GBOO IBU MƆƐ N KO A 13:5 - Yataa 'a Dɔbɛnɛ Nama

⁵ Kɔpɔɛ wakoe ma ma wo faa ɔ kaka. Chɛɛ fen kɔ fen min mbe wo boo ɔ, wo bu ɔ ni dia, mbɛ ɛ wo boo ɔ. Koe min na mu, Yataa‑a a fɔ wan a 'a gboo ɔ, a ɔ, “N mbe ee i dɔndɔ gbe to‑a, n sin, n mbe ee i boo ka‑a.”

GBOO IBU MƆƐ N KO A 13:5 ပူးပေါင်းရင်းမြစ်များ

MATIU 6:19

Chisɔsi ɔ, “Wo ma wo 'a nyanɛ a sɔn nɛ dunya chɛ ɔ, chisi n mbe an yɔn kaina min, an mbe kasa‑a kaina. Wo ma a a sɔn kaina, kanka n mbe min te, mbɛ an‑na a kanka.

MATIU 6:25

“Chɛ an‑na a fɔ, n mbe a fɔ tena wo ye, mbɛ wo ma wo gbɔsɔ wo da a daun fen ko a, a basan wo min yii a, ma koe a fɔɛ ɔ. N mbe ee baa, wo ni wo gbɔsɔ wo gboo ko a, wo e fen chii. Koe min na mu, mɔ gbu fɔɛ ma daun fenɛ dechee an na, a yɛ to, koa dechee an ma koe a mɔ gbu gboo ko a.

MATIU 6:34

Chɛ an‑na a fɔ, wo faa ma gbaa sinan ko a. A mu min na, sinan faagbaa bɛnden mu sinan fan ko a. Bi yakɔɔtawa, a‑a a bɔ bi tee chɛ ko a.”

MAKI 7:22

A ni ma waa ma basan koe an na mɔɛ a, mɔ ee fuu ɔ min na, bɛncha mu, a basan ko yama tɔɛ gbɛɛ a. Mɔɛ bun koe, kan baiya, toomaya, tɔ ɔ tɛ yama chɛ, yonka, wooya.

DUKU 3:14

Soya dɔ n bɛɛ na‑a wan, an dɔ, “Nn bɛɛ sin? Nn mbe ma ka ma?” Mbɛ a ɔ, “Wo ma kɔpɔɛ bia mɔ ɔ mɔ boo ɔ gbasaya a. A yɛ to, wo ma fania fɔ mɔ ɔ mɔ ma. Wo faa ni chima wo 'a pawa a.”

DUKU 8:14

Mɔɛ dɔ n sin mbe wan nɔ yɔ wai duu gboo chɛ, chin fen kuu chɛ n bea‑a ka min ma. An mbe sakana bai chɛndɛ chɛ a min fan, chɛɛ faagbaa ɛ wan an mɔɛ chɛ n ma, dunya chɛ ɔ nyanɛ ko a, a basan a ɔ buɔdia a. Ni chɛ ma‑a an yii ma, an mbe ee che an gbɔsɔ‑a Yataa 'a wai chɛ koe a.

GBOO DOMI KO A 1:29

Ko yama nu, an fan faenɛ an faa an na gban. An toen mu an bɔ n boo fenɛ n fan na, an toen mu to fen fen ni ma an dɔndɔ gbe ta a, an ma to ni an nyɔn na, an sin mbe an nyɔn fa wan. A yɛ to, an mbe butuinɛ chɛ, an mbe an nyɔn bun, an mbe ta‑a yiinachii yama chɛ‑a an nyɔn na. A sin to, an mbe an nyɔn tɔɛ ɔ tɛ ka wan.

GBOO SAA KƆYINDI KO A 5:11

N ni min fɔ tena gboo chɛ ɔ, an nɛ, mbɛ wo ma gbɛn mɔɛ chɛ n ma, miin‑na an fandi chee Chisianɛ n na, chɛɛ an mbe ko tɛ an nyaa ma. Ni chɛ ma, an fen ko yaen mu kaka, an mbe fenɛ n fai miin ma Yataa a, an mbe an bɔɛ n tɔ yama ɔ tɛ, an mbe gbɛ wa min, chɛ ma, an mbe kanka chɛ. Wo gbu ma si wɛɛ, wo ni daunɛ chɛ mɔɛ bonda chɛ a, min boo ɛ chɛ dɔndɔ wɛɛ ɔ.

GBOO SAA KƆYINDI KO A 6:10

N mbe ee a fɔ, chɛ n bɛɛ, miin mbe kanka chɛ, ni miin fen ko yaen mu kaka. A yɛ to, gbɛ min mɔ wa an bɛɛ, ni miin mbe tɔ ɔ tɛ yama chɛ, an bɛ kafa tɔɛ n na. An dɔndɔ wɛɛ ee don‑da Yataa 'a mansaya kɔɔ.

GBOO FEAN BƆƐ KƆYINDI KO A 4:9

An mbe ko ma gbaaenɛ n sa wan nn ma, chɛɛ chɛ ma a ɔ yian ni, mbɛ Yataa ɛ a boo bɔ wan nn kɔɔ. A sin, dumɛ ɛ si wɛɛ nn na tima dɔ n na, chɛɛ a ee ma kasaa a nn ma.

Gboo Ɛfisɔsi Ko A 5:3

Chɛ an fɛ mu, wo ma dɛ waa ma basanɛ ɔ, ni wo ee wɛ fuu ɔ. A yɛ to, maumaya ko tɛ, chɛ ma, fenkoya wa kaka. Chɛ ma nyin Yataa 'a mɔɛ n ko a, miin mbe tenchen a ko a.

Gboo Ɛfisɔsi Ko A 5:5

Wo dan chɛ a, mbɛ mɔ ɔ mɔ, ko yama‑a min dɔ chɛ chɛ, a ee don‑da mansaya kɔɔ, Chasi ɛ min dɔ, an fea Yataa a. Wo ma ma mɔɛ n na, miin mbe waa ma basan, an ma dɛ ni fuu ɔ tima min na. Chɛ ma, wo ni ma mɔɛ n na, miin mbe maumaya koe tɛ, an sin fenkoyaen mu, an mbe an boo fenɛ n ya yɔ Yataa.

Gboo Kɔdɔsai Ko A 3:5

Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

1 TIMOTI 3:3

A ee gbɛ wa min, faagbandia tɔ ma a a, chɛɛ a ni ma mɔɛ a min faa chimaen mu, a ee koɔ yan. A sin, kɔpɔɛ wako ee a faa ɔ kaka.

2 PITA 2:14

An mbe ee musu ma fɛn gbama a, ni an ma an yii na chii ni ta koe ma a sofa a. An faa ee chima ko yama ma koe a. An mbe a ma wan mɔɛ chɛ n ni chɛɛ gbai a, mɔɛ miin yiima ɔ dɔɔ. An‑na an fandi kan fan to koe a fen kɔ fen na, an sin mbe ma‑a danka tɔɛ n fan na.

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.

CHUDA 1:11

Koe min mbe an tan‑da, a yau gba an ko a. An puin‑da mɔna chɛ chen gba ɔ, mɔna min tɔ ni Ken, min na‑a a dɔɛ fa. Kɔpɔ koe‑a a ma, an bɔ‑a Badaan gba ɔ, an mbe ko ɔ ko ma wan kɔpɔ koe a. A yɛ to, Kɔya 'a gbunɛ nyɔn sima, an‑na a a bea, min‑na an kasaa pɔɛ.