GBOO IBU MƆƐ N KO A 2:17 - Yataa 'a Dɔbɛnɛ Nama

¹⁷ Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.

GBOO IBU MƆƐ N KO A 2:17 ပူးပေါင်းရင်းမြစ်များ

GBOO DOMI KO A 15:17

Chɛ an‑na a fɔ, n mbe Chisɔsi Chasi a sɛ, chia ɔ chia a, min sien mu Yataa ma.

GBOO DOMI KO A 5:10

Mmɔ ni Yataa chɛɛ ma nyɔɛ n fan na, chɛɛ a 'a denɛ Chisɔsi 'a saya‑a a ma, a‑a mmɔ ma gbɛ a dia nyɔɛ n na. Mmɔ ma‑a ka gbɛ buɛ min dɔ sanche Yataa dia nyɔɛ n na, bauncha ɛ gbɛ mmɔ wan ko a, koe min na mu, Chasi ɛ fɔɛ ɔ.

Gboo Ɛfisɔsi Ko A 2:16

A sin, a 'a saya kɔn gbengbanden chɛ ma, ɛ na‑a wan mmɔ chɛ‑a mmɔ nyɔn dɔ, mmɔ bɛ Yataa a, mmɔ ni ma kuiɛ dɔndɔya ɔ. Chɛ an mbe a ma‑a, kodomaya chɛ ni ban.

Gboo Kɔdɔsai Ko A 1:21

A sin, tima dɔndɔ a, wo dɔ nu, wo nii kuiɛ dɔndɔ ɔ Yataa a, wo yiima nii ma nyin a ko a. Wo ni Yataa chɛɛ ma nyɔɛ n fan na, wo 'a yiinachii yama n dɔ, ni ko yama nu, wo ni miin ma.

GBOO IBU MƆƐ N KO A 10:21

A sin, a ka a tima ma, tɛ mɔ wa, mmɔ tɛ Yataa a, an mbe mmɔ boo ɔ. A sin fan mbe Yataa 'a chenɛ kun ma.

GBOO IBU MƆƐ N KO A 2:11

Koe min na mu, Chisɔsi ni ma, ni mɔɛ chɛ nu, a 'a gbasaya ɛ a ma, miin mbe ma tenchen Yataa ko a, an fa ɛ dɔndɔ gbe. Chɛ an fɛ mu, Chisɔsi ee mau an chee koe a, a suun ma nyɔɛ n na.

GBOO IBU MƆƐ N KO A 2:14

Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.

GBOO IBU MƆƐ N KO A 2:16

Koe min na mu, tea gbu ko a, a gbɔsɔen mu chɛ n fan ko a, miin mu Ebeami cheeya n na. A ma a gbɔsɔ ni maeka n fan ko a.

GBOO IBU MƆƐ N KO A 3:1

Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

GBOO IBU MƆƐ N KO A 3:2

A danayaen fan ni Yataa tena, min‑na a yian wai chɛ koe a. A ni wan dechee yɔ Mosisi danayaen ni buɛ min dɔ, wai chɛ koe a, Yataa 'a chenɛ a.

GBOO IBU MƆƐ N KO A 3:5

Mosisi ni bɔi denɛ an na, min danayaen ni Yataa 'a chenɛ a. A ni koɔ wan mɔɛ n tena, a si koe n ma, Yataa ni na tena miin fɔ‑a.

GBOO IBU MƆƐ N KO A 4:14

A ka gbɛ an tima chɛ ma, tɛ mɔ wa, mɔ gbu n tɛ Yataa a, an mbe gbɛ mmɔ boo ɔ, min ta‑a banda bu ɔ. A mu Chisɔsi an na, Yataa 'a denɛ. Chɛ an fɛ mu, mmɔ ni mmɔ boo a chii, mmɔ kai fa koe ma a a.

GBOO IBU MƆƐ N KO A 4:15

Koe min na mu, tɛ mɔ wa an nɛ, mmɔ tɛ Yataa a, min mbe chinchin mmɔ ma, koe n dɔ miin mu mmɔ yama chia an na. Mɔɛ mu an na, chia ɔ chia a, Sitana na‑a a yiima yan fan, ko yama ma koe a, yɔ ɛ mmɔ ta yan buɛ min dɔ. Chɛɛ chɛ gbɛɛ ɔ, Chasi ma ko yama ma ni.

