GBOO IBU MƆƐ N KO A 1:9 - Yataa 'a Dɔbɛnɛ Nama

⁹ I toen mu tea an na, i ma to ni sawa yɔnɛ a. Chɛ an fɛ mu, n fan Yataa, i 'a Yataa, n‑na n boo sɔ i ma, ma koe a basɔmaya ɔ, min mu buɔdia a i tena, a ben i bɔɛ n ma.”

GBOO IBU MƆƐ N KO A 1:9 ပူးပေါင်းရင်းမြစ်များ

DUKU 4:18

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena.

CHƆN 1:41

Anduu‑a koe min pɛn pɛn ma, a‑a a kɔɔɛ Saimɔn yan fan. Mbɛ a‑a a fɔ a ye, a ɔ, “Nn‑na mɔɛ chɛ yen, min mu kunka mansa a.” (Kiisi mɔɛ n dɔ, Chasi).

CHƆN 10:17

“Fa Yataa toen fan mu n na, koe min na mu, n ma bɛnden fan mu, n ni n fɔɛ be, min mbe a ma, n ni danka to ma‑a fɔɛ ɔ.

CHƆN 20:17

Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”

CHƆN 3:34

Mɔɛ chɛ, Yataa‑a min na na, an mbe a 'