GBOO IBU MƆƐ N KO A 12:1 - Yataa 'a Dɔbɛnɛ Nama

¹ Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

GBOO IBU MƆƐ N KO A 12:1 ပူးပေါင်းရင်းမြစ်များ

MATIU 10:22

Mɔɛ n gbɛɛ mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.

MATIU 24:13

Chɛɛ i wɛn mbe i faa bia‑a aan a danka a, Yataa ɛ i baun‑da wan.

MAKI 10:50

Mbɛ a‑a a 'a doma kun ma doma bɔ, a‑a a a dɛ. Mbɛ a tin‑da buɔdia a, a ta‑a Chisɔsi tena.

DUKU 12:15

Mbɛ a‑a a fɔ an ye, a ɔ, “Wo wo kun ma fɛn, fen koya yama min kɔ min boo ɔ. Koe min na mu, mɔ gbu ni nyan boo ɔ boo, chɛ an mbe ee a ma i ni fɔɛ chɛndɛ ma sɔn.”

DUKU 16:28

a mu min na, n dɔ kaima duu n mbe nɔ. A ni ta, a ni an na si, min mbe a ma, an bɛɛ ma na na nɛ tɔɔya chɛ ɔ, n mbe ka min dɔ.’

DUKU 21:34

Chisɔsi ɔ, “Wo wo wandi kun ma fɛn. Wo ma daun chɛ ma wo ma gbɔsɔɛ a, a basan gbɛ a kɔɔen minɛ a. A yɛ to, wo ma dunya chɛ ɔ faagbaa n sa wo kun ma. Ni wo‑a chɛ ma, ni n 'na tima che‑a, koe chɛ n gbɛɛ, an mbe a ma wan, n ni wo tɛnɛ.

CHƆN 3:32

Mɔɛ min ka‑a banda bu ɔ, a tana, a‑a miin dɔ yen nɔ, a‑a miin na min, ɛ an fan dɔ yian. Chɛɛ chɛ gbɛɛ ɔ, mɔɛ n mbe ee an boo si a 'a sakana bai kɔɔ.

CHƆN 4:39

Samayia mɔɛ chɛ n sɛsɛ nu, an duu chɛ ɔ, an na‑a an kai fa wan Chisɔsi a. Chɛ na‑a ka musu chɛ da a bai an ma, a na‑a a fɔɛ min chɛ, a ɔ, a‑a ko ɔ ko ɔ yian a a, a ɔ, a wan musu chɛ, a ɔ, a na‑a min ma fɔɛ ɔ.

CHƆN 4:44

A wandi gbu na‑a a fɔ wan, a ɔ, “Baa ee Yataa 'a gbonka chɛ mɔɛ ma, a wandi gbu waa a.”

GBOO DOMI KO A 12:12

Wo ma buɔdia ɔ, tima ɔ tima ko a. Koe min na mu, wo yii na tɛ tena ɛ wan. Ni yakɔɔtawa‑a wo tan, wo wo faa bia. A sin, wo samunɛ chɛ tima ɔ tima ko a.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

Gboo Kadesia Ko A 2:2

Chisɔsi na‑a koe min dɔ yian n na, an na‑a a ma, n sɛ‑a Chuusaɛn. A sin, n‑na a sa wan an kɔɔ, chɛɛ nn dechee ni bɛnɛ ɔ, nn bɛ an 'na gbakoo n na. N‑na sakana bai chɛndɛ chɛ ɔ yian an na, n na‑a min dɔ yian mɔɛ chɛ n na, miin ma Chu mɔ a. N‑na chɛ ma, min mbe a ma, n‑na wai min chɛ, a ma na to n ma gbama gbama a.

Gboo Kadesia Ko A 5:7

Wo na‑a a kuu sɔ wan ta koe a ya ɔ ma chɛndɛ chɛ. Chɛɛ n ma a ɔ sɔn, mɔɛ min‑na a fɔ wo ye, wo ni sɛmbɛ bea koe a tea chia chɛ fɛ.