GBOO IBU MƆƐ N KO A 5:1

Koe min na mu, tɛ mɔ wa kan kɔ kan, Yataa ɛ a boo sɔ a ma wai chɛ koe a, a bɔɛ mɔ gbu n fan ko a. A ni ma nɔ, an tɛ, an bɛ Yataa a, yasi bɔ koe a an 'na ko yama n ko a.

GBOO IBU MƆƐ N KO A 5:10

A gbu sin, Yataa wandi, an‑na a yian, ma koe a tɛ mɔ wa a, mɔ gbu n tɛ Yataa a. A ni ma yɔ Mɛchisɛdɛki ni buɛ min dɔ.

GBOO IBU MƆƐ N KO A 5:2

An tɛ mɔ wa chɛ, ɛ kun fan, a ni a bɔɛ n bia faa chima a. Chɛ nu, miin ma ko sɔn, ni chɛ nu miin bia koe gbɛ, ɛ an bia wan. Koe min na mu, a wandi wɛɛ, a yama chia nu, an mbe wan sɛsɛ.

GBOO IBU MƆƐ N KO A 5:5

A chia dɔndɔ gbe chɛ a, Chasi gbu wɛɛ, a nii ma a wandi ya ni tɛ mɔ wa a, mɔ gbu n tɛ, an bɛ Yataa a. Chɛɛ Yataa wandi, an na‑a a boo sɔ a ma. Yataa na‑a a fɔ wan a 'a gboo ɔ, a ɔ, “N 'na denɛ mu i a. N ma‑a i fa a bi.”

GBOO IBU MƆƐ N KO A 6:20

Chisɔsi pɛn na‑a ta an kaina chɛ, mmɔ ko a. A sin, a ma‑a wan tɛ mɔ wa a, mmɔ ko a Yataa tena, kuɔ fɔ ko a. A na‑a ma wan, yɔ Mɛchisɛdɛki ni buɛ min dɔ.

GBOO IBU MƆƐ N KO A 7:26

Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.

GBOO IBU MƆƐ N KO A 7:28

Sawa min be‑a Mosisi ma, an mbe mɔ gbu n yian, dɔndɔ dɔndɔɛ a, ma koe a tɛ mɔ wa a, mɔ gbu n tɛ Yataa a. An ni a fɔ wɛɛ, an mɔɛ chɛ n gbu, wai chɛ gbasaya ee an ye. Chɛɛ Yataa sin mbe a kai wan a wandi ɔ, a ee na koe ma. A sin, a na‑a sawa chɛ be pɛn Mosisi ma, a ee na a boo sɔ a 'a denɛ ma. A den chɛ sin na‑a koe gbɛɛ ma wan tima ɔ tima, Yataa toen ni miin na.

GBOO IBU MƆƐ N KO A 8:1

Nn mbe bai min gbu fɔ tena, an nɛ. Tɛ mɔ wa min mbe mmɔ tɛ Yataa a, a koo sai ma. Ɛ wan si ɔ kaina ma bɛndenɛ, Mansa Yataa 'a mansaya sea boo nyima ɔ, pan banda bu ɔ.

GBOO IBU MƆƐ N KO A 8:3

Koe min na mu, mɔ ɔ mɔ kan kɔ kan, min mu tɛ mɔ wa a, mɔ gbu n tɛ Yataa a, a yianden mu yasi bɔ koe an na, a basan boo fen be koe a Yataa ma. Chɛ an fɛ mu, a nyin an tɛ mɔ wa chɛ wɛɛ ko a, fenɛ ni ma a boo ɔ, a be koe a Yataa ma.

GBOO IBU MƆƐ N KO A 9:11

Chɛɛ Chasi ban‑da gbɛ na‑a, ma koe a tɛ mɔ wa a, mɔ gbu n tɛ Yataa a, ko chɛndɛ chɛ n ko a, miin‑na mmɔ tan. A ben‑da ka tɛndi min kɔɔ, mɔ gbu an ma a nyan ni, a sin gbu ma dunya chɛ ɔ fen na.