GBOO IBU MƆƐ N KO A 13:9 - Yataa 'a Dɔbɛnɛ Nama

⁹ Wo ma dɔn kan sɛsɛ nu, miin kaen mu sakana bai chɛndɛ chɛ ma, an ni wo ka Yataa chia ma. A nyin mmɔ ni faa sɔɛ ma sɔn, koadia demanɛ ɔ, Yataa ɛ min chɛ. Chɛ benden mu bea koe ma sawa n fɛ, miin sien mu daun fenɛ n ma. Mɔɛ miin mbe bea sawa chɛ n fɛ, an nii ma an deman ni.

GBOO IBU MƆƐ N KO A 13:9 ပူးပေါင်းရင်းမြစ်များ

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 24:4

Mbɛ Chisɔsi ɔ, “Wo wo kun ma fɛn, an ma na wo woo.

DUKU 5:38

Mɔ ɛ min ma, e gbɛ nama chɛ soe gboo nama an dɔ.”

CHISƆSI 'A SƆ MƆƐ NU 20:30

A sin, tima ɛ che‑a wan, mɔɛ dɔ n ni bɔ wo wandi gbu tɛ ɔ, miin mbe bai n fɔ‑a, miin mbe ee a chia ma. An mbe chɛ ma‑a wan, mɔɛ dɔ n ka koe a Chisɔsi 'a chia ma, an ni bea an fɛ.

CHISƆSI 'A SƆ MƆƐ NU 20:32

“Sanche gbɛ, n mbe wo kai fa tena Yataa an na. Wo a a tun dan koe a sakana bai chɛ a, a si Yataa 'a koadia demanɛ chɛ ma wo tena. Ɛ kun fan, a ni a ma, wo 'a danaya n dɔ ni gbɛa. A yɛ to, ɛ kun fan, a ni dua chɛ be wo ma, min mbe Yataa boo ɔ, a 'a mɔɛ n gbɛɛ ko a.

GBOO DOMI KO A 14:17

Koe min na mu, mmɔ ɛ fenɛ miin daun, mmɔ ɛ miin min, an fan mbe ee Yataa ma mmɔ 'a mansa a. Chɛɛ a kuu si mu tan koe an na a tena, ni faachima, a basan buɔdia chɛ a, Yataa Nyina ɛ min be mmɔ ma.

GBOO DOMI KO A 14:2

Mɔɛ dɔ nu, miin 'na Chisian danaya ɔ gbɛ, an daun fen tɛ bɔ kan kɔ kan mbe ee. Chɛɛ mɔɛ dɔ nu, miin 'na Chisian danaya ɔ ma gbɛ, an mbe chin fenɛ dechee an daun.

GBOO DOMI KO A 14:6

An mɔɛ chɛ nu, miin mbe a ma tena, mbɛ tee ɛ wan nɔ, min mu tee wa a, an mɔɛ chɛ n mbe chɛ ma tena Mansa Yataa 'a basɔmaya an ko a. Mɔɛ chɛ nu, miin daun fen tɛ bɔ ee, an bɛɛ an mbe ma ka chɛ ma‑a Mansa Yataa 'a basɔmaya an ko a. Koe min na mu, daun fenɛ kan kɔ kan, an ni ma a daun‑da, an mbe Yataa wai bɔ pɛn, a be koe a an ma. Mɔɛ chɛ n bɛɛ, miin mbe an daun fenɛ tɛ bɔ, an bɛɛ ɛ ma ka basɔmaya be‑a Mansa Yataa an ma. Koe min na mu, an mbe ma ban‑da daun fen kan kɔ kan dɔ, an mbe Yataa wai bɔ wan, a ma koe a an ni ban a ɔ.

GBOO SAA KƆYINDI KO A 6:13

Wo dɔ n sin mbe a fɔ, wo ɔ, “Daun fenɛ ɛ bu an ko a,” wo ɔ, “bu wɛɛ ɛ daun fenɛ ko a.” A gbu sin mbe ka wan. Chɛɛ tee dɔndɔ a, Yataa ɛ a ma‑a wan, an fea gbɛɛ ee ma‑a to nɔ. Wo gboo ee nɔ, min mbe a ma, wo ni koe tɛ. Chɛɛ wo tachɛ koe mu Chisɔsi ko a, mbɛ wo gboo kɔ koe sin, a ma‑a Mansa Chisɔsi wɛɛ ma.

GBOO SAA KƆYINDI KO A 8:8

Chɛɛ mmɔ ɛ daun fenɛ min daun, an mbe ee na mmɔ a Yataa baima. Mmɔ ni daunɛ chɛ, tɔnɔn kan kɔ kan mbe ee a ɔ, mmɔ ma a chɛ, mmɔ ee fo fen kɔ fen na.

GBOO FEAN BƆƐ KƆYINDI KO A 1:21

Chɛɛ Yataa wandi an‑na nn ma chɛndɛ chɛ mɔ dɔndɔɛ a Chisɔsi a, a basan wo wɛɛ a. Yataa wandi an‑na a boo sɔ nn ma, wai chɛ koe a a ko a.

