ, mbɛ ɛ wan sɔ ɔ gban Yataa ko a, a mɔɛ chɛ ni a kun ma fɛn, min mbe a ma, a wɛɛ ma na bea.

Gboo Kɔdɔsai Ko A 2:8

Wo wo kun ma fɛn, wo ma na ma yɔnɛ a, mɔ dɔ mende n 'na yiinachii ɔ yansama boo ɔ. An ma na wo bun, wo ni bea mɔ gbu ta manda n fɛ, wo ni bea dunya chɛ ma nyina n fɛ. An mbe ee ma‑a Chasi ta chia fɛ.

Gboo Saa Tɛsadonika Ko A 1:9

Mɔɛ chɛ n gbɛɛ mbe wan bai sa‑a, a si nn bia buɛ ma, wo boo ɔ, nn na‑a wo kɔndɔn‑da tima min na. A yɛ to, a si wo‑a wo kan kɔ sɔ buɛ min dɔ fen chɛ n na, miin ma Yataa a. Wo‑a chɛ ma tea Yataa an fai koe a, min mbe ma‑a nɔ kuɔ fɔ ko a.

GBOO IBU MƆƐ N KO A 10:31

Yataa min mbe ee fa kuɔ fɔ ko a, a ma chianden mu, a boo ni sa mɔɛ ɔ.

GBOO IBU MƆƐ N KO A 10:38

A ɔ te to, “N 'na mɔɛ min mbe a kai fa‑a n na, n mbe an ya mɔ tandenɛ a, a sin fan mbe kuɔ fɔ fɔɛ ma sɔn. Chɛɛ ni min kɔ min‑na a kan kɔ sɔ n na, n bu ɔ ee dia‑a a mɔɛ chɛ a.”

GBOO IBU MƆƐ N KO A 12:15

Wo tima ya, wo ma na wo kan kɔ sɔ koadia demanɛ a, Yataa ɛ min be. Wo dɔndɔ wɛɛ ma ma yɔ kɔn konama. Ni a koa‑a dechee, ɛ ma kɔn yama an na, a bɔɛ n tɛ ɔ.

GBOO IBU MƆƐ N KO A 12:22

Chɛɛ wo‑a min ma gbɛ, wo na‑a Sayɔn kɔnkɔɛ kɔɔ, wo na‑a duu wa chɛ ɔ Yataa tena, min mbe ee fa kuɔ fɔ ko a. Wo na‑a Chuusaɛn, min mbe banda bu ɔ, maeka wu sɛsɛ n mbe kaina min, buɔdia ɔ.

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 3:1

Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

GBOO IBU MƆƐ N KO A 3:10

Chɛ an fɛ mu, n faa na‑a tɛ wan an mɔɛ chɛ n nɛnɛ ma, mbɛ n‑na a fɔ, n dɔ, ‘An faa ma nyin tima ɔ tima ko a. A sin, an mbe ee dɔn, an ni bea n fɛ.’

GBOO IBU MƆƐ N KO A 3:19

Mbɛ mmɔ ban‑da gbɛ a ɔ yen‑da, mbɛ an nii ma dan ni Yataa a. Chɛ an na‑a a ma, an ma che ni don‑da suin tena chɛ.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.