GBOO IBU MƆƐ N KO A 11:13 - Yataa 'a Dɔbɛnɛ Nama

¹³ Mmɔ bɔ kɔnkɔɛ chɛ n sin, an nii ma sɛmbɛ ni an kai fa koe a Yataa a, aan an fa‑a a nyɔn na. An sin nii ma fen chɛ n ma sɔn ni, Yataa na‑a an too ɔ dia miin na. Chɛɛ an na‑a to pɔɔ wan, an‑na an fen chɛ n yen, mbɛ an bu ɔ dia‑a. An gbu sin dɔn‑da wan a ma den, mbɛ sonda mu an na, dunya chɛ ɔ.

GBOO IBU MƆƐ N KO A 11:13 ပူးပေါင်းရင်းမြစ်များ

MATIU 13:17

N ni a ma din wo tena, mbɛ Yataa 'a gbonka chɛ mɔɛ sɛsɛ, a basan mɔɛ chɛ n na, miin tanden ni Yataa tena, an toen ni an ni koe chɛ n dɔ yen, wo‑a miin dɔ yen ka, chɛɛ an ma an dɔ yen ni. An toen ni to an ni an na min, wo‑a miin na min ka, chɛɛ an ma an na min ni.

CHƆN 12:41

Aisaya na‑a chɛ fɔ, koe min na mu, a na‑a a yen fan, Chisɔsi ni na tena ma‑a kamaya tɔɛ min na. A sin, chɛ an na‑a a ma, a na‑a a kɔɔ fɔ mɔɛ n ye.

CHƆN 8:56

Wo bɔ kɔnkɔɛ, Ebeami, a bu ɔ ni di wan, a ni tima min na tee chɛ ma kɔn‑da, n na koe a. A na‑a n yen fan, a sin, a bu ɔ dia‑a wan.”

GBOO DOMI KO A 4:21

A dandenɛ ni a a chɛndɛ chɛ, mbɛ Yataa‑a tooɔdia min chɛ a a, mbɛ ɛ a ma‑a wan.

GBOO DOMI KO A 8:24

Koe min na mu, a ka mmɔ 'a bauncha ma sɔn tima ma, yiinatɛ chɛ an mbe mmɔ ɔ. Chɛɛ mmɔ yii na tɛen mu fenɛ min ma, ni mmɔ‑a a yen gbɛ, mbɛ mmɔ yii ee che to ma‑a a kɔ. Koe min na mu, mɔ yii ee che ma‑a fenɛ kɔ, mmɔ ban‑da min yen‑da.

GBOO FEAN BƆƐ KƆYINDI KO A 4:18

Koe min na mu, nn yiima ee koe chɛ n fan ma, mɔ gbu ɛ miin yen a ya a. Chɛɛ ɛ fen chɛ n fan ma, mɔ gbu ee min yen a ya a. Mɔ gbu ɛ fenɛ min yen ka a ya a, ɛ ma dechee tima kundu an ko a. Chɛɛ mɔ gbu ee fenɛ min yen a ya a, ɛ ma wan kuɔ fɔ ko a.

GBOO FEAN BƆƐ KƆYINDI KO A 5:6

Chɛ an fɛ mu, tima ɔ tima ko a, faachima koo mmɔ ɔ. Mmɔ gbu‑a a ɔ sɔn fan, mbɛ ni mmɔ ɛ wɛ tun dunya ma gboo chɛ an dɔ, mbɛ mmɔ ee ma‑a Mansa Chisɔsi waa a.

Gboo Ɛfisɔsi Ko A 2:19

Chɛ an fɛ mu gbɛ, wo wan, wo wɛn ma ka Chu mɔ a, sonda ma to wo a, ben‑da dechee chia a, Yataa waa a. Chɛɛ wo e wan gbɛ yɔ mɔɛ nu, nn bɛ suun‑da miin na chɛnyɛ dɔndɔ gbe ɔ, Yataa 'a mɔɛ nu.

GBOO IBU MƆƐ N KO A 11:14

Mɔɛ miin sin mbe bai bonda chɛ n fɔ, an mbe ma ka a fɔ an na gboden, mbɛ an mbe an ya a kan tena an ta chɛnyɛ an na.

GBOO IBU MƆƐ N KO A 11:17

Ebeami na‑a a kai fa wan Yataa a. An na‑a a ma, Yataa na‑a a yiima yan kɛn, a dɔn‑da a 'a den dɔndɔ gbe bɔ koe a yasi a. Yataa sin na‑a a too ɔ dia wan, a ɔ, “I 'a denɛ Aisaki cheeya nu dechee, an fan mbe ya‑a i cheeya chɛndɛ chɛndɛ n na.” Chɛɛ chɛ gbɛɛ ɔ, Ebeami ma bɛnden fan ni a 'a den dɔndɔ gbe be koe a yasi a Yataa ma.

GBOO IBU MƆƐ N KO A 11:27

Mosisi na‑a a kai fa wan Yataa a, mbɛ a bɔ‑a Ichipi chɛnyɛ ɔ. A sin, chian bɛɛ nii a ɔ, a si mansa wa chɛ faa tɛ koe ma. A na‑a ma wan dechee, yɔ Yataa ni wan a ya kɔɔ, mɔ ɔ mɔ ee min yen. A sin na‑a a ma wan, a na‑a a faa bia.

GBOO IBU MƆƐ N KO A 11:39

Tando ni koo, an gbɛɛ na‑a min ma sɔn, an 'na kaifa ko a Yataa a. Chɛɛ chɛ gbɛɛ ɔ, Yataa na‑a an too ɔ dia min na, an nii ma a ma sɔn ni.

1 PITA 1:1

N fan Pita, Chisɔsi 'a sɔ mɔɛ, n fan mbe ka gboo chɛ nyɛn‑da. N mbe a nyɛn tena wo wan tena, wo wan Yataa 'a mɔɛ chɛ nu, a na‑a a boo sɔ ka wo wɛn ma. Wo a fasandenɛ mu ben‑da, wo e sondaya ɔ chɛnyɛ sɛsɛ ɔ. Wo e pande Pɔndɔsi chɛnyɛ ɔ, wo dɔ n mbe Kadesia, a yɛ to, wo dɔ n mbe Kapadosia, wo dɔ n sin mbe Esia, a basan Bitinia chɛnyɛ ɔ a.

1 PITA 1:17

Ni wo ma‑a samun‑da a tena, wo e a chee wo Fa an na. A sin mbe ma kaa a tɛ‑a, a ee a boo don mɔɛ n tɛ ɔ. Ɛ kaa a tɛ mɔ ɔ mɔ chɛ chɛ wai n fan ma. Chɛ an‑na a fɔ, sonda mu ka buɛ min dɔ wo 'a fɔɛ chɛ ɔ nɛ dunya ma, wo chian Yataa ma, aan a che tee dankama tee ma.

1 PITA 2:11

N dia nyɔɛ nu, sonda mu wo a nɛ dunya chɛ ɔ, mɔ gbama gbama nu. Chɛ an fɛ mu, n mbe wo disa tena, wo ma bea wo gboo faa ma koe n fan fɛ. Tima ɔ tima ko a, an koe chɛ n mbe butuin chɛ an na, wo fo koe a Yataa 'a bauncha a.

1 CHƆN 3:19

Ni mmɔ‑a a ma ka, an mbe a ɔ yian‑da, mbɛ tea ɛ wan mmɔ ɔ. An mbe a ma‑a, mmɔ faa ee gbaa, mmɔ ɛ ma‑a Yataa chen kɔɔ,