GBOO IBU MƆƐ N KO A 2:10 - Yataa 'a Dɔbɛnɛ Nama

¹⁰ Yataa an na‑a fen kɔ fen na dan, a sin fan mbe fɔɛ be fen kɔ fen ma. A na‑a a ma wan, mɔ sɛsɛ ma‑a a 'a denɛ n na, mbɛ an don‑da a waa banda bu ɔ. A ni chɛ ma tena tima min na, a na‑a a yii na chii wan, mbɛ a nyin Chisɔsi ni ma mɔɛ n baun mɔɛ chɛndɛ a. Chɛ ni bɔ tɔɔya chɛ ɔ, a wan Chisɔsi ni na tena min dɔ bia‑a. A wan mbe chia a ka‑a, mɔ gbu n gbɛɛ ni bauncha ma sɔn.

GBOO IBU MƆƐ N KO A 2:10 ပူးပေါင်းရင်းမြစ်များ

DUKU 13:32

Mbɛ Chisɔsi ɔ, “Wo ta, wo ni a fɔ an kamin yaaen chɛ ye, wo ɔ, n yen ko n mbe nyina yama n gbain‑da mɔɛ n fɛ, a yɛ to, n mbe gbandi mɔɛ n baun‑da tima kundu ɛnden ko a sanche wɛ. Ni a tima chɛ ban‑da, n mbe na‑a ban‑da wan gbɛ n 'na wai chɛ‑a.

DUKU 2:14

“Tando ni be Yataa ma, min mbe banda bu ɔ pɔɔ, a sin, faachima ni ma mɔ gbu n ma dunya ɔ, Yataa ɛ ko chɛndɛ ma‑a miin na.”

DUKU 24:26

A ma biaen fan ni kunka mansa ko a, a ni mɔnɛ ɔ bia. Chɛ an ni ma, Yataa e na to a kɔɔ sɔ‑a saya ɔ, a ni a sɛmbɛn banda bu ɔ.”

DUKU 24:46

Mbɛ a ɔ, “Chɛ an nyɛnden mu Yataa 'a gboo ɔ. Mbɛ n fan, kunka mansa, mbɛ n mbe tɔɔya ɔ bia‑a pɛn, mbɛ n‑na n kɔɔ sɔ gbɛ a ka saya ɔ, tee fea a sawan bɔɛ ma.

CHƆN 11:52

A sin, Chisɔsi nii fa tena an dechee ko a, chɛɛ a ma koe ni to, a ni na Yataa 'a denɛ n na kaina dɔndɔɛ. Yataa 'a denɛ nu, miin gbɛɛ a fasandenɛ ni ben‑da, an ni ma mɔ dɔndɔɛ a.

CHƆN 19:30

Mbɛ Chisɔsi‑a gbɛ chɛ susu fen yɔfu yɔfu chɛ ɔ, mbɛ a ɔ, “N ban‑da n 'na wai chɛ‑a.” Mbɛ a‑a a kunɛ a bun, a fa‑a.

CHISƆSI 'A SƆ MƆƐ NU 3:15

A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

GBOO DOMI KO A 11:36

A yen ko o, Yataa an‑na fen kɔ fen na dan. Fen kɔ fen, min mbe dunya chɛ ɔ, Yataa an mbe a ma an mbe nɔ. Fen kɔ fen dunya chɛ ɔ, an mbe nɔ, Yataa tando koe an na. Dua ni ma a tɔɛ ma, kuɔ fɔ ko a. A ni ma ka.

GBOO DOMI KO A 9:23

Mbɛ a sin to, a toen ni a ni a ɔ yian, mbɛ a 'a basɔmaya danka ee. Yataa na‑a mɔɛ miin ya a 'a chinchimaya sɔn koe a, a na‑a a yian fan an na.

GBOO SAA KƆYINDI KO A 2:7

Nn mbe bai sa wo tena, a si yiimatɛ an ma, Yataa‑a miin nun tee. A e na to dunya a dan‑da, a‑a a fɔ wan, mbɛ an yiimatɛ chɛ, an mbe na‑a basɔmaya a mmɔ tena.

GBOO SAA KƆYINDI KO A 8:6

Chɛɛ chɛ gbɛɛ ɔ, Yataa ɛ dɔndɔ gbe mmɔ ko a. An mu mmɔ Fa a, min‑na fen kɔ fen na dan dunya ɔ. An 'na fɔɛ ɛ mmɔ sun da a. Mmɔ 'a Mansa wɛɛ, ɛ dɔndɔ gbe, min mu Chisɔsi Chasi a. Yataa 'a gbasaya ben‑da an dɔ, fen fen na dan koe a dunya chɛ ɔ. A sin fan‑na a ma, mmɔ ɛ fɔɛ chɛ ɔ, mmɔ ɛ ka min na fɛ‑a.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 4:17

Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.

