Mɔɛ a kamincha chɛ, Yataa boo ɛ wan a kɔɔ, ni a mɔɛ chɛ ɛ tachɛ tena wan Yataa 'a sawa chɛ n na. Chɛɛ ni a mɔɛ chɛ ɛ sawa chɛ yɔn tena wan, mbɛ a ni fisa wɛɛ ni a a nii ma kamincha nin bɛɛ.
Yataa‑a tooɔdia sɛsɛ chɛ wan Ebeami a, ni a cheeya. Yataa 'a gboo ma a fɔ ni, “cheeya nu,” min mbe a ɔ yian, mbɛ an kɔ koo wan. Chɛɛ a yii ni dɔndɔɛ an na, a ɔ, “mbɛ ni i cheeya,” min mu Chasi a.
Mmɔ fa nu dunya chɛ ɔ, an mbe mmɔ tɔɔ tima kunduenɛ an ko a, yɔ an ta yiima ɛ a fɔ buɛ min dɔ an ye. Chɛɛ Yataa tana, ɛ a ma basan koe an na mmɔ ma, min mbe a ma, mmɔ wɛɛ sɔnɛ ni ma, yɔ a ta ɛ buɛ min dɔ.
Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.
Yataa e na to dunya chɛ a dan‑da, a na‑a a boo sɔ pɛn Chisɔsi ma, ma koe a ka. Chɛɛ tee dankama tee chɛ nɛnɛ n kɔɔ, Yataa‑a Chisɔsi yian wo deman koe an na.