GBOO IBU MƆƐ N KO A 11:4 - Yataa 'a Dɔbɛnɛ Nama

⁴ Ebɛɛ na‑a a kai fa wan Yataa a. An na‑a a ma, a‑a yasi be Yataa ma. An yasi chɛ ni nyin Yataa tena, a ben Ken ta ma. Yataa na‑a Ebɛɛ ya wan mɔ tandenɛ a, kaifa ɔ chia a, mbɛ a‑a a boo si a 'a yasi kɔɔ. Ebɛɛ faen mu wɛɛ boo ɔ boo bi tee chɛ kɔɔ, chɛɛ ɛ wɛ koɔ tena mmɔ tena tun. Koe min na mu, a na‑a a kai fa wan Yataa a, a sin mu tɔmɔsi an na mmɔ tena.

GBOO IBU MƆƐ N KO A 11:4 ပူးပေါင်းရင်းမြစ်များ

MATIU 23:35

Chɛ ɛ a ma‑a wan, wo ni tɔɔya ma sɔn. Wo e tɔɔya‑a wan mɔɛ chɛ n gbɛɛ fa koe a suun, miin nii ma ko yama kan kɔ kan ma ni. Wo e tɔɔya‑a wan Ebɛɛ 'a saya ko a suun, aan a ta mɔɛ dankama 'a saya ma, min ni kai Baakia 'a denɛ Sakaaya a. An na‑a Sakaaya chɛ fa nɛ Yataa 'a kata chɛ an dɔ, Yataa 'a chen chɛ n tɛ yasi minda gbengbe chɛ a.

DUKU 11:51

Wo e tɔɔya‑a wan Ebɛɛ 'a saya ko a suun, aan a ta Sakaaya 'a saya ma. An na‑a Sakaaya chɛ fa Yataa 'a kata chɛ an dɔ, Yataa 'a chen chɛ n tɛ yasi minda gbengbe chɛ tena a. N mbe a ma din tena wo tena, tea ɔ, mbɛ wo nyɔn sima chɛ n fan mbe tɔɔya ɔ bia‑a, Yataa 'a gbonka chɛ mɔɛ chɛ n wii chɛ ko a.

TAITƆSI 1:16

An‑na Yataa sɔnɛ ɛ an da ɔ wan, chɛɛ a ee an sɔnɛ ɔ. An ma nyin, an mbe ee Yataa 'a sawa ya, an sin ma nyin fen kɔ fen ko a.

GBOO IBU MƆƐ N KO A 11:2

Suun mɔɛ n na‑a an kai fa min chɛ Yataa a, an na‑a a ma, a faa chimaen ni an na.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

GBOO IBU MƆƐ N KO A 12:24

Wo na‑a Chisɔsi tena, min ni wo tɛ wo bɛ Yataa a, dɔbɛn nama chɛ chɛ koe a. Wo na‑a a wii tena, min bɔn‑da, wo too ɔ dia koe a fen chɛndɛ a, a ben Ebɛɛ wii ta ma.

GBOO IBU MƆƐ N KO A 5:1

Koe min na mu, tɛ mɔ wa kan kɔ kan, Yataa ɛ a boo sɔ a ma wai chɛ koe a, a bɔɛ mɔ gbu n fan ko a. A ni ma nɔ, an tɛ, an bɛ Yataa a, yasi bɔ koe a an 'na ko yama n ko a.

GBOO IBU MƆƐ N KO A 9:22

Tea gbu a, sawa ta fɛ chia a, fen kɔ fen ma ɛ ko dechee fion wii an na, Yataa chen kɔɔ. A sin gbu, ni wii a nii ma bɔn ni, Yataa nii a boo bɔ‑a mmɔ 'a ko yama n dɔ.

2 PITA 2:8

Kai chɛndɛ chɛ ni suun mɔ yama chɛ n tɛ ɔ wan, a sin nii a dia an sɔn yama an boo ɔ su ɔ tee a. A ni an sɔnɛ miin dɔ yen, a ni miin na min, faamɔnɛ wa ni a ma.

CHUDA 1:11

Koe min mbe an tan‑da, a yau gba an ko a. An puin‑da mɔna chɛ chen gba ɔ, mɔna min tɔ ni Ken, min na‑a a dɔɛ fa. Kɔpɔ koe‑a a ma, an bɔ‑a Badaan gba ɔ, an mbe ko ɔ ko ma wan kɔpɔ koe a. A yɛ to, Kɔya 'a gbunɛ nyɔn sima, an‑na a a bea, min‑na an kasaa pɔɛ.