GBOO IBU MƆƐ N KO A 13:18 - Yataa 'a Dɔbɛnɛ Nama

¹⁸ Wo wo boo a chii samunɛ ma, nn ko a. Nn danden fan mu a a, mbɛ nn yiima a koenɛ mu fion. Koe min na mu, nn mbe butuin chɛ tima ɔ tima ko a, tea koe an ma koe a.

GBOO IBU MƆƐ N KO A 13:18 ပူးပေါင်းရင်းမြစ်များ

CHISƆSI 'A SƆ MƆƐ NU 23:1

Mbɛ Pɔɔ‑a kuti wa chɛ ma fɛn, mbɛ a‑a a fɔ, a ɔ, “N suun ma nyɔɛ nu, a ka n suun tima ma, aan a sɔ tee chɛ ma, n ma sika ni n fandi ɔ. A sin, n mbe tachɛ tena tea chia an na, Yataa chen kɔɔ.”

CHISƆSI 'A SƆ MƆƐ NU 24:16

Chɛ an fɛ mu, tima ɔ tima ko a, n mbe ko sɛsɛ ɔ bia wan, n yiima a koenɛ ni ma Yataa tena, a basan n bɔ mɔ gbu n bɛɛ a.

GBOO DOMI KO A 12:17

Ni mɔɛ n‑na ko yama ma wo a, wo ma wo ta a yɛ ko yama a. Chɛɛ wo butuin chɛ, wo ni koe n ma, miin ma ɛ kawa mɔ ɔ mɔ ya a.

GBOO DOMI KO A 13:13

Mmɔ a kuu sɔ tachɛ‑a chɛndɛ chɛ mmɔ wandi a, fɔɛ ɔ. Wo a ma yɔ mɔɛ nu miin mbe koe n na tachɛ tena chɛndɛ tee a. A yɛ to, wo ma wo boo chɛ gbɛ min kɔmpini ɔ, a basan ko tɛ gbɛɛ a. A sin, wo ma butuin chɛ, wo sin ma too wo nyɔn na.

GBOO DOMI KO A 15:30

N suun ma nyɔɛ nu Chasi ɔ, mmɔ 'a mansa Chisɔsi Chasi an ta mu mmɔ a. A sin, Yataa Nyina‑a koadia chɛ mmɔ ɔ mmɔ nyɔn ko a. Chɛ an fɛ mu, n mbe wo disa tena, mmɔ ni chɛɛ chɛ chɛ. Wo Yataa fai n ko a.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

Gboo Fiipai Ko A 4:8

N mbe min fɔ tena gbɛ sanche, n suun ma nyɔɛ nu Chasi ɔ, wo wo yii na chii koe chɛ n ma, baa ɛ miin ma, Yataa toen mu koe miin na. Koe nu, miin nyin, mabɔ ee miin ma ɛnden bɛɛ a, basɔmaya koe nu. Mɔɛ n mbe che kawa‑a koe miin ma, an mbe koe miin bai, dua ɛ koe miin dɔ.

Gboo Kɔdɔsai Ko A 4:3

A sin, wo samunɛ chɛ nn ko a, min mbe a ma, Yataa ni chia yian nn na, a 'a bai chɛ ɔ yian koe a. Sakana bai chɛ, Yataa‑a min dɔ nun tee mɔɛ n ma, n ni a ɔ yian den mɔɛ n na. Sakana bai chɛ, a si Chasi ma, n mbe ka sa ɔ pimbi chenɛ a min ko a.

Gboo Saa Tɛsadonika Ko A 4:12

Ni wo‑a chɛ ma, basɔmaya ɛ ma‑a wan wo ma chɛ n tena, miin mu Yataa sɔn bai n na. A sin, wo ee na‑a mɔ ɔ mɔ ya ɔ fɛn‑da fen fen ko a, wo e to‑a min na.

Gboo Saa Tɛsadonika Ko A 5:25

Nn suun ma nyɔɛ nu Chasi ɔ, wo samunɛ chɛ nn ko a.

GBOO FEAN BƆƐ TƐSADONIKA KO A 3:1

A danka a gbɛ, nn suun ma nyɔɛ nu Chasi ɔ, wo samunɛ chɛ nn ko a. An mbe a ma, sakana bai chɛ, a si Mansa Chisɔsi ma, a tɛ ma tɛ, a ni fasan a ɔ ben‑da bui chɛ bui chɛ a. A sin to, mɔɛ n ni an boo a si a kɔɔ basɔmaya a, yɔ wo‑a a ma buɛ min dɔ.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 PITA 3:16

Chɛɛ wo tima ya a ɔ yian koe a an na, basɔmaya chia a. Wo yiima a koenɛ ni ma, min mbe a ma, wo main mɔɛ n ni mau wo ma. Mɔɛ chɛ nu, miin mbe bai yama sa wo ma, wo e ma ko chɛndɛ n ma‑a. Wo e chɛ ma, koe min na mu, wo ma‑a mɔ dɔndɔɛ a, wo bɛ Chasi a.

1 PITA 3:21

Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.