GBOO IBU MƆƐ N KO A 3:1 - Yataa 'a Dɔbɛnɛ Nama

¹ Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

GBOO IBU MƆƐ N KO A 3:1 ပူးပေါင်းရင်းမြစ်များ

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 20:21

Mbɛ a ɔ to an ma, a ɔ, “Yataa ni faachima be wo ma. Fa‑a n na na buɛ min dɔ dunya chɛ ɔ, n bɛɛ, a chia dɔndɔ gbe chɛ a mu, n mbe wo a ta tena a ɔ.”

CHƆN 20:27

Mbɛ a‑a a fɔ Tɔmɔsi gbu ma, a ɔ, “N boo kana n ma fɛn, i ni i boo din nɛ paa chɛ n dɔ. A yɛ to, i boo a na, i ni a din nɛ n kaa fɛ chɛ. Kɔɔsa bia chɛ gbɛɛ ni ban gbɛ i boo ɔ, i kai fa gbɛ n na.”

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

GBOO DOMI KO A 11:17

A maen fan mu ka gbɛ yɔ an kɔn chɛ bonɛ dɔ n ka‑a a ma, mbɛ fia kɔnɛ dɔ gbɛɛ bonɛ ya a, mbɛ a chii‑a kɔnɛ bonɛ chɛ gba ɔ. Fia kɔn chɛ ɛ ka gbɛ kana‑a kɔn chɛ a tifa an dɔ. Wo wan mɔɛ chɛ nu, wo wɛn ma Chu mɔ a, wo e ka wan. Wo e ka gbɛ kana‑a mɔɛ chɛ n na tifa an dɔ Yataa tena, mɔɛ chɛ nu, miin mu Chu mɔɛ n na.

GBOO DOMI KO A 15:27

An fandi gbu an si‑a, an‑na an yii na chii chɛ ma koe a. Chɛɛ tea gbu ko a, a gbu dinden fan mu an ma a ma koe a ka. Koe min na mu, Yataa‑a dua min chɛ Chu mɔɛ n na, an na‑a a du wan, an‑na mɔɛ chɛ n kɔ miin nii ma Chu mɔ a. Chɛ an fɛ mu, ni Yataa‑a boo fenɛ be an bɛɛ ma, an mbe Chu mɔɛ n bɛɛ kɔ wan.

GBOO DOMI KO A 15:8

A ni ma wo yii ma, mbɛ Chisɔsi Chasi na‑a na dunya chɛ ɔ, ma koe an na yɔnɛ a Chu mɔɛ n ko a. A na‑a chɛ ma, koe an dɔ yian koe an na, mbɛ Yataa tanden mu. An ni a ɔ yen, Yataa na‑a tooɔdia min chɛ an bemba n ta bemba n na, a ni bɔ a a.

GBOO DOMI KO A 9:24

Koe min na mu, a na‑a mɔɛ miin chee, an mu mmɔ wan na. A nii ma mmɔ wan Chu mɔɛ n dechee an chee ni, chɛɛ mmɔ dɔ n bɛɛ, mmɔ wɛn ma Chu mɔ a, a na‑a mmɔ wɛɛ chee wan.

GBOO SAA KƆYINDI KO A 1:2

Nn mbe gboo chɛ nyɛn tena, wo wan tena, wo wɛn mbe Yataa 'a chɔchi ɔ, Kɔyindi duu ɔ. Yataa na‑a wo wɛn chee, wo ni ma tenchen a ko a. Yataa‑a wo ma a ta mɔɛ n na, koe min na mu, a‑a wo ma mɔ dɔndɔɛ a Chisɔsi Chasi a. A‑a a ma ka wan mɔɛ n gbɛɛ a, miin mbe Mansa Chisɔsi tɔɛ chee tena, mmɔ 'a mansa, ni an 'na mansa, an baun koe a.

GBOO SAA KƆYINDI KO A 10:17

Mmɔ da a koo, chɛɛ mɔ dɔndɔ gbe mu mmɔ a, a mu min na, mmɔ ɛ biidi gbugbu dɔndɔ gbe an daun.

