GBOO IBU MƆƐ N KO A 10:5 - Yataa 'a Dɔbɛnɛ Nama

⁵ Chɛ an fɛ ni, Chasi na‑a tima min na dunya chɛ ɔ, a na‑a a fɔ wan, a ɔ, “Yasi n bɛ mɔɛ n boo fenɛ n na, i wan Yataa ma to ni an fan na. Chɛɛ mɔ gbu gboo, i‑a a be n ma.

GBOO IBU MƆƐ N KO A 10:5 ပူးပေါင်းရင်းမြစ်များ

MATIU 11:3

Mbɛ an ta‑a, an‑na Chisɔsi tan, an‑na a ɔ tisa, an dɔ, “Fa, kai Chɔn na‑a Chasi na koe fɔ wan, a toen mu a ni a ɔ sɔn ni i wan mu Chasi gbu a, nn kun ka mansa. Kɔ nn ni ta, nn ni a fɔ a ye, mbɛ nn ni chia a fɛn an mɔɛ chɛ ya ɔ?”

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

DUKU 7:19

mbɛ a‑a an sɔ Mansa Chisɔsi tena, a ɔ tisa koe a, ni a wan mu mɔɛ chɛ a, a wan Chɔn ni gbonka chɛ tena min na koe a. A ɔ, kɔ an ni chia a fɛn mɔ dɔ mende ya ɔ.

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

Gboo Kadesia Ko A 4:4

Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 1:6

A yɛ to, Yataa e na to a 'a denɛ saa chɛ a na‑a dunya ɔ, a na‑a a fɔ wan a 'a gboo ɔ, a ɔ, “N fan Yataa, n 'na maeka n gbɛɛ, an ni basɔmaya be n 'na den chɛ ma.”

GBOO IBU MƆƐ N KO A 10:10

Chisɔsi ni Yataa faa ma koe an ma. A sin, a chia chɛ a mu, mmɔ ma‑a tenchen Yataa ko a. Chisɔsi na‑a a wandi gboo min be yasi a, gba dɔndɔ gbe, a ma ma ni to fea, an na‑a a ma chɛ ma‑a.

GBOO IBU MƆƐ N KO A 10:7

Mbɛ n dɔ, ‘N yen ko nɛ, Mansa Yataa, i faa ma koe ma koe a, yɔ a nyɛnden mu buɛ min dɔ, i 'a gboo chɛ ɔ, a si n ma.’ ”

GBOO IBU MƆƐ N KO A 10:8

A saa a, Chasi‑a a fɔ wan, a ɔ, “Yasi n bɛ mɔɛ n boo fenɛ n na, i wan Yataa ma to ni an fan na. Soe miin mbe minda ka i tena, a basan yasi tɔɛ n na, mɔɛ mbe miin bɔ an 'na ko yama n ko a, an ma fen na, miin mbe i bu ɔ dia.” A‑a chɛ fɔ wɛɛ, chɛɛ chɛ gbɛɛ ɔ, an mbe chɛ n bɔ sawa ta fɛ chia an na.

GBOO IBU MƆƐ N KO A 2:14

Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.

GBOO IBU MƆƐ N KO A 5:7

Tima min na Chisɔsi ni fɔɛ ɔ dunya chɛ ɔ, a ni samunɛ chɛ wan, a yɛ to, a ni Yataa ɔ tisa wan basan koe a a ma. A ni chɛ ma a kuiɛ ma sɛenɛ an na, a ya yii ɛ ta‑a bɔ‑a Yataa tena, min mbe che dechee a kun bɔ koe a saya ɔ. A sin ni baa be ka buɛ min dɔ Yataa ma, a wɛɛ, a ni a di kuiɛ a min fan.

GBOO IBU MƆƐ N KO A 8:3

Koe min na mu, mɔ ɔ mɔ kan kɔ kan, min mu tɛ mɔ wa a, mɔ gbu n tɛ Yataa a, a yianden mu yasi bɔ koe an na, a basan boo fen be koe a Yataa ma. Chɛ an fɛ mu, a nyin an tɛ mɔ wa chɛ wɛɛ ko a, fenɛ ni ma a boo ɔ, a be koe a Yataa ma.

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

2 CHƆN 1:7

Fania fɔ mɔɛ sɛsɛ n mbe ben tena dunya ɔ. Mɔɛ nu, miin mbe ee dɔn a ma, mbɛ Chisɔsi Chasi na‑a wan dunya chɛ ɔ, mɔgbuya ɔ. An mɔ bonda chɛ nu, mɔ bun mɔɛ mu an na, Chasi chɛɛ ma nyɔɛ nu.