GBOO IBU MƆƐ N KO A 12:18 - Yataa 'a Dɔbɛnɛ Nama

¹⁸ Wo ma na ni ka yɔ Isɔɛɛ mɔɛ nu, miin na‑a an mbe koe a tisɔn kaina min. An na‑a wan Saina kɔnkɔɛ kɔɔ, ta man ba ni kaina min, a yɛ to, pimbi wa bundenɛ ɛ. Fia fichi fichi wa wɛɛ ni bɔ tena wan nɔ,

GBOO IBU MƆƐ N KO A 12:18 ပူးပေါင်းရင်းမြစ်များ

2 TIMOTI 1:7

Koe min na mu, Yataa Nyina min be mmɔ fɛ, a ee a ma mmɔ ni chian. Chɛɛ ɛ gbasaya an chɛ mmɔ ɔ, a basan koadia a, ni mɔɛ e kun buɛ min dɔ i faa ma.

GBOO FEAN BƆƐ KƆYINDI KO A 3:9

Koe min na mu, sawa chɛ, min mbe a ma kaa ɛ tɛ mmɔ ma, mmɔ ni tɔɔ, ɛ na wan manɛ a. Ni chɛ ɛ ma wan, mbɛ Yataa Nyina ta manɛ tana, ɛ koa‑a wan kaka. Koe min na mu, a wan mbe mɔɛ n ya mɔ tandenɛ n na Yataa chen kɔɔ.

GBOO DOMI KO A 6:14

Wo ma dɔn to ko yama ni gbasaya sɔn wo kun ma. Wo ee sawa chɛ an kɔɔ, chɛɛ wo e Yataa 'a koadia demanɛ an kɔɔ.

GBOO DOMI KO A 8:15

A mu min na, Yataa‑a a Nyina min be wo ma, ma koe a wo fɛ, a ee wo ma yɔnɛ n na, a ni a ma chiandia ni ma wo ɔ. Chɛɛ min mbe ma, Yataa Nyina ɛ wo ma Yataa 'a denɛ n fan na. A sin Yataa Nyina chɛ ɛ a ma‑a wan, wo ni Yataa chee, wo ɔ, wo fa.

GBOO FEAN BƆƐ KƆYINDI KO A 3:7

Sawa kɔma n nyɛndenɛ ni senɛ an ma. A sin, a ni be tena tima min na Mosisi ma, Yataa 'a manɛ na‑a yen fan. Isɔɛɛ mɔɛ nii ma che ni Mosisi ma fɛn‑da kaka, koe min na mu, a manɛ kɔ ni gbɛɛ. Chɛɛ a ya kɔɔɛ chɛ gbu nii ma man ni tima ɔ yansama ko a. Chɛ an fɛ mu, sawa chɛ min mbe na ka saya a, ni a manɛ ma‑a ka, chɛ ɛ koe an dɔ yian tena.