GBOO IBU MƆƐ N KO A 12:3 - Yataa 'a Dɔbɛnɛ Nama

³ Wo wo yii na chii a mɔnɛ‑a buɛ min dɔ. A yɛ to, a‑a toomaya min dɔ bia, ko yama ma mɔɛ n boo ɔ. Chɛ an fɛ mu, wo ma a ma wo faa ni yɔn, wo ni sɛmbɛ wo kai fa koe a Yataa a.

GBOO IBU MƆƐ N KO A 12:3 ပူးပေါင်းရင်းမြစ်များ

MATIU 11:19

Chɛɛ n fan, Mɔ Gbu 'a Denɛ, n na‑a kɛn, n mbe daunɛ chɛ wan, a yɛ to, n mbe gbɛ min fan. An‑na a fɔ wan to, an dɔ, nun namaya tɔɛ mu n na, an dɔ, kɔn gbasi kai mu to n na. An dɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma. Chɛɛ mɔɛ n mbe a ɔ yen‑da wan, mbɛ Yataa 'a yiimatɛ an mu tea tea yiimatɛ a. An mbe chɛ ɔ yen‑da koe n fan ma, mɔɛ chɛ n mbe miin ma‑a, mɔɛ chɛ nu, Yataa‑a a 'a yiimatɛ chɛ be miin ma.”

MATIU 12:24

Chɛɛ Chu mɔɛ chɛ nu, miin mu Fayisii a, an‑na koe chɛ a min fan. Mbɛ an‑na a fɔ wan, an dɔ, “Nyina yama n 'na mansa chɛ, min tɔ mu Bɛɛsɛbu, an mbe ka gbasaya chɛ be tena a ma, nyina yama n gbain koe a mɔɛ n fɛ.”

MATIU 15:2

“Mmɔ woo mɔɛ n‑na kanɛ min to mmɔ boo ɔ, a nyin fan mɔ ɔ mɔ ko a. Chɛɛ i fɛ denɛ n‑na an fandi bɔ kan chɛ kɔɔ. Koe min na mu, an mbe ee an boo a ko a chia ma, yɔ kan chɛ‑a a fɔ buɛ min dɔ, mɔɛ e na daunɛ chɛ. I‑a chɛ yen ka ma?”

MATIU 21:23

Mbɛ Chisɔsi yɛ‑a to Yataa 'a kata chɛ ɔ. A yɛ‑a kɛn, a‑a a kuu sɔ wan mɔɛ n kan‑da, miin ni ka nɔ. Ɛ an kan tena chɛ wan, mbɛ Chu n tɛ mɔɛ nu Yataa a, an 'na mansa dɔ nu, an bɛ Chu gbakoo n na, an na‑a a tena, an dɔ, “E koe miin ma ka, gbasaya minan mbe i boo ɔ, an ma koe a? An gbasaya chɛ sin, nyɔn‑na a be i ma?”

MATIU 21:46

Chɛ‑a a ma wan, an toen ni an ni a bia. Chɛɛ an chianden fan ni mɔ fanka fanka chɛ ma, miin danden ni a a, mbɛ Chisɔsi mu Yataa 'a gbonka chɛ mɔɛ an na.

MATIU 22:15

Tima ɛnden gbakɔ, mbɛ Chu mɔɛ dɔ nu, miin ni Fayisii n na, an bɛn‑da wan, an kun puin koe a kaina dɔndɔ. An toen ni, an ni Chisɔsi ɔ chɛ tisa chɛ a a, mbɛ an‑na a bia.

DUKU 14:1

Chu n 'na suin tee dɔndɔ ma, Chisɔsi ta‑a wan daun chɛ tena mɔ dɔndɔ 'a chenɛ a, min ni Fayisii n kun ti a. A tima chɛ a, an ni wan Chisɔsi a tɛ tena chɛndɛ chɛ.

DUKU 15:2

Chɛɛ Chu mɔɛ chɛ nu, miin ni Fayisii n na, an bɛ Chu n 'na sawa kan mɔɛ n na, an bun‑da gbonyɛ‑a Chisɔsi a, an dɔ, “Kamin chɛ ɛ a boo si wan mɔɛ chɛ n bɛɛ kɔɔ, miin mbe ee sɔ ɔ Yataa 'a chia ma, mbɛ an‑na daunɛ chɛ kaina dɔndɔ.”

DUKU 16:14

Chu mɔɛ chɛ nu, miin ni Fayisii n na, an‑na Chisɔsi da a bai chɛ n na min kɛn, an‑na an pɔsɛ a di wan a ma, a mu min na, an kɔpɔ koen ni kaka.

DUKU 2:34

Mbɛ Simiyɔn‑na an dua, mbɛ a‑a a fɔ den chɛ de Mɛi ye, a ɔ, “Denɛ chɛ i boo ɔ, ɛ a ma‑a wan mmɔ Isɔɛɛ mɔɛ nu, Yataa ni mmɔ sɛsɛ kondon, mbɛ a yɛ‑a, a‑a mmɔ sɛsɛ a sɛ. An mbe a ma‑a, mmɔ Isɔɛɛ mɔɛ n ni tea a min. Chɛɛ mmɔ sɛsɛ ɛ ban‑da wan a ɔ.

