GBOO IBU MƆƐ N KO A 2:8 - Yataa 'a Dɔbɛnɛ Nama

⁸ A sin, i‑a gbasaya be wan a ma, fen kɔ fen kun ma dunya ɔ.” Yataa‑a gbasaya sin be kɛn a ma, fen kɔ fen kun ma, Yataa wɛɛ‑a fen kɔ fen don fan a 'a gbasaya kɔɔ. Chɛɛ koe n mbe buɛ min dɔ, mmɔ ma a ɔ yen nin bɛ, fen kɔ fen dondenɛ ni ma a kɔɔ.

GBOO IBU MƆƐ N KO A 2:8 ပူးပေါင်းရင်းမြစ်များ

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

CHƆN 13:3

Chisɔsi na‑a a ɔ sɔn fan, mbɛ a fa ban‑da gbasaya gbɛɛ be‑a a ma, ko ɔ ko ma koe a. A na‑a a ɔ sɔn fan to, mbɛ a ka‑a Yataa tena wan, a sin mbe yɛ tena to nɔ wan.

CHƆN 3:35

Mmɔ Fa Yataa toen mu a 'a Denɛ a, an‑na a ma, a‑a gbasaya be a ma fen kɔ fen kun ma.

GBOO SAA KƆYINDI KO A 15:27

Yataa‑a a fɔ wan a 'a gboo ɔ, a ɔ, a‑a a ma wan fen fen si‑a Chasi chen kɔɔ. Chɛɛ chɛ ma a ɔ yian ni, mbɛ ni a fɔ‑a, fen fen, mbɛ a wan Yataa wandi wɛɛ si‑a wan Chasi chen kɔɔ. Koe min na mu, a wan‑na a ma, fen fen si‑a Chasi chen kɔɔ.

GBOO IBU MƆƐ N KO A 1:13

Chɛɛ maeka ee nɔ, Yataa‑a chɛ fɔ min ye, yɔ a‑a min fɔ a 'a denɛ ye a 'a gboo ɔ, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ, n ni an popoya i ya kɔɔ.”

GBOO IBU MƆƐ N KO A 1:2

Chɛɛ mmɔ ɛ ka tee dankama nɛnɛ chɛ miin kɔɔ, dunya e na to ban‑da, a koɔ‑a gbɛ mmɔ tena a 'a denɛ an dɔ. A‑a an yian, ma koe a fen kɔ fen kun ma dunya ɔ. A sin gbu ni dunya gbɛɛ a dan tena tima min na, a na‑a a ma a 'a den chɛ an na gbasaya ɔ.

GBOO IBU MƆƐ N KO A 2:5

Koe min na mu, dunya chɛ min mbe ya ɔ ma, Yataa nii ma a fɔ ni, mbɛ maeka n fan mbe a kun ma. A sin, nn mbe ka koɔ tena, a si an dunya chɛ an ma.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.