GBOO IBU MƆƐ N KO A 11:5 - Yataa 'a Dɔbɛnɛ Nama

⁵ Ɛnoku na‑a a kai fa wan Yataa a, an na‑a a ma, a ma fa ni. Chɛɛ min na‑a ma, a gbafun‑da wan, a sɛ Yataa tena, mɔ ɔ mɔ nii ma a yen ni. Koe min na mu, Yataa wandi an na‑a a ya, a sɛ‑a a a. Yataa 'a gboo ɔ te, mbɛ Ɛnoku e na gbafun, a sɛ banda bu ɔ, a na‑a Yataa faa chima wan.

GBOO IBU MƆƐ N KO A 11:5 ပူးပေါင်းရင်းမြစ်များ

DUKU 2:26

Yataa Nyina chɛ sin na‑a a yiima dia wan, mbɛ a ee fa‑a, ni a ma kunka mansa yen ni, Mansa Yataa ɛ min sɔ‑a.

DUKU 3:37

Damɛki fa tɔ ni Mɛtusɛda, Mɛtusɛda fa tɔ ni Ɛnoku, Ɛnoku fa tɔ ni Chayɛdi, Chayɛdi fa tɔ ni Maadadɛɛ, Maadadɛɛ fa tɔ ni Kainan,

Gboo Saa Tɛsadonika Ko A 2:4

Chɛɛ nn mbe koɔ wan, yɔ Yataa toen mu nn ni a 'a sakana bai chɛ fɔ buɛ min dɔ, nn sɔen mu min fɔ koe a. A‑a nn dɔ siman fan, a‑a a yen gbɛ mbɛ ɛ che wan dan‑da nn na. Nn ta wai mu min na, an nɛ, Yataa faa ma koe n ma koe a. Chɛɛ nn mbe ee mɔ gbu n faa ma koe n fan ma. An‑na nn yii ma koe n dɔ sɔn.

GBOO IBU MƆƐ N KO A 11:6

Mɔ ɔ mɔ ee che a ma‑a Yataa faa ni chima, ni an mɔɛ chɛ ma a kai fa ni Yataa a. Koe min na mu, mɔ ɔ mɔ min mbe na Yataa chen kɔɔ, fɔ ni a dan‑da a a, mbɛ Yataa ɛ wan nɔ. A sin, mbɛ Yataa ɛ tɔnɔnɛ be wan chɛ n ma, miin mbe na a tena.

GBOO IBU MƆƐ N KO A 2:9

Chɛɛ mmɔ‑a a ɔ sɔn fan Chisɔsi ɛ gbɛ buɛ min dɔ. Tima ɛnden ko a, Yataa na‑a a don fan maeka n 'na gbasaya kɔɔ. A na‑a a ma wan mansa a, tando ɛ min ma, a basan basɔmaya a. Chɛ ma‑a, a mu min na, a na‑a tɔɔ wan saya ɔ. Chɛ ko a, Yataa 'a koadia demanɛ ni a ma, a ni saya ɔ yen mɔɛ gbɛɛ ko a.

1 CHƆN 3:22

A sin, mmɔ ɛ fen kɔ fen sɔn‑da wan, mmɔ ɛ min dɔ tisa‑a a ma. Koe min na mu, mmɔ ɛ a da a kuiɛ ma, a sin, mmɔ ɛ a faa ma koe ma.

CHUDA 1:14

Adami mama denɛ ta mama denɛ ta mama n denɛ dɔndɔ ni wan nɔ, min tɔ ni Ɛnoku. A na‑a bai sa wan suun, a si an mɔ bonda chɛ n ma. A ɔ, a yen ko, mbɛ Mansa Chisɔsi ɛ na‑a wan, a ɔ, an bɛ a 'a maeka wu sɛsɛ sɛsɛ n na.