GBOO FEAN BƆƐ KƆYINDI KO A 5:18

Yataa an‑na koe chɛ n gbɛɛ ma, mmɔ ko a. A wan‑na a ma, Chasi‑a a ma, mmɔ ma‑a Yataa dia nyɔɛ a, mmɔ bɔ‑a chɛɛ ma nyɔncha ɔ. A sin fan‑na nn sɔ, mɔ dɔ mende n ma sawan koe a Yataa tena, dia nyɔncha ɔ.

GBOO FEAN BƆƐ KƆYINDI KO A 6:18

Yataa Mansa Wa‑a a fɔ wan to, a ɔ, “N mbe ma‑a wan wo fa a, mbɛ wo wɛɛ ma‑a n 'na denɛ kaima n na, a basan n 'na denɛ musuma an na.”

Gboo Kadesia Ko A 3:26

Koe min na mu, ni wo‑a wo kai fa Chisɔsi Chasi a, wo gbɛɛ mu Yataa 'a denɛ n fan na, wo gbɛɛ mu gbɛ mɔ dɔndɔɛ an na, wo bɛ Chisɔsi Chasi a.

Gboo Ɛfisɔsi Ko A 2:7

Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.

Gboo Ɛfisɔsi Ko A 3:10

A‑a chɛ ma, min mbe a ma sanche, a ni a ɔ yian nyina yama n na, an bɛ an ya ɔ sɔɛ n na, gbasaya ɛ miin boo ɔ banda a, mbɛ yiimatɛ koo a ɔ kaka. A‑a chɛ ɔ yian an na koe n fan dɔ, a‑a miin chɛ chɔchi ko a.

Gboo Kɔdɔsai Ko A 3:4

Chasi dɔndɔ gbe, an mbe a ma wo ni ma fɔɛ nama ɔ. A sin, ni a yɛ‑a to dunya chɛ ɔ, wo bɛ an mbe ma‑a a a. A sin mbe ma‑a Yataa 'a manɛ min dɔ, wo wɛɛ, wo e ma‑a an dɔ.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

GBOO IBU MƆƐ N KO A 6:20

Chisɔsi pɛn na‑a ta an kaina chɛ, mmɔ ko a. A sin, a ma‑a wan tɛ mɔ wa a, mmɔ ko a Yataa tena, kuɔ fɔ ko a. A na‑a ma wan, yɔ Mɛchisɛdɛki ni buɛ min dɔ.

GBOO IBU MƆƐ N KO A 7:26

Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.

GBOO IBU MƆƐ N KO A 7:28

Sawa min be‑a Mosisi ma, an mbe mɔ gbu n yian, dɔndɔ dɔndɔɛ a, ma koe a tɛ mɔ wa a, mɔ gbu n tɛ Yataa a. An ni a fɔ wɛɛ, an mɔɛ chɛ n gbu, wai chɛ gbasaya ee an ye. Chɛɛ Yataa sin mbe a kai wan a wandi ɔ, a ee na koe ma. A sin, a na‑a sawa chɛ be pɛn Mosisi ma, a ee na a boo sɔ a 'a denɛ ma. A den chɛ sin na‑a koe gbɛɛ ma wan tima ɔ tima, Yataa toen ni miin na.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

KO Ɔ NUNDENƐ 4:11

“Nn 'na mansa, nn 'na Yataa, tando bɛnden mu i wan ma, basɔmaya bɛnden mu i ma, a basan gbasaya a. I wan‑na fen fen nyan, i 'a yiinachii, an‑na a ma, an gbɛɛ nyan‑da.”

KO Ɔ NUNDENƐ 7:9

Chɛ gbakɔ, mbɛ n‑na n ya a ta to, a yen ko, n‑na mɔ fanka wa yen, mɔ ee che an dan‑da. Mɔɛ chɛ n bɔ‑a wan chɛnyɛ kun kan kɔ kan dɔ, an bɔ‑a chɛnyɛ koɛ kan kɔ kan dɔ, ni dambi kan kɔ kan, a basan mɔ gbu kan kɔ kan na. An gbɛɛ ni wan sɔ ɔ, an ya a mundenɛ ɛ mansa sea chɛ ma, an ya a mundenɛ ɛ sa tɔngbɔɛ chɛ ma. An gbɛɛ ni koa gbɛ an dɔ, gbɛ nyanda bianɛ ɛ an boo a, buɔdia bɔɛ a.