GBOO IBU MƆƐ N KO A 13:2 - Yataa 'a Dɔbɛnɛ Nama

² Wo ma wo boo bɔ ko chɛndɛ ma koe ɔ, sonda n na. Koe min na mu, mɔɛ dɔ n to‑a ko chɛndɛ ma an na, a yiima wɛɛ nii an dɔ, mbɛ an‑na an boo si maeka n kɔɔ.

GBOO IBU MƆƐ N KO A 13:2 ပူးပေါင်းရင်းမြစ်များ

MATIU 25:35

N dɔ, koe min na mu chɛ ma‑a, tima min na kɔnkɔɛ ni n na, an‑na daun fenɛ be wan n ma, a daun koe a. N dɔ, n kanɛ a gbaaen ni kɛn, an‑na yii be wan n ma, a min koe a. N dɔ, sonda wɛɛ ni n na, an na‑a n yia wan buɔdia ɔ.

MATIU 25:40

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.

MATIU 25:43

N dɔ, n na‑a wɛɛ sondaya ɔ, an ma dɔn ni an ni sa tena be n ma an 'na chenɛ a. N dɔ, fai‑a n bia tima min na, an ma n fai bɔ ni. N dɔ, tima min na n gbandienɛ ni, n mbe sa ɔ pimbi chenɛ a, an ma ta ni nɔ, an ni n deman.

CHISƆSI 'A SƆ MƆƐ NU 16:15

Chɛ gbakɔ, Pɔɔ‑a yii chɛ wan a kunɛ ɔ, Yataa chia a, a basan a 'a chen 'na mɔɛ n na. Mbɛ Didia‑a a fɔ nn ye, a ɔ, “Ni wo‑a a fɔ, mbɛ n‑na n kai fa Mansa Chisɔsi a tea tea gbu a, mbɛ wo na, wo ni ma n 'na chenɛ a.” A sin‑na nn ma nande wan kaka, min‑na a ma, nn ta‑a a waa a.

GBOO DOMI KO A 12:13

Ni Yataa 'a mɔɛ n ma‑a yakɔɔtawa ɔ, an kɔ i boo fenɛ dɔ ɔ. Ni ben sonda na‑a i waa tima ɔ tima ko a, i boo si a kɔɔ i 'a chenɛ a.

GBOO DOMI KO A 16:23

N mbe mɔɛ min bɛɛ 'a sondaya a, chɔchi ɛ si to nɛ an 'na chenɛ a, kai Kayɔsi, ɛ wo kɔndɔn tena ka. Ɛyasitɔsi wɛɛ, min mbe kɔpɔɛ sa tena ɔ bɛn duu chɛ ko a, an fea mmɔ bɔɛ Chisianɛ Kuatɔsi a, an mbe wo kɔndɔn tena ka.

1 TIMOTI 3:2

A mɔɛ chɛ ɛ ma mɔ tandenɛ an na. Musu dɔndɔ gbe an mbe ma a boo ɔ, mɔɛ min kosan a wandi bia‑a, basɔmaya tɔɛ, sonda bia mɔɛ, a sin kosan mɔɛ n kan‑da.

1 TIMOTI 5:10

Mɔɛ n sin mbe a bai wan a 'a ko chɛndɛ maenɛ wɛɛ ko a, min ni a ɔ. Mbɛ musu mu a a, min‑na a 'a denɛ n bɔ a ɔ chɛndɛ chɛ, a‑a a boo si sonda n kɔɔ a 'a chenɛ a, a‑a ko chɛndɛ sɛsɛ ma Chisianɛ n na. Mɔɛ miin bɛ ni yakɔɔtawa ɔ, a‑a an deman, a sin‑na a wandi be ko chɛndɛ ma a a.

TAITƆSI 1:8

Chɛɛ mɔɛ min ya kɔɔɛ di sonda n tena, ko chɛndɛ ko a di min ye. Mɔɛ min mbe yiinatɛ bɔ a tachɛ buɛ a, a tanden mu, baa ɛ a boo ɔ Yataa ko a, a sin kosan a wandi bia‑a.

1 PITA 4:9

Ni wo bɔɛ n na‑a wo 'a chenɛ n na, sondaya a, wo ma gbonyɛ wo boo n si koe a an kɔɔ. An bɛɛ ni a ma ka wo ko a.

3 CHƆN 1:5

N dia nyɔɛ, i tanden mu i 'a wai ɔ, e min chɛ tena mmɔ suun ma nyɔɛ n ye, an dɔ n mu wɛɛ sonda n na i tena.