Gboo Ɛfisɔsi Ko A 4:25

Chɛ an fɛ mu, wo wo boo bɔ fania fɔɛ ɔ. Wo gbɛɛ, wo tea fɔ wo nyɔn ye. Koe min na mu, mmɔ gbɛɛ, mmɔ mu gboo dɔndɔɛ an na, Chasi ɔ.

Gboo Fiipai Ko A 1:30

A sin, wo‑a n yen tɔbu min dɔ bia‑a, wo wɛɛ wo e ka an sima ɔ yen tena. A sin, wo e ka tɔbu min dɔ yen tena, an mbe ka tun n bɛɛ ma.

Gboo Fiipai Ko A 2:16

Bai chɛ, min mbe fɔɛ be, wo a bia wo boo fea a. Chɛ an mbe a ma‑a Chasi na tee ma, n bu ɔ diama an mbe ma‑a, n kunɛ kɔɔ sɔenɛ ɛ, mbɛ n ma bui chɛ ni gbama a, n ma sɛchɛ chɛ ni gbama a, wo tɛ ɔ.

2 TIMOTI 2:4

Mɔ ɔ mɔ min mbe soya ɔ, a ma bɛnden mu tima ɔ tima don koe an na ya ɔ sɔɛ da a kuiɛ kɔɔ. A ee a boo chɛ koe n dɔ, mɔ gbama n mbe miin ma.

2 TIMOTI 4:7

N‑na butuin chɛndɛ chɛ chɛ, n che‑a a danka a. N sin ma ka ni n 'na danaya gbee a.

GBOO IBU MƆƐ N KO A 6:15

Chɛ sin ko a, Ebeami na‑a a faa bia wan ko sɛsɛ a, mbɛ a too ɔ dia‑a min na, a‑a a ma sɔn.

CHIMISI 1:3

Koe min na mu, wo‑a ɔ sɔn fan, mbɛ ni an koe chɛ n‑na wo tan, a ɔ sɔn koe mu ni wo kai faen fan mu Chisɔsi Chasi a. A sin, ni wo kai faen fan mu a a, mbɛ wo e kun‑da wan an dɔ bia‑a.

1 PITA 2:1

Chɛ an fɛ mu, wo wo boo bɔ ko yama ma gbɛɛ ɔ. Wo sɛmbɛ fania fɔ koe a. A yɛ to, wo sɛmbɛ ma koe a nɛnɛn fea ti n na. A sin, wo main chɛ kan kɔ kan boo ka, mbɛ wo sɛmbɛ‑a too koe a mɔ dɔ gbɛɛ n na.

1 PITA 4:2

A sin, wo ee ma‑a wo faa ma koe n fan ma‑a, aan wo ni fa. Chɛɛ wo ma bɛndenɛ ɛ ma‑a wan, tima ɔ tima ko a, Yataa faa ma koe ma koe a.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.

2 PITA 1:6

A yɛ to, wo wo 'a Yataa yiima ma munda wo tachɛ buɛ n na fɔɛ ɔ. Mbɛ wo‑a faabia sa wo tachɛ buɛ kun ma fɔɛ ɔ. Mbɛ wo yɛ‑a to, wo ma‑a mɔɛ n na, Yataa wakoe ɛ miin faa ɔ kaka.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 13:10

Mɔ ɔ mɔ, Yataa‑a min ma bia mɔɛ a, a mɔɛ chɛ ɛ ma‑a bia an dɔ. Mɔ ɔ mɔ, Yataa‑a min ma fa mɔɛ a, chɛɛ chɛ mɛ a, chɛɛ chɛ mɛ an mbe a mɔɛ chɛ fa‑a pɔɛ. Chɛ gbɛɛ‑a a yian fan ka, mbɛ Yataa 'a mɔɛ n danayaen fan mu, an sin mbe an faa bia wan to.

KO Ɔ NUNDENƐ 22:16

“N fan Chisɔsi, n 'na maeka, n‑na a a na wan wo tena. N‑na a a na, a ni koe chɛ n dɔ yian wo a, wo wɛn mbe chɔchi chɛ n dɔ. N fan, n bɔen mu Mansa Defidi 'a dambi an dɔ. N fan mu tɔmbuaka chɛ a, min mbe man taun banda ɔ ka da ma.”

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.