GBOO SAA KƆYINDI KO A 9:23

N mbe chɛ gbɛɛ ma, min mbe a ma, sakana bai chɛndɛ chɛ ni fasan a ɔ kan kɔ kan. A ni a ma, mmɔ ni dua chɛ ma sɔn, bai chɛ ɛ na min na.

GBOO FEAN BƆƐ KƆYINDI KO A 1:7

Nn faa ma gbaa ni ɛnden bɛɛ a, a si wo ma. Nn‑na a ɔ sɔn fan, mbɛ nn‑na ko yawaenɛ min dɔ bia, wo wɛɛ‑a an dɔ bia. Chɛɛ nn‑na a ɔ sɔn ka wan to, mbɛ nn‑na nande min bɛɛ ma sɔn, wo wɛɛ‑a a ma sɔn fan.

GBOO FEAN BƆƐ KƆYINDI KO A 9:13

A sin, wo e wai min chɛ tena ka, ɛ koe min dɔ yian tena, ɛ a ma tena wan, mɔ sɛsɛ ni basɔmaya be Yataa ma. Koe min na mu, wo‑a wo boo si wan sakana bai chɛ kɔɔ, wo e min dɔ yian, a si Chisɔsi ma. A yɛ to, wo 'a wai nyima wɛɛ ko a, wo e min chɛ an na, a basan mɔ dɔ mende n bɛɛ a.

Gboo Ɛfisɔsi Ko A 3:6

Yataa‑a dɔbɛn chɛ an yian an na. Mbɛ Chisianɛ miin ma Chu mɔ a, an mbe an ta ma sɔn‑da wan dua gbɛɛ ɔ, Yataa ɛ min be. Ɛ ma‑a wan dechee yɔ Chisianɛ nu, miin mu Chu mɔɛ n na, an mbe a ma sɔn‑da buɛ min dɔ. Mɔɛ miin ma Chu mɔ a, an ma‑a mɔ dɔndɔɛ a, an bɛ Chu mɔɛ n na. Yataa‑a a 'a mɔɛ n too ɔ dia min na, mɔɛ miin ma Chu mɔ a, an bɛɛ an mbe a ma sɔn‑da wan. Koe min na mu, an mu mɔ dɔndɔɛ an na Chisɔsi Chasi a. Yataa 'a sakana bai chɛndɛ‑a a fɔ ka wan.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 4:4

Mmɔ gbɛɛ, mmɔ dɔndɔɛ mu mmɔ a, yɔ Chasi gboo ɛ buɛ min dɔ. Koe min na mu, Yataa Nyina, min mbe mmɔ fɛ, ɛ dɔndɔ gbe. Ɛ ka wan dechee, yɔ yiinatɛ chɛ wɛɛ, Yataa‑a mmɔ chee min ko a, a sin mbe mmɔ ɔ.

Gboo Fiipai Ko A 3:14

N mbe n fɔsɔ tena, ya ɔ ma an ko a, n ni tɔnɔnɛ chɛ ma sɔn. Mɔɛ min fea Chisɔsi Chasi a, an ma‑a mɔ dɔndɔɛ a, ɛ tɔnɔnɛ min ma sɔn, ni Yataa‑a an mɔɛ chee banda bu ɔ.

Gboo Kɔdɔsai Ko A 1:12

Nn mbe Yataa wai bɔ tena tima ɔ tima, tɔnɔnɛ chɛ n bɛɛ ma sɔn koe a, a‑a miin be koe fɔ a ta mɔɛ n ma, miin mbe a 'a manɛ kɔɔ. A wan Yataa dɔndɔ gbe, an mbe a gbasaya be wo ma, an ma sɔn koe a.

Gboo Kɔdɔsai Ko A 1:22

Chɛɛ sanche gbɛ, wo ma‑a gbɛ Yataa dia nyɔɛ n na, min mbe a ma, wo ni ma gbɛ tenchen a ko a, mabɔɛ sima wɛɛ ma na ma wo ma, a chen kɔɔ. A‑a chɛ ma saya chɛ an dɔ, Chasi‑a min chɛ kɔn gbengbandenɛ ma, mɔgbuya gboo ɔ.