Gboo Kadesia Ko A 6:1

N suun ma nyɔɛ nu Chasi ɔ, wo e a ɔ yen‑da wan, mbɛ mɔɛ ɛ wo tɛ ɔ, ko yama kun‑da min ma. Yataa Nyina ɛ wo wɛn sɔ tena wɛ chia chɛndɛ ma, wo tima ya, wo ni an mɔɛ chɛ sɔ chia chɛ ma. Wo wandi gbu wɛɛ, wo wo kun ma fɛn, wo yiima ma na mun, a ka an chia ma.

Gboo Ɛfisɔsi Ko A 4:14

Chɛ an mbe a ma‑a, mmɔ ee ma‑a yɔ den mɛsɛ nu, an mbe miin woo, fania fania kanɛ kan kɔ kan na. Mɔɛ chɛ nu, miin yaaen mu ka, an fan mbe an bun ka, yaa chia a.

Gboo Ɛfisɔsi Ko A 5:6

Koe chɛ nu, an fan mbe a ma, Yataa ɛ faatɛ a bɔ mɔɛ chɛ n ma, miin mbe ee a kuiɛ ma. Mɔ ɔ mɔ kan kɔ kan, a ma daɔdia bai gbama n fɔ wo ye, wo bun koe a.

Gboo Kɔdɔsai Ko A 2:4

N mbe chɛ fɔ tena, min mbe a ma, mɔ ɔ mɔ ma na wo bun, an 'na daɔdia bai ma kawaenɛ n na, an mbe miin dɔ yian‑da.

GBOO FEAN BƆƐ TƐSADONIKA KO A 2:17

A ni wo faa ma nande, wo ɔ ni gbɛa. Chɛ ni a ma, tima ɔ tima ko a, wo ni bai sa min nyin, a yɛ to, wo ni koe ma min nyin.

GBOO FEAN BƆƐ TƐSADONIKA KO A 2:2

Nn ma to ni wo 'a fiienɛ ni ma, a si a ma. Wo ma don faagbaa ɔ, ni mɔɛ dɔ n‑na a fɔ wo ye, mbɛ Mansa Chisɔsi na tee wa gbu che‑a. Kɔkɔɛ ɛ wan an mɔɛ chɛ n yii ma, mbɛ nn na‑a chɛ fɔ wo ye chia chɛ an na. A ni ma kɔɛ tima chɛ a, nn ni bai chɛ fɔ tena tima min na, Yataa na‑a min fɔ nn ye, a fɔ koe a mɔɛ n ye. Chɛ ma, tima chɛ a, da ɔ sakana gbama mu, nn‑na min na ben gboo nyɛndenɛ ɔ.

1 TIMOTI 6:20

Timoti, fen chɛ bia i boo fea a, Yataa‑a fenɛ min be i ma. I ma i too ma sɔ wooya chia ɔ bɔɛ ma, chian mbe ee min dɔ Yataa ko a, mɔɛ dɔ n mbe min chee an dɔ yiimatɛ.

1 CHƆN 4:1

N dia nyɔɛ nu, wo ma dan mɔɛ n gbɛɛ a, miin mbe a fɔ‑a, mbɛ Yataa Nyina ɛ wan an fɛ. Wo an mɔɛ chɛ n fɔ bai ma mɛn pɛn, min mbe a ma, wo ni a ɔ sɔn, ni Yataa Nyina an mbe an fɛ tea ko a. Wo chɛ ma, koe min na mu, fania fɔ mɔɛ n sɛsɛ fasanden mu a ɔ, an mbe an fandi ya‑a Yataa 'a gbonka chɛ mɔɛ n na.

CHUDA 1:12

Mɔ bonda chɛ nu, mɔ yama mu an na, miin mbe an bɔɛ n ka chia chɛndɛ ma. Ni wo ma‑a daun chɛ wɛɛ a, wo bɛ an na, kuiɛ dɔndɔya ɔ, an mbe an yii na chii dechee an fandi an na. An 'na yiima yaua daun chɛ, ɛ kuiɛ dɔndɔya chɛ a ɔ yɔn fan. Mɔ gbu a tenden ma an na. An mbe wan yɔ sona min mbe gbii teema ɔ, chɛɛ a ee na. An mbe wan to yɔ kɔnɛ, min yamba bandenɛ a a, a sin, a ee gbɔ be, kɔn fu tima wɛɛ a. Kɔn bonda chɛ kuu ɛ bɔ wan, a a ni dɛ, mbɛ a fa‑a gba fea.

CHUDA 1:3

N dia nyɔɛ nu, n toen ni kaka n ni gboo chɛ nyɛn a si bauncha ma, Chisɔsi‑a min be mmɔ ma. Chɛɛ n yiima dɔndɔɛ‑a a fɔ wan n ye, mbɛ n ni wo faa nande, wo ni butuinɛ chɛ, wo 'a danaya ko a Yataa a. Danaya chɛ sin, Yataa an‑na a ma, mmɔ‑a a ma sɔn, a sin mbe ee mun to.