GBOO IBU MƆƐ N KO A 2:3 - Yataa 'a Dɔbɛnɛ Nama

³ Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.

GBOO IBU MƆƐ N KO A 2:3 ပူးပေါင်းရင်းမြစ်များ

MATIU 23:33

Wo yauaen ba chɛ nu yɔ ka. Wo ee kun wo ni wo kunɛ bɔ Yataa 'a mɔnɛ kɔɔ min mbe wo ko a. Yataa ɛ wo a ta‑a wan ta ɔ.

MATIU 4:17

A ka gbɛ a tima chɛ ma, Chisɔsi‑a a kuu sɔ wan Yataa 'a bai sa‑a. A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MAKI 1:14

Mbɛ an‑na Chɔn sa pimbi chenɛ a. Chɛ gbakɔ, Chisɔsi ta‑a Kadidi chɛnyɛ ɔ, Yataa 'a sakana bai chɛndɛ sa koe a mɔɛ n tena.

DUKU 1:69

Gbasaya tɔ wa, Yataa‑a a a na, mmɔ baun koe a. Mɔɛ chɛ kaen mu, a 'a yɔnɛ Defidi 'a dambi an dɔ,

DUKU 24:19

Mbɛ Chisɔsi ɔ, “Wuo, fen ko chɛ‑a a ɔ?” Mbɛ an dɔ, “An‑na koe miin sɛ Chisɔsi ma, min ka‑a Nasaɛti duu ɔ. Kamin chɛ, Yataa 'a gbonka chɛ mɔɛ ni a a. A na‑a kamaya ko wa miin ma, a basan bai n na, a ni miin fɔ, an na‑a a ɔ yian fan, mbɛ Yataa ni wan a kɔ. Mɔɛ n gbɛɛ danden fan ni a a, mbɛ Yataa 'a gbasaya ni wan a ɔ.

CHƆN 15:27

A sin gbu, wo wɛɛ, wo e n bakoe ɔ yian‑da wan mɔɛ n na. Koe min na mu, kɛn n‑na a kuu sɔ kanɛ chɛ‑a, mmɔ bɛ an mbe ben ben tena.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

CHISƆSI 'A SƆ MƆƐ NU 4:12

Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”

GBOO DOMI KO A 11:14

Kɔkɔɛ chɛ ɛ che‑a wan a ma‑a, n ta mɔɛ nu, miin mu Chu n na, n ni a ma toomaya ni chɛ an faa ɔ. Chɛ ɛ a ma‑a wan, an dɔ n ni bauncha ma sɔn.

GBOO DOMI KO A 2:3

Chɛɛ wo tana, wo e kaa tɛ mɔɛ n bakoe ma, a si koe miin ma koe ma, wo wɛɛ wo e an ko dɔndɔ gbe chɛ n fan ma. A ma ma wo yii ma, mbɛ Yataa ee kaa a tɛ‑a, a si wo wakoe ma.

GBOO SAA KƆYINDI KO A 1:21

Yataa yiima tɛen ba mu, an‑na a ma, a‑a a ma mɔɛ n 'na yiimatɛ ee che a ma‑a, an ni a ɔ gbɛ a gbu ɛ ka ma. A‑a chɛ ma, min mbe a ma, mɔɛ chɛ n ni bauncha ma sɔn. Mɔɛ chɛ nu, miin mbe an kai fa‑a a a, ni an‑na wooya sakana bai chɛ a min, nn mbe min dɔ yian.

Gboo Saa Tɛsadonika Ko A 5:3

Mɔɛ n mbe ma‑a a fɔ‑a dechee, an dɔ, “A yama ee nɛ,” an dɔ, “koe n dɔ chimaen mu,” a tima chɛ a mu, kasaa ɛ an tan‑da. Ɛ an tɛnɛ‑a wan, yɔ bu ɔ tɛ ɛ musu tɛnɛ buɛ min dɔ. A sin, mɔɛ n kun mbe ee bɔ‑a a ɔ.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

TAITƆSI 2:11

Koe min na mu, Yataa‑a a 'a koadia demanɛ ɔ yian, min mbe a ma, mɔ gbu gbɛɛ ni bauncha ma sɔn.

GBOO IBU MƆƐ N KO A 1:1

Suun, tima sɛsɛ ko a, Yataa na‑a koɔ wan mmɔ bemba n ta bemba n tena, chia sɛsɛ a. A sin, a ni chɛ ma, a 'a gbonka chɛ mɔɛ sɛsɛ n fan dɔ.

GBOO IBU MƆƐ N KO A 1:14

Chɛɛ maeka chɛ n tana, Yataa‑a an sɔ, an ni na wai chɛ a ko a dunya ɔ. An ni basan mɔɛ chɛ n ma, miin mbe na‑a bauncha ma sɔn‑da.

GBOO IBU MƆƐ N KO A 1:2

Chɛɛ mmɔ ɛ ka tee dankama nɛnɛ chɛ miin kɔɔ, dunya e na to ban‑da, a koɔ‑a gbɛ mmɔ tena a 'a denɛ an dɔ. A‑a an yian, ma koe a fen kɔ fen kun ma dunya ɔ. A sin gbu ni dunya gbɛɛ a dan tena tima min na, a na‑a a ma a 'a den chɛ an na gbasaya ɔ.

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 4:1

Chɛ an fɛ mu, tooɔdia ɛ wɛ ka nɔ tima min na, mmɔ don koe a suin tena chɛ, Yataa‑a min dɔ bɛn, mmɔ chiandenɛ ni ma, kɔkɔɛ mmɔ dɔ nu, mmɔ ee na‑a kun‑da don koe a suin tena chɛ.

GBOO IBU MƆƐ N KO A 4:11

Chɛ an fɛ mu, mmɔ butuin chɛ, mmɔ ni don an suin tena chɛ. Mmɔ butuin chɛ, mmɔ dɔndɔ wɛɛ ma na bea. Mmɔ ma na bɔ chɛ n gba ɔ, danaya nii miin dɔ.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

1 CHƆN 1:1

Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.

CHUDA 1:17

Chɛɛ n dia nyɔɛ nu, ɛ wan wo yii ma, mmɔ 'a mansa Chisɔsi Chasi 'a sɔ mɔɛ nu, an na‑a bai min fɔ suun.

KO Ɔ NUNDENƐ 7:10

Mbɛ an‑na chee chɛ gbankon, an dɔ, “Yataa an‑na mmɔ baun, a wɛn mbe si ɔ a 'a mansa sea a. Sa tɔngbɔɛ wɛɛ, a‑a mmɔ baun fan.”