Gboo Kɔdɔsai Ko A 3:12

Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

Gboo Saa Tɛsadonika Ko A 5:27

Mansa Chisɔsi ɛ mmɔ yen tena. N mbe na tena chɛ an ma din‑da wo tena gbau gbau. Mbɛ wo ni gboo nyɛnden chɛ kan chɛ n gbɛɛ tena, miin kai faen mu a a.

GBOO FEAN BƆƐ TƐSADONIKA KO A 1:11

Chɛ an fɛ mu, nn mbe samunɛ chɛ wo ko a tima ɔ tima ko a. Nn mbe mmɔ 'a Yataa fai tena, min mbe a ma, wo ni kun ma koe a fɔɛ chɛ ɔ, a‑a wo chee ma koe a min dɔ. A ni a ma, a 'a gbasaya ɔ, wo ni che wo faa ma koe chɛndɛ gbɛɛ ma‑a. A yɛ to, wo kai faenɛ min chɛenɛ ɛ Chisɔsi a, a ni a ma wo ni koe gbɛɛ ma, wo e min ma.

GBOO FEAN BƆƐ TƐSADONIKA KO A 2:14

Nn ni sakana bai chɛndɛ min sa ka wo tena, Yataa na‑a wo chee an dɔ, bauncha chɛ ma sɔn koe a. A na‑a wo chee, min mbe a ma, a ni basɔmaya be wo ma, yɔ a na‑a min nyɔn sima be mmɔ 'a mansa Chisɔsi Chasi ma.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

1 TIMOTI 6:2

Yɔn fa nu miin kai faen mu Chisɔsi a, an 'na yɔnɛ n ma tɛ an dɔ, kun dɔ an‑na a yen, mbɛ an gbɛɛ an mbe chia dɔndɔɛ an na. Chɛɛ an yɔn chɛ n ni wai chɛ an ko a an sɔɛ gbɛɛ a, a mu min na, an 'na tɔnɔnɛ ɛ ta tena an kai fa tena dɔndɔ gbe wan. N toen mu i ni koe chɛ n kan, i ni an ma din.

2 TIMOTI 1:9

A‑a mmɔ baun fan, mbɛ a‑a mmɔ chee ma koe a a ta mɔɛ n na. A ma chɛ ma ni mmɔ sɔn chɛndɛ an ko a. Chɛɛ Yataa e na to dunya a dan‑da, a wandi na‑a a ɔ bɛn ka wan, a 'a koadia demanɛ ɔ, a‑a min dɔ yian Chisɔsi Chasi ɔ.

2 TIMOTI 2:7

I yii si koe chɛ n ma, n mbe miin fɔ tena, koe min na mu, mansa Chisɔsi ɛ a ma‑a wan, i ni an gbɛɛ ɔ gbɛ.

GBOO IBU MƆƐ N KO A 10:19

Chɛ an fɛ mu, n suun ma nyɔɛ nu Chasi ɔ, mmɔ yii sɔen fan mu gbɛ gbae, Chisɔsi wii 'a gbasaya ɔ, don koe a kaina min mbe tenchen Yataa ko a.

GBOO IBU MƆƐ N KO A 10:21

A sin, a ka a tima ma, tɛ mɔ wa, mmɔ tɛ Yataa a, an mbe mmɔ boo ɔ. A sin fan mbe Yataa 'a chenɛ kun ma.

GBOO IBU MƆƐ N KO A 10:23

Mmɔ ma a ɔ yian bi, mbɛ mmɔ yii na tɛen mu Chisɔsi an ma, mbɛ sinan, mmɔ‑a yiima dɔ mende ya. Koe min na mu, a wɛn‑na mmɔ too ɔ dia, a ee a da a kuiɛ yɔn.

GBOO IBU MƆƐ N KO A 13:22

Wo dimu, n suun ma nyɔɛ nu Chasi ɔ, wo wo too ma sɔ bai chɛ n ma. Bai chɛ nu, gboo chɛ ɔ, miin mbe wo faa ma nande. Koe min na mu, gboo kundu mu dechee, n‑na min nyɛn ka wo tena.

GBOO IBU MƆƐ N KO A 2:11

Koe min na mu, Chisɔsi ni ma, ni mɔɛ chɛ nu, a 'a gbasaya ɛ a ma, miin mbe ma tenchen Yataa ko a, an fa ɛ dɔndɔ gbe. Chɛ an fɛ mu, Chisɔsi ee mau an chee koe a, a suun ma nyɔɛ n na.

