11 Koe min na mu, Chisɔsi ni ma, ni mɔɛ chɛ nu, a 'a gbasaya ɛ a ma, miin mbe ma tenchen Yataa ko a, an fa ɛ dɔndɔ gbe. Chɛ an fɛ mu, Chisɔsi ee mau an chee koe a, a suun ma nyɔɛ n na.
Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.
Sanche, mɔ yama yama bonda chɛ n tɛ ɔ, miin mbe ee dan ko a, ni mɔ ɔ mɔ ban‑da n dɔ, a basan n da a kuiɛ a, n bɛɛ, n mbe na‑a wan banda a ɔ. N fan, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da, Fa Yataa 'a manɛ a, nn bɛ maeka n na.”
Ni mɔ ɔ mɔ ban‑da n dɔ, a basan n da a kuiɛ a, n bɛɛ, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da Fa Yataa 'a manɛ a, nn bɛ maeka n na.
Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”
A‑a mɔ gbu gbɛɛ nyan dunya chɛ ɔ, a bɔ mɔ kaima dɔndɔ gbe an dɔ. Mbɛ a‑a an na fasan dunya chɛ gbɛɛ ɔ ben‑da. A wandi gbu sin fan‑na a ɔ bɛn, mbɛ mɔ gbu n ni ma dunya gbɛɛ ɔ. Mɔɛ n sin mbe kaina min chee an 'na chɛnyɛ n na, a wan‑na a ɔ bɛn to an ma koe a nɔ, an tima chɛ kɔɔ.
A ɛ wan dechee, yɔ mɔ dɔndɔ na‑a a fɔ buɛ min dɔ, a ɔ, ‘A 'a gbasaya ɔ mu mmɔ ɛ ben ben, a yɛ to, mmɔ ɛ ma fɔɛ chɛ ɔ.’ A ɛ wan, yɔ wo 'a gboo nyɛn mɔ wa dɔ n‑na a fɔ buɛ min dɔ, an dɔ te, ‘Mbɛ tea gbu ko a, a 'a denɛ n mu mmɔ gbɛɛ a.’
An mɔɛ chɛ nu, Yataa na‑a an sɔn pɛn chɛndɛ chɛ, mbɛ a‑a a boo sɔ an ma. An mbe ma‑a wan gbɛ yɔ a 'a denɛ Chisɔsi. A 'a den chɛ ɛ ma‑a gbɛ denɛ saa an na, den sɛsɛ wa chɛ n ya ɔ.
Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.
Chisɔsi ni Yataa faa ma koe an ma. A sin, a chia chɛ a mu, mmɔ ma‑a tenchen Yataa ko a. Chisɔsi na‑a a wandi gboo min be yasi a, gba dɔndɔ gbe, a ma ma ni to fea, an na‑a a ma chɛ ma‑a.
Chɛɛ an ni min ma gbɛ, an ni an yii na chii gbɛ chɛnyɛ an na, min nyin a ben a ma, banda bu ɔ. Chɛ ko a, mauma ko nii ma Yataa tena, ni an‑na a chee an 'na Yataa a. Koe min na mu, a na‑a duu wa ɔ bɛn fan an ko a.
Chɛ an fɛ mu, Chisɔsi wɛɛ nii ma fa ni duu wa chɛ bu ɔ wan. An bɔ‑a wan a a, mbɛ an‑na a fa. Chɛ ma‑a, a 'a mɔɛ n ni ma tenchen Yataa ko a, a wii chɛ 'a gbasaya ɔ.
Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.
Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.