GBOO IBU MƆƐ N KO A 11:10 - Yataa 'a Dɔbɛnɛ Nama

¹⁰ Koe min na mu, Ebeami ni wan tima ma kɔn tena, duu wa chɛ ma sɔn koe a, Yataa na‑a a too ɔ dia min na. Duu wa chɛ, Yataa wandi na‑a min siman, a‑a a sɔ gban, a ee yɔn kuɔ fɔ ko a.

GBOO IBU MƆƐ N KO A 11:10 ပူးပေါင်းရင်းမြစ်များ

CHƆN 14:2

Fa Yataa waa banda bu ɔ, sa tena kɔkoo nɔ kaka. N mbe chɛ fɔ tena wo ye, koe min na mu tea mu. A sin, n mbe ta tena wan kaina ɔ bɛn‑da wo ko a.

GBOO FEAN BƆƐ KƆYINDI KO A 5:1

Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.

Gboo Fiipai Ko A 3:20

Chɛɛ mmɔ tana, mmɔ waa chɛndɛ chɛndɛ mu banda bu ɔ an na. A sin, mmɔ kun ka mɔɛ chɛ, Mansa Chisɔsi Chasi, mmɔ ɛ min ma kɔn tena, ɛ ka tena nɔ wan.

GBOO IBU MƆƐ N KO A 11:16

Chɛɛ an ni min ma gbɛ, an ni an yii na chii gbɛ chɛnyɛ an na, min nyin a ben a ma, banda bu ɔ. Chɛ ko a, mauma ko nii ma Yataa tena, ni an‑na a chee an 'na Yataa a. Koe min na mu, a na‑a duu wa ɔ bɛn fan an ko a.

GBOO IBU MƆƐ N KO A 12:22

Chɛɛ wo‑a min ma gbɛ, wo na‑a Sayɔn kɔnkɔɛ kɔɔ, wo na‑a duu wa chɛ ɔ Yataa tena, min mbe ee fa kuɔ fɔ ko a. Wo na‑a Chuusaɛn, min mbe banda bu ɔ, maeka wu sɛsɛ n mbe kaina min, buɔdia ɔ.

GBOO IBU MƆƐ N KO A 12:28

Chɛ an fɛ mu, mmɔ Yataa wai bɔ. Koe min na mu, a‑a gbasaya be mmɔ ma, ma koe a mansaya ɔ a waa a, a sin mbe ee che yɔn‑da. Mmɔ a wai bɔ, mmɔ ni a fai chiandia ɔ, min mbe ma faachima a a tena.

GBOO IBU MƆƐ N KO A 13:14

Chɛ ko a, duu ee ma‑a nɛ mmɔ boo ɔ, dunya chɛ ɔ, min mbe ma‑a kuɔ fɔ ko a. Mmɔ ya ɛ an duu chɛ an ya ɔ, min mbe na tena.

GBOO IBU MƆƐ N KO A 3:4

Koe min na mu, chenɛ kan kɔ kan, mɔɛ an mbe a sɔ. Chɛɛ fen kɔ fen dunya ma, a nyan mɔɛ mu Yataa an na.

KO Ɔ NUNDENƐ 21:2

Mbɛ Chuusaɛn bɛɛ, Yataa 'a duu wa chɛ, n‑na a wɛɛ nama yen, ɛ yii‑a a ka Yataa tena banda bu ɔ. An duu wa chɛ, a ma bɛnden fan ni, a ma chiienɛ ɛ chɛndɛ chɛ, yɔ ni sɛnama ma bɛn‑da a chɛɛ ko a.