GBOO IBU MƆƐ N KO A 10:22 - Yataa 'a Dɔbɛnɛ Nama

²² Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.

GBOO IBU MƆƐ N KO A 10:22 ပူးပေါင်းရင်းမြစ်များ

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

DUKU 1:1

Koe miin ma‑a suun, mɔ sɛsɛ n ya‑a a ɔ yen fan, a ka a kuu sɔ tena. An mɔɛ chɛ n dɔ n sin, an‑na an koe n na ben fan nn tena. Koe min na mu, Yataa 'a sakana a ben mɔɛ ni an na. Mɔɛ dɔ nu, miin‑na koe chɛ n na min, an si‑a wan, an‑na a nyɛn gboo ɔ.

CHƆN 3:5

Mbɛ Chisɔsi ɔ, “N ni a ma din to i tena, mbɛ mɔ ɔ mɔ ee che don‑da Yataa 'a mansaya kɔɔ, mɔɔ ni a suun‑da to yii a, an fea Yataa Nyina a.

CHƆN 8:9

A tima chɛ a gbɛ, mɔɛ chɛ miin gbɛɛ na‑a a da a bai chɛ a min, an bun‑da an fandi kanka‑a dɔndɔ dɔndɔɛ a. Chenanɛ n pɛn tuin‑da, mbɛ a tɔɛ n‑na a sɔ an fɛ. Chisɔsi ma gbaaenɛ to‑a nɔ, an fea an musu chɛ a sɔ ɔ tun.

CHISƆSI 'A SƆ MƆƐ NU 22:16

A sin, e gbɛ fen ma kɔnun tena? I kɔɔ sɔ, i ni Mansa Chisɔsi chee basan koe a i ma, mbɛ yii chɛ‑a i kunɛ ɔ, Yataa chia a, i ni ko fion, a bɔ i 'a ko yama n dɔ.’

CHISƆSI 'A SƆ MƆƐ NU 8:21

E ee kun mmɔ bɛ ni wai chɛ chɛ, koe min na mu, i faa ɔ ma gbɛ ni Yataa chen kɔɔ.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

Gboo Ɛfisɔsi Ko A 3:12

Mmɔ kai faen fan mu a a, an fɛ mu, mmɔ dɔndɔɛ mu mmɔ a, mmɔ bɛ a a. Chia a kaen fan mu mmɔ ya ɔ Yataa tena, mmɔ sin mbe sɔ wan a chen kɔɔ, chian mbe ee ma mmɔ ya a.

Gboo Ɛfisɔsi Ko A 5:26

A‑a chɛ ma, min mbe a ma, a ni a ma, mɔɛ miin mbe chɔchi ɔ, an ni ma tenchen Yataa ko a. A ni an ko fion, yii a, mbɛ a‑a a da a bai sa an yii kun ma.

Gboo Ɛfisɔsi Ko A 6:5

Wo wan yɔnɛ nu, wo kooya be wo ti n ma. Wo chian an ma, a sin, masamba ni ma wo ɔ an ko a. Wo kooya be an ma wo faa gbɛɛ a, yɔ wo e a be buɛ min dɔ Chisɔsi Chasi ma.

1 TIMOTI 4:2

Kan yama bonda chɛ nu, ɛ ka fania yama kan chɛ mɔɛ n fan na. Gbasaya min mbe a ma, an ni ko chɛndɛ ya bɔ ko yama a, a ee to an dɔ. A maen mu yɔ an yiima faen fan mu an dɔ.

TAITƆSI 3:5

A‑a mmɔ baun. Chɛ ma bɔ ni mmɔ sɔn chɛndɛ an dɔ, mmɔ 'a teaya ɔ ma. Chɛɛ a 'a chinchimaya ko a, a‑a mmɔ 'a ko yama n ko, a‑a fɔɛ nama be mmɔ ma, a Nyina 'a gbasaya ɔ.

GBOO IBU MƆƐ N KO A 10:1

Sawa chɛ nu, miin be‑a Mosisi ma, an mbe bai sa tena wan, a si fen chɛndɛ n ma, miin mbe banda bu ɔ. Chɛɛ an sawa chɛ n mbe wan dechee, yɔ banda bu ɔ fen chɛ n nininɛ gbama nu. An mbe ee koe chɛ n dɔ yian, tea chia a, ɛnden bɛɛ a. An mbe yasi dɔndɔ gbe an bɔ, san kɔ san na. Chɛ sin mbe ee a ma, mɔɛ miin mbe bea sawa chɛ n fɛ, an ni ma yɔ Yataa toen mu an ni ma buɛ min dɔ.

GBOO IBU MƆƐ N KO A 10:19

Chɛ an fɛ mu, n suun ma nyɔɛ nu Chasi ɔ, mmɔ yii sɔen fan mu gbɛ gbae, Chisɔsi wii 'a gbasaya ɔ, don koe a kaina min mbe tenchen Yataa ko a.

