GBOO IBU MƆƐ N KO A 13:8 - Yataa 'a Dɔbɛnɛ Nama

⁸ Chisɔsi Chasi ma mun ni a kɔma a, a ee mun bi tee chɛ kɔ, a sin mbe ee mun‑da kuɔ fɔ ko a.

GBOO IBU MƆƐ N KO A 13:8 ပူးပေါင်းရင်းမြစ်များ

GBOO FEAN BƆƐ KƆYINDI KO A 1:19

Koe min na mu, Yataa 'a denɛ Chisɔsi Chasi, a ee ka. Sidasi ni ma, Timoti, ni n fan, nn na‑a a wakoe ɔ yian fan wo a. A wan Chisɔsi ee dɔn koe ma, mbɛ a ban‑da to a ma. Chɛɛ a ta nan gbu, tima ɔ tima ko a, a dɔndenɛ an mbe ma a ma.

GBOO FEAN BƆƐ KƆYINDI KO A 1:20

Koe min na mu, Yataa ɛ tooɔdia min gbɛɛ chɛ, Chisɔsi an mbe a gbɛɛ a tachɛ. Chɛ an fɛ mu, mmɔ ɛ a fɔ, mmɔ ɔ, “A ni ma ka,” Chisɔsi tɔɛ ɔ, basɔmaya be koe a Yataa ma.

GBOO IBU MƆƐ N KO A 1:12

E an dɔ kandu‑a wan, yɔ doma. A sin, an mbe mun‑da wan, yɔ chii koa ɛ mun buɛ min dɔ. Chɛɛ i tana ee ka i gba ɔ, a sin, e ma‑a wan fɔɛ ɔ kuɔ fɔ ko a.”

CHIMISI 1:17

Ko chɛndɛ gbɛɛ, mabɔ ee min ma, ɛ ka Yataa an tena. Manɛ gbɛɛ, miin na dandenɛ ɛ banda bu ɔ, a boo gba mu an na. Ko chɛndɛ kan kɔ kan, mabɔ ee min ma, a wan‑na an be mmɔ ma, a ka banda bu ɔ. A tana, a ee mun kuɔ fɔ. A ee ka yɔ nininɛ, min mbe ka a gba ɔ.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 1:8

Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.