GBOO IBU MƆƐ N KO A 10:20 - Yataa 'a Dɔbɛnɛ Nama

²⁰ Chisɔsi‑a a gboo be yasi a, min mbe a ma, a ni chia nama a ka mmɔ ko a, a ta Yataa tena. Mmɔ ɛ kun fan gbɛ, mmɔ ni ben tɛndi chɛ ɔ, a ta Yataa tena. Chisɔsi Chasi, an mu an chia chɛ a, min mbe fɔɛ ɔ.

GBOO IBU MƆƐ N KO A 10:20 ပူးပေါင်းရင်းမြစ်များ

MATIU 27:51

Tɛndi ni wan dɛn dɔ Yataa 'a chen chɛ bu ɔ. Mbɛ a yen ko, chɛ ma‑a kɛn, mbɛ tɛndi chɛ tɛka‑a fea a, a ka a kandɔɛ, aan a yii denka ɔ. Mbɛ duu gboo wɛɛ samba‑a, mbɛ faa gbanɛ n tɛka tɛka‑a.

MAKI 15:38

Mbɛ tɛndi, min ni dɛn dɔ Yataa 'a chen chɛ bu ɔ, a tɛka‑a fea a, a ka a kandɔɛ, aan a yii a denka ɔ.

DUKU 23:45

Koe min na mu, tee sɛmbɛ‑a wan man koe a. Mbɛ tɛndi min bɛɛ ni ka dɛn dɔ Yataa 'a chenɛ bu ɔ, a tɛ ka‑a fea a.

CHƆN 10:7

Chɛ‑a a ma wan, mbɛ Chisɔsi ɔ, “Ka n mbe chɛ ma din wo tena. N mbe wan dechee yɔ sa kuii chɛ da, sa chɛ n mbe don min na, an mbe bɔ.

CHƆN 10:9

N fan mu sa kuii chɛ da a. Ni mɔ ɔ mɔ ben‑da n tena chia a, a ni don, a mɔɛ chɛ ɛ kun ka ma sɔn‑da wan. Ɛ don‑da wan, a ni bɔ, a faa ma a. A sin mbe a daun fenɛ ma sɔn‑da wan.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

Gboo Ɛfisɔsi Ko A 2:15

a‑a Chu sawa n ka wan an gba n dɔ, ni koe chɛ nu, sawa chɛ ni miin din mɔɛ n ma, an ma koe a. A toen ni, a ni Chu mɔɛ n na gbuu, an bɛ mɔɛ n na, miin ma Chu mɔ a, an ni ma mɔ nama dɔndɔɛ a, a wan Chasi ɔ. Chia chɛ a mu, a na‑a kuiɛ dɔndɔya a an tɛ ɔ.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 6:19

Mmɔ yii sɔen mu an ma, tima ɔ tima, mbɛ an mbe mmɔ fɔɛ si. A ɛ wan yɔ dɛndɛ chii yuu, ɛ a ma buɛ min dɔ ɛ sɔ chidi, a gba ɔ. Yiinatɛ chɛ, an mbe ma mmɔ ɔ, mmɔ ɛ ma don‑da Yataa 'a chenɛ bu ɔ, banda bu ɔ, Yataa chen kɔɔ.

GBOO IBU MƆƐ N KO A 9:3

Dumu fean bɔɛ ni wan nɔ, tɛndi chɛ bu ɔ, an ni min chee, an dɔ, kaina min mbe tenchen Yataa ko a, a bɛbɛɛ wandi a. Don koe a an dumu chɛ ɔ, koa an ni dɛn dɔ chia a, min‑na dumu fea chɛ n tɛ du.

GBOO IBU MƆƐ N KO A 9:8

Chɛ ko a, Yataa Nyina na‑a a ɔ yian fan ka, mbɛ chia chɛ, mɔɛ n don koe a Yataa ɛ kaina, a da a nii ma ka ni. A sin mbe ma‑a ka wan, tima min na wɛ tɛndi chɛ ɛ sɔ ɔ.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 CHƆN 4:2

Wo e kun‑da ka wan wo ni a ɔ sɔn, ni Yataa Nyina an mbe an fɛ. Mɔ ɔ mɔ min mbe a fɔ‑a fanka ɔ den, mbɛ Chisɔsi Chasi na‑a wan dunya chɛ ɔ mɔgbuya ɔ, Yataa Nyina an mbe a fɛ.

2 CHƆN 1:7

Fania fɔ mɔɛ sɛsɛ n mbe ben tena dunya ɔ. Mɔɛ nu, miin mbe ee dɔn a ma, mbɛ Chisɔsi Chasi na‑a wan dunya chɛ ɔ, mɔgbuya ɔ. An mɔ bonda chɛ nu, mɔ bun mɔɛ mu an na, Chasi chɛɛ ma nyɔɛ nu.