DUKU 5:21

Chu n 'na sawa kan mɔɛ chɛ n‑na bai chɛ a min kɛn, an bɛ Fayisii n na, an bun‑da a fɔ‑a an yiima ɔ, an dɔ, “Kamin chɛ e na ma nyɔn na koɔ koe a ka buɛ chɛ ɔ. Ɛ ka Yataa an main‑da. Mɔ ɔ mɔ ee nɔ min mbe kun, a ni a boo bɔ mɔ gbu 'a ko yama ɔ, mɔɔ Yataa dɔndɔ gbe.”

CHƆN 10:20

An sɛsɛ nu, an ni wan a fɔ‑a, an dɔ, “Nyina yama min mbe a fɛ, an‑na a woo ka. Wo e wo too ma sɔ a ma fen ko a?”

CHƆN 18:22

Chisɔsi‑a chɛ fɔ kɛn dechee, poesi chɛ n dɔndɔ nɔ, a‑a a too ɔ gbasi. A ɔ, a wan Chisɔsi ee kun, a ɔ, a ni koɔ ka buɛ chɛ ɔ, an 'na tɛ mɔ wa tena.

CHƆN 5:16

Chu mɔɛ chɛ nu, an ya ɔ sɔɛ chɛ n‑na chɛɛ ma nyɔncha bun fan Chisɔsi ma, kamin chɛ 'a baun koe a, an 'na suin tee chɛ ma.

CHƆN 7:12

Mɔ fanka chɛ ni wan bai sɛsɛ sa‑a an da kɔɔ, a si Chisɔsi ma. An dɔ n dɔ, “Mɔ chɛndɛ an nɛ mɔna chɛ a.” Dɔ n sin dɔ, “A ee ka. Mɔ bun mɔɛ gbama an nɛ.”

CHƆN 8:13

Mbɛ Fayisii mɔɛ n dɔ, “Sanche gbɛ, e ka i wandi an na siiya bɔ‑a. E bai miin gbɛɛ fɔ tena, an ma nn kun bia ni.”

CHƆN 8:52

Mbɛ Chu mɔɛ chɛ n dɔ, “Nn‑na a ɔ sɔn gbɛ tea a, mbɛ nyina yama an mbe i fɛ. Ebeami wɛɛ gbu fa‑a wan, mbɛ Yataa 'a gbonka chɛ mɔɛ n bɛɛ fa‑a. Chɛɛ i tana, i ɔ, mɔ ɔ mɔ‑a a boo si kan chɛ kɔɔ, e min chɛ tena, a ee fa‑a kuɔ fɔ ko a.

CHƆN 8:59

Chɛ ko a, mbɛ an‑na senɛ n ya, a bondan koe a Chisɔsi a, an ni a fa. Chɛɛ a bɔ‑a wan an tɛ ɔ, Yataa 'a kata chɛ ɔ, kai wɛɛ, a a ma tɛ ni a ma.

CHƆN 9:40

A ni chɛ fɔ tena tima min na, Fayisii chɛ n dɔ n ni wan nɔ. Mbɛ an dɔ, “I ɔ fen? Nn ma dan ni a a, mbɛ i toen mu i ni a fɔ, mbɛ nn bɛɛ, nn fionden fan mu.”

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

GBOO FEAN BƆƐ KƆYINDI KO A 4:16

Chɛ an fɛ mu, nn faa ee yɔn. Nn gboo chɛ, mɔgbuya ɔ, ɛ na tena wɛɛ ka boo ɔ boo tui‑a, chɛ gbɛɛ ɔ, Yataa Nyina min mbe nn fɛ, a ɔ gbɛama mu tee ɔ tee a.

Gboo Kadesia Ko A 6:9

Chɛ an fɛ mu, mmɔ gboo ɔ ma fa ko chɛndɛ ma koe a. Koe min na mu, tima ɛ che‑a wan, ni mmɔ ma sɛmbɛ ni, mbɛ mmɔ‑a a tɔnɔnɛ ma sɔn.

GBOO FEAN BƆƐ TƐSADONIKA KO A 3:13

Chɛɛ wo wan, nn suun ma nyɔɛ nu Chasi ɔ, wo gboo ɔ ma fa ko chɛndɛ ma koe a.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

GBOO IBU MƆƐ N KO A 12:5

Wo ma nyina Yataa 'a bai ma, a na‑a min fɔ, wo faa ma nande koe a, a 'a denɛ mu buɛ min dɔ wo a. A na‑a a fɔ wan a 'a gboo ɔ, a ɔ, “N 'na denɛ nu, wo wo too ma sɔ, ni n fan Mansa Yataa ma‑a wo sɔ‑a chia ma. A sin, wo faa ma yɔn, ni n ma‑a wo ma tɔɔ‑a.

GBOO IBU MƆƐ N KO A 3:1

Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

1 PITA 2:23

Bai yama n sa‑a wan a ma, chɛɛ a nii ma a ta ɔ nyɔn ni ɛnden bɛɛ a. A na‑a ko yawaenɛ n bɛɛ ɔ bia wan, chɛɛ a nii ma a wandi ma chian ni. A ni a ta gbɛɛ kai fa dechee Yataa an ma, min mbe tea kaa tɛ.

KO Ɔ NUNDENƐ 2:3

Wo‑a wo faa bia kaka tɔɔya a n ko a, a sin, wo gboo ɔ ma fa ni ma koe a n fɛ.