GBOO IBU MƆƐ N KO A 2:17

Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.

GBOO IBU MƆƐ N KO A 3:12

N suun ma nyɔɛ nu Chasi ɔ, wo wo kun ma fɛn, wo dɔndɔ wɛɛ, ko yama ma faa ma na dɛ wo ɔ. A ni a ma, wo ee dan Yataa a. Chɛ ɛ a ma‑a wan, wo ni wo kan kɔ sɔ Yataa a, min mbe ee fa.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

GBOO IBU MƆƐ N KO A 6:20

Chisɔsi pɛn na‑a ta an kaina chɛ, mmɔ ko a. A sin, a ma‑a wan tɛ mɔ wa a, mmɔ ko a Yataa tena, kuɔ fɔ ko a. A na‑a ma wan, yɔ Mɛchisɛdɛki ni buɛ min dɔ.

GBOO IBU MƆƐ N KO A 7:26

Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.

GBOO IBU MƆƐ N KO A 7:28

Sawa min be‑a Mosisi ma, an mbe mɔ gbu n yian, dɔndɔ dɔndɔɛ a, ma koe a tɛ mɔ wa a, mɔ gbu n tɛ Yataa a. An ni a fɔ wɛɛ, an mɔɛ chɛ n gbu, wai chɛ gbasaya ee an ye. Chɛɛ Yataa sin mbe a kai wan a wandi ɔ, a ee na koe ma. A sin, a na‑a sawa chɛ be pɛn Mosisi ma, a ee na a boo sɔ a 'a denɛ ma. A den chɛ sin na‑a koe gbɛɛ ma wan tima ɔ tima, Yataa toen ni miin na.

GBOO IBU MƆƐ N KO A 9:11

Chɛɛ Chasi ban‑da gbɛ na‑a, ma koe a tɛ mɔ wa a, mɔ gbu n tɛ Yataa a, ko chɛndɛ chɛ n ko a, miin‑na mmɔ tan. A ben‑da ka tɛndi min kɔɔ, mɔ gbu an ma a nyan ni, a sin gbu ma dunya chɛ ɔ fen na.

GBOO IBU MƆƐ N KO A 9:15

Chɛ an fɛ mu, Chasi an mbe mmɔ tɛ Yataa a, dɔbɛn nama chɛ ko a. Chɛ ni a ma, Yataa ɛ mɔɛ miin chee‑a, an ni kuɔ fɔ fɔɛ chɛ ma sɔn, min bakoe na‑a don an too ɔ. Koe min na mu, Chasi ban‑da gbɛ saya chɛ‑a, mɔɛ kun ka koe a, a bɔ an 'na ko yama n dɔ, an na‑a miin ma dɔbɛnɛ kɔma kɔɔ.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

1 PITA 3:5

Suun musu nu, miin ni tenchen Yataa ko a, an ni an fandi a bonchen ka wan. An yii na tɛen ni Yataa an ma, an mbe an chɛɛ n 'na gbasaya kɔɔ.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

CHUDA 1:1

N fan Chuda, n fan mbe gboo chɛ nyɛn tena wo tena, wo wan Chisian mɔɛ nu. Chisɔsi Chasi 'a wai chɛ mɔɛ mu n na, n fan Chimisi dɔ kaima. Fa Yataa toen mu wo a, a‑a wo chee wan a tena, a sin, Chisɔsi Chasi ɛ wo kun ma fɛn tena wan.

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”

KO Ɔ NUNDENƐ 18:20

Wo wɛn mbe banda bu ɔ, wo buɔdia bɔ, Babidon yɔn koe a Yataa boo ɔ. Yataa 'a mɔɛ nu, Chisɔsi 'a sɔ mɔɛ gbau gbau nu, wo buɔdia bɔ, wo bɛ Yataa 'a gbonka chɛ mɔɛ n gbɛɛ a. Koe min na mu, Yataa‑a kaa a tɛ Babidon duu wa chɛ ma koe chɛ n ko a, a na‑a miin ma wo a.