GBOO IBU MƆƐ N KO A 11:28

A kai faen fan ni Yataa a, min na‑a a ma, a‑a a ma, Isɔɛɛ mɔɛ n‑na a kuu sɔ kun bɔ a ɔ bɛnɛ bia‑a. A na‑a a fɔ wan Isɔɛɛ mɔɛ n ye, a ɔ, an mbe sa tɔngbɔɛ min fa‑a, an ni a wii sin sin an 'na kankanɛ n ma. Chɛ an mbe a ma‑a, maeka min ni na‑a an 'na den kaima saa saa n fa koe a, a ni tin Isɔɛɛ mɔɛ n 'na denɛ n kun ma.

GBOO IBU MƆƐ N KO A 12:24

Wo na‑a Chisɔsi tena, min ni wo tɛ wo bɛ Yataa a, dɔbɛn nama chɛ chɛ koe a. Wo na‑a a wii tena, min bɔn‑da, wo too ɔ dia koe a fen chɛndɛ a, a ben Ebɛɛ wii ta ma.

GBOO IBU MƆƐ N KO A 4:16

Chɛ ko a gbɛ, mmɔ ma sika, mmɔ ma na koe a Yataa 'a mansaya sea tena, koadia demanɛ ma ɛ sɔn kaina min. Chɛ an mbe a ma‑a, a ni chinchin mmɔ ma, mbɛ mmɔ‑a a 'a koadia demanɛ ma sɔn, tima min na mmɔ toenɛ ɛ ma‑a demanɛ a.

GBOO IBU MƆƐ N KO A 6:11

Nn toen mu wo gbɛɛ, wo ni butuin dɔndɔ gbe chɛ chɛ wo faa gbɛɛ a, aan wo 'a fɔɛ danka a. Chɛ an mbe a ma, wo yii na tɛen mu koe miin ma, wo ni an ma sɔn.

GBOO IBU MƆƐ N KO A 7:19

Koe min na mu, chia dɔndɔɛ wɛɛ a, sawa gbu nii ma a ma ni, ko kan kɔ kan ni sɔ a chia ma chɛndɛ chɛ. Yiinatɛ chɛndɛ yian‑da wan mmɔ a, min mbe mmɔ ma sawan Yataa tena.

GBOO IBU MƆƐ N KO A 9:10

Koe min na mu, chia kɔma chɛ sien ni daun fenɛ n fan bakoe ma. A yɛ to, mɔɛ ma ɛ ko buɛ min dɔ, Chu n 'na sawa ta fɛ chia a. Chɛ n gbɛɛ, sawa gbama n fan nɛ. An ni nɔ dechee aan tima chɛ an ko a, Yataa na‑a a ta dɔbɛn nama chɛ tima min na.

GBOO IBU MƆƐ N KO A 9:19

Koe min na mu, Mosisi ban‑da kɛn Yataa 'a sawa chɛ n gbɛɛ ɔ yian‑da mɔɛ n gbɛɛ a, a na‑a chɛ an ma. A na‑a ninchi tɔngbɔɛ wii ya wan, a basan ba wii a, ni yii wɛɛ. A na‑a sa ti mende mende wan kɔnɛ bonɛ ma, mbɛ a‑a a don an wii chɛ ɔ, a‑a a fasi fasi sawa gboo chɛ ma, a basan mɔɛ n gbɛɛ a.

CHIMISI 1:6

Chɛɛ ni wo ma‑a a ɔ tisa‑a, sika ma ma wo ɔ, wo ni wo kai fa a a gban. Ni sika ma‑a mɔɛ min dɔ, a mɔɛ chɛ ɛ wan yɔ yii wa, fia ɛ min dɔ ma ma tangban tangban.

CHIMISI 4:8

Wo gbɛn Yataa ma, mbɛ a wɛɛ, ɛ gbɛn‑da wan wo ma. Wo wo boo a ko, wo wan ko yama ma mɔɛ nu. Wo faa ɔ ni gbɛ, wo wan nɛnɛn fea ti nu.

1 PITA 1:2

Mmɔ fa Yataa na‑a wo sɔn pɛn chɛndɛ chɛ, mbɛ a‑a a boo sɔ wo ma suun gbɔɔ. A sin, Yataa Nyina wɛɛ‑a a ma wan, wo ma‑a tenchen Yataa ko a. Chɛ sin mbe a ma tena wan, wo e kooya be tena Chisɔsi Chasi ma. A wii min sin bɔ‑a a fa tima a, a‑a wo ko fo. Yataa ni wo dua, a ni faachima ma munda wo ɔ.

1 PITA 3:21

Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.