GBOO IBU MƆƐ N KO A 13:23 - Yataa 'a Dɔbɛnɛ Nama

²³ N toen mu wo ni a ɔ sɔn, mbɛ mmɔ suun ma nyɔɛ Chasi ɔ, Timoti, an‑na a boo ka, a bɔ pimbi chenɛ a. Ni a fua‑a na‑a, nn fea, nn mbe na‑a wan wo tena.

GBOO IBU MƆƐ N KO A 13:23 ပူးပေါင်းရင်းမြစ်များ

GBOO DOMI KO A 15:25

N ni chɛ gbɛɛ fɔ wɛɛ, chɛɛ n mbe gbɛ sanche chia a ta koe a Chuusaɛn duu ɔ wan. N mbe ta tena nɔ Yataa 'a mɔɛ n 'na wai an dɔ.

GBOO DOMI KO A 15:28

N‑na an kɔpɔɛ chɛ ma kain fan, n sin mbe ka an be‑a an ma. Ni n ban‑da a be‑a an ma gbae, n mbe na‑a wan. N mbe bɔ‑a wo tena chia wan, mbɛ n ta‑a Sipen.

Gboo Kɔdɔsai Ko A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

FIDEMƆN 1:1

N fan Pɔɔ, n fɛn mbe nɛ pimbi chenɛ a Chisɔsi Chasi ko a, n fan mbe gboo chɛ nyɛn tena i tena, i wan Fidemɔn. Nn mbe a nyɛn tena, nn fea Timoti an na, mmɔ suun ma nyɔɛ. Fidemɔn, nn wai chɛ nyɔɛ mu i a, i sin ko a di nn ye.

FIDEMƆN 1:22

Ko dɔndɔ to, n yia chenɛ ɔ bɛn. Koe min na mu, ɛ n 'na yiinachii ɔ, mbɛ wo 'a samunɛ a ɛ min‑da wan, n ni bɔ nɛ, n ni na wo tan.

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.