GBOO IBU MƆƐ N KO A 11:7 - Yataa 'a Dɔbɛnɛ Nama

⁷ Nowa na‑a a kai fa wan Yataa a, an na‑a a ma, a na‑a a too ma sɔ Yataa 'a dasi ma, a si koe n ma miin ni na tena ma‑a, a nii ma miin sima ɔ yen nin bɛ. A na‑a Yataa da a kuiɛ a min fan, mbɛ a‑a dɛndɛ nyan, min na‑a a baun, an bɛ a 'a mɔɛ n na. Yataa na‑a Nowa ya wan mɔ tandenɛ a, min mbe bɔ dechee a 'a kaifa ɔ Yataa a. An kaifa chɛ sin dɔ, Nowa na‑a koe min ma ka, a na‑a a yian fan, mbɛ dunya ma mɔɛ n yau kaka.

GBOO IBU MƆƐ N KO A 11:7 ပူးပေါင်းရင်းမြစ်များ

MATIU 2:12

Mbɛ Yataa‑a an na si wan cho ɔ, mbɛ an ma bɔ Mansa Ɛdɔdi waa chia a. An‑na chia dɔ mende ya wan, an yɛ‑a.

MATIU 24:15

Chisɔsi ɔ, “Yataa 'a gbonka chɛ mɔɛ Danɛɛ na‑a bai fɔ wan suun a 'a gboo ɔ, a si fen ma nyamuienɛ ma, miin mbe fenɛ n yɔn. Wo wɛn mbe gboo chɛ kan‑da, wo ni a ɔ gbɛ chɛndɛ chɛ ni bai chɛ fasaien mu fen na. Fen ma nyamuien chɛ, wo e a yen‑da wan sɔ ɔ Yataa 'a kata ɔ.

MATIU 24:25

Wo‑a ɔ yen gbɛ, mbɛ koe miin mbe na tena ma‑a, n ban‑da an dɔ yian‑da wo a.

MATIU 24:38

Mɔɛ n ni wan ko ɔ ko ma‑a Nowa 'a tima a, yɔ mɔ gbu kan kɔ kan mbe min ma. An ni daun fenɛ n daun fan, a yɛ to, an mbe an min. Mɔɛ n ni musu n fuu wan, musu n sin ni be wan kai n ma. Chɛ an ni a a, yii nii ma dunya ya ni tima min na, mbɛ Nowa sɛ‑a dɛndɛ wa dɛgbɛ ɔ.

MATIU 3:7

Chɔn‑na a ɔ yen, mbɛ Chu mɔ kuun chɛ nu, an ni miin chee Fayisii nu, a basan chɛ n na, miin ni Sadusii a, an na‑a a tena. An dɔ, a ni yii chɛ an kunɛ ɔ, Yataa chia a. Chɛɛ a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

DUKU 17:26

Tima min na, n fan, Mɔ Gbu 'a Denɛ, n mbe yɛ‑a dunya chɛ ɔ to, koe n mbe ma‑a ka wan, yɔ an ni buɛ min dɔ Nowa 'a tima a.

GBOO DOMI KO A 1:17

Koe min na mu, sakana bai chɛndɛ chɛ ɛ a ɔ yian tena wan, Yataa ɛ a ma buɛ min dɔ, mmɔ ni tan a tena. Chɛ ee bɔ ko dɔ mende kan kɔ kan dɔ, mɔɔ dechee danaya dɔndɔ gbe Yataa a. Ɛ wan dechee, yɔ Yataa 'a gboo‑a a fɔ buɛ min dɔ, a ɔ, “Mɔɛ min mbe a kai fa‑a Yataa a, ɛ an ya mɔ tandenɛ a, a sin fan mbe kuɔ fɔ fɔɛ ma sɔn.”

GBOO DOMI KO A 10:6

Yataa 'a gboo‑a chɛ an fɔ, a si mmɔ 'a kaifa ma Yataa a, ɛ mmɔ ma buɛ min dɔ mɔ tandenɛ n na a tena. Gboo chɛ ɔ, mmɔ ma a fɔ, mbɛ mɔ ee nɔ sɛ koe a banda bu ɔ, Chasi yii koe a dunya ɔ.

GBOO DOMI KO A 3:22

Yataa ɛ mmɔ ya wan mɔ tandenɛ n na a chen kɔɔ, ni mmɔ‑a mmɔ kai fa Chisɔsi Chasi a. Yataa ɛ chɛ ma wan mɔ ɔ mɔ ko a, min kai faen mu Chisɔsi a. Koe min na mu, a ni ma Chu mɔ a, a ma ma Chu mɔ a, Yataa ɛ mɔɛ gbɛɛ bia dɔndɔ gbe.

GBOO DOMI KO A 4:11

A gbakɔ ni gbɛ, Ebeami a kamincha‑a. A sin, a a kamincha koe chɛ, a ni tɔmɔsi an na, a ɔ yian koe a, mbɛ Yataa na‑a a ya pɛn mɔ tandenɛ a, a a e na to kamincha‑a. Chɛ sin na‑a ma, a ɔ yian koe a, mbɛ mɔɛ miin gbɛɛ an kai fa‑a Yataa a, mbɛ a‑a an ya mɔ tandenɛ n na a chen kɔɔ, an mɔɛ chɛ n mbe ma‑a dechee yɔ Ebeami 'a denɛ nu Yataa ta fɛ chia a. An mbe ma‑a wan ka Ebeami tena, an ni a fɔ an na ma kamincha nin bɛɛ.

GBOO DOMI KO A 4:13

Yataa na‑a Ebeami too ɔ dia wan, an bɛ a cheeya n na, mbɛ ɛ dunya chɛ gbɛɛ ma‑a an ta a. Yataa na‑a tooɔdia chɛ chɛ Ebeami a, koe min na mu, a na‑a a kai fa wan Yataa a. Chɛɛ Ebeami na‑a bea min chɛ sawa chɛ fɛ, an ko a nii ma. Chɛ ko a, Yataa‑a a ya wan mɔ tandenɛ a a chen kɔɔ.

GBOO DOMI KO A 9:30

Nn mbe bai chɛ an fɔ tena, a si mɔɛ chɛ n ma, miin nii ma Chu mɔ n na. An nii butuin chɛ tena, an ni ma mɔ tandenɛ n na Yataa tena. Chɛɛ an‑na an kai fa wan Yataa a. Chɛ ko a, Yataa‑a a ma wan an tan‑da a tena.

Gboo Kadesia Ko A 5:5

Koe min na mu, mmɔ tana, Yataa Nyina 'a gbasaya ɔ, yiinatɛ ɛ ka mmɔ wɛn dɔ, mbɛ Yataa ɛ mmɔ ya wan mɔ tandenɛ n na, a tena. Mmɔ kai faenɛ ɛ Chasi a, mbɛ chɛ ɛ ma‑a wan.

Gboo Fiipai Ko A 3:9

mbɛ nn fea ma‑a mɔ dɔndɔɛ a. N ni nn fan Chu n 'na sawa miin bia, an fan ma a ma ni, n ma‑a mɔ tandenɛ a Yataa chen kɔɔ. Chɛɛ min ma‑a, n‑na n kai fa wan Chasi a. Chɛ an‑na a ma dechee, Yataa‑a n ya mɔ tandenɛ a, a chen kɔɔ.

GBOO IBU MƆƐ N KO A 11:1

Mɔɛ min yii na tɛen mu fen chɛ n ma, Yataa na‑a a too ɔ dia miin na, a yɛ to, mɔɛ min dandenɛ ɛ koe n na, a ya ma miin dɔ yen ni, a mɔɛ chɛ an kai faen mu Yataa a.

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 5:7

Tima min na Chisɔsi ni fɔɛ ɔ dunya chɛ ɔ, a ni samunɛ chɛ wan, a yɛ to, a ni Yataa ɔ tisa wan basan koe a a ma. A ni chɛ ma a kuiɛ ma sɛenɛ an na, a ya yii ɛ ta‑a bɔ‑a Yataa tena, min mbe che dechee a kun bɔ koe a saya ɔ. A sin ni baa be ka buɛ min dɔ Yataa ma, a wɛɛ, a ni a di kuiɛ a min fan.

GBOO IBU MƆƐ N KO A 8:5

An mbe wai min chɛ Yataa 'a tɛndi kɔɔ, a ɛ wan dechee yɔ koe miin mbe ma banda bu ɔ, an nininɛ gbama, an mbe buɛ min dɔ. Koe min na mu, Mosisi ni tima min na Yataa 'a tɛndi chɛ sɔ‑a, Yataa na‑a koɔ wan a tena, a ɔ, “Fen kɔ fen min sien mu tɛndi chɛ ma, a nyan yɔ i‑a a nyandenɛ yen buɛ min dɔ, Saina kɔnkɔɛ kun ma.”

1 PITA 3:20

Mɔɛ chɛ n fan nii nɛ, miin nii ma kooya be ni Yataa ma. Yataa ni a faa bia tena wan an na, ɛ an ma kɔn‑da, tima min na Nowa ni a 'a dɛndɛ wa nyanɛ a. Mɔ kuundenɛ miin ni an dɛndɛ chɛ ɔ, an ni mɔ sɛi, yii chɛ na‑a miin baun.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

2 PITA 2:5

Mmɔ‑a a ɔ sɔn fan, mbɛ Yataa nii ma mɔɛ chɛ n bɛɛ to ni nɔ, miin ni suun. A na‑a an na mɔnɛ wan yii fa a, an fan Yataa sɔn bai chɛ nu. A na‑a mɔ wɔnfea an fan kunɛ bɔ a ɔ, a basan Nowa a, min ni mɔɛ n kan an ni tan Yataa tena.

2 PITA 3:6

A sin, mbɛ yii ni to, yii wa min na‑a dunya gbɛɛ ya, min na‑a dunya kɔma kasaa.