GBOO IBU MƆƐ N KO A 11:16 - Yataa 'a Dɔbɛnɛ Nama

¹⁶ Chɛɛ an ni min ma gbɛ, an ni an yii na chii gbɛ chɛnyɛ an na, min nyin a ben a ma, banda bu ɔ. Chɛ ko a, mauma ko nii ma Yataa tena, ni an‑na a chee an 'na Yataa a. Koe min na mu, a na‑a duu wa ɔ bɛn fan an ko a.

GBOO IBU MƆƐ N KO A 11:16 ပူးပေါင်းရင်းမြစ်များ

MATIU 25:34

Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.

MAKI 12:26

Min sin sien mu faa mɔɛ n kɔɔ sɔ koe ma, a ka saya ɔ, ɛ n yii ma, mbɛ wo‑a a kan fan, Mosisi 'a gboo ɔ, a si kɔn den chɛ ma, min ni yɔ a ni minda tena wan. Yataa na‑a a fɔ buɛ min dɔ, a ɔ, Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai.”

MAKI 8:38

Sanche, mɔ yama yama bonda chɛ n tɛ ɔ, miin mbe ee dan ko a, ni mɔ ɔ mɔ ban‑da n dɔ, a basan n da a kuiɛ a, n bɛɛ, n mbe na‑a wan banda a ɔ. N fan, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da, Fa Yataa 'a manɛ a, nn bɛ maeka n na.”

DUKU 12:32

Chisɔsi ɔ, “Wo wɛn mbe n fɛ, wo ma kɔkoo, chɛɛ wo ma chian. A a di wan Fa Yataa ye, na koe a wo a, a 'a mansaya kɔɔ.

DUKU 20:37

Min sin sien mu mɔɛ n kɔɔ sɔ koe ma, a ka saya ɔ, Mosisi wandi‑a a ɔ yian fan gboo chɛ ɔ, a‑a min nyɛn, mbɛ ɛ ma‑a wan tea gbu a. A mu min na, a‑a a ɔ yian fan an gboo chɛ ɔ, Yataa bɔ‑a buɛ min dɔ a ya a kɔn den chɛ ɔ, ta ni min dɔ, chɛɛ a nii a minda. A‑a bai sa nɔ wan a si Mansa Yataa ma, a ɔ, Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai.

CHƆN 14:2

Fa Yataa waa banda bu ɔ, sa tena kɔkoo nɔ kaka. N mbe chɛ fɔ tena wo ye, koe min na mu tea mu. A sin, n mbe ta tena wan kaina ɔ bɛn‑da wo ko a.

CHISƆSI 'A SƆ MƆƐ NU 7:32

‘N fan mu Yataa a, wo bemba n ta bemba n‑na min fai. Ebeami na‑a n fai wan, Aisaki‑a n fai, Chekɔpi wɛɛ‑a n fai.’ Mbɛ Mosisi‑a bai chɛ a min kɛn, chiandia dɛ‑a wan a ɔ, mbɛ a bun‑da samba‑a. Chɛ‑a a ma wan, a nii che to an kaina gbu ma fɛn‑da.

Gboo Fiipai Ko A 3:20

Chɛɛ mmɔ tana, mmɔ waa chɛndɛ chɛndɛ mu banda bu ɔ an na. A sin, mmɔ kun ka mɔɛ chɛ, Mansa Chisɔsi Chasi, mmɔ ɛ min ma kɔn tena, ɛ ka tena nɔ wan.

2 TIMOTI 4:18

Ɛ n kun bɔ‑a wan ko yama kan kɔ kan dɔ, mbɛ a‑a n baun, a ta‑a n na a 'a banda bu ɔ mansaya ɔ. Tando ni ma a tɔɛ ma, kuɔ fɔ ni kuɔ fɔ. A ni ma ka.

GBOO IBU MƆƐ N KO A 10:34

Wo chinchin‑da chɛ n ma, miin ni sa ɔ pimbi chenɛ a. A yɛ to, an‑na wo boo fenɛ n bɔ kɛn wo boo ɔ gbasaya a, wo faa nii ma yɔn ni ɛnden bɛɛ a. Koe min na mu, wo na‑a a ɔ sɔn fan, fenɛ ɛ wan wo ko a, min benden mu an ma, fenɛ min mbe ma‑a kuɔ fɔ ko a.

GBOO IBU MƆƐ N KO A 11:10

Koe min na mu, Ebeami ni wan tima ma kɔn tena, duu wa chɛ ma sɔn koe a, Yataa na‑a a too ɔ dia min na. Duu wa chɛ, Yataa wandi na‑a min siman, a‑a a sɔ gban, a ee yɔn kuɔ fɔ ko a.

GBOO IBU MƆƐ N KO A 11:14

Mɔɛ miin sin mbe bai bonda chɛ n fɔ, an mbe ma ka a fɔ an na gboden, mbɛ an mbe an ya a kan tena an ta chɛnyɛ an na.

GBOO IBU MƆƐ N KO A 11:40

Yataa na‑a chɛ ma, koe min na mu, ko dɔ mende an ni a yii ma mmɔ gbɛɛ ko a, min benden mu an too ɔ dia chɛ ma. Yataa 'a yiima ni min na, an ni chɛ an na. Mbɛ an mbe ee che ma‑a, yɔ Yataa toen mu an ni ma buɛ min dɔ, mɔɔ ni mmɔ bɛ ma‑a an na.

GBOO IBU MƆƐ N KO A 12:22

Chɛɛ wo‑a min ma gbɛ, wo na‑a Sayɔn kɔnkɔɛ kɔɔ, wo na‑a duu wa chɛ ɔ Yataa tena, min mbe ee fa kuɔ fɔ ko a. Wo na‑a Chuusaɛn, min mbe banda bu ɔ, maeka wu sɛsɛ n mbe kaina min, buɔdia ɔ.

GBOO IBU MƆƐ N KO A 13:14

Chɛ ko a, duu ee ma‑a nɛ mmɔ boo ɔ, dunya chɛ ɔ, min mbe ma‑a kuɔ fɔ ko a. Mmɔ ya ɛ an duu chɛ an ya ɔ, min mbe na tena.

GBOO IBU MƆƐ N KO A 2:11

Koe min na mu, Chisɔsi ni ma, ni mɔɛ chɛ nu, a 'a gbasaya ɛ a ma, miin mbe ma tenchen Yataa ko a, an fa ɛ dɔndɔ gbe. Chɛ an fɛ mu, Chisɔsi ee mau an chee koe a, a suun ma nyɔɛ n na.

KO Ɔ NUNDENƐ 21:2

Mbɛ Chuusaɛn bɛɛ, Yataa 'a duu wa chɛ, n‑na a wɛɛ nama yen, ɛ yii‑a a ka Yataa tena banda bu ɔ. An duu wa chɛ, a ma bɛnden fan ni, a ma chiienɛ ɛ chɛndɛ chɛ, yɔ ni sɛnama ma bɛn‑da a chɛɛ ko a.