3 Mɔɛ miin mbe sa ɔ pimbi chenɛ a, an bakoe ni ma wo faa ɔ, yɔ wo bɛ an mbe nɔ an na. Ni chɛ n bɛɛ, miin mbe tɔɔya ɔ bia tena. Wo a ma yɔ wo bɛ an mbe an tɔɔya chɛ ɔ bia tena.
N dɔ, fai‑a n bia kɛn, an‑na n fai bɔ wan. N dɔ, n gbandi‑a wɛɛ, an‑na an boo a si wan n kɔɔ. N dɔ, n ni pimbi chenɛ min bɛɛ a, an ta‑a wan nɔ, an‑na n deman.
N dɔ, n na‑a wɛɛ sondaya ɔ, an ma dɔn ni an ni sa tena be n ma an 'na chenɛ a. N dɔ, fai‑a n bia tima min na, an ma n fai bɔ ni. N dɔ, tima min na n gbandienɛ ni, n mbe sa ɔ pimbi chenɛ a, an ma ta ni nɔ, an ni n deman.
Mbɛ a‑a a fɔ soya gbakoo chɛ ye, min ni pimbi chenɛ kun ma, a ɔ, an ma Pɔɔ a bɔ pimbi chen chɛ a. Chɛɛ a ɔ, an ni a ma, Pɔɔ ni bun fia sima bia‑a. A sin, a ɔ, an ma Pɔɔ dia nyɔɛ kan kɔ kan bai basan koe a a ma.
Tee dɔndɔɛ ma, mbɛ nn che‑a Sidon duu ɔ. Chudiɔsi‑a Pɔɔ bia wan chɛndɛ chɛ, mbɛ a‑a a boo ka a ma. A ɔ, Pɔɔ ni ta, a ni a dia nyɔɛ n yen, basan koe a a ma, mbɛ a yɛ‑a.
Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.
Wo chinchin‑da chɛ n ma, miin ni sa ɔ pimbi chenɛ a. A yɛ to, an‑na wo boo fenɛ n bɔ kɛn wo boo ɔ gbasaya a, wo faa nii ma yɔn ni ɛnden bɛɛ a. Koe min na mu, wo na‑a a ɔ sɔn fan, fenɛ ɛ wan wo ko a, min benden mu an ma, fenɛ min mbe ma‑a kuɔ fɔ ko a.
An‑na an ma bon bon fan, an fa koe a, an‑na dɔ n tɛka fea a, mbɛ dɔ n sin, an‑na an fa chɛɛ chɛ mɛ a. An ni ben ben fan, an ma chiienɛ ɛ sa gboo a, chɛ ma, ba gboo. An yɔnden ni, an mbe ko ma gbaaenɛ sa‑a an ma, an mbe an bia yama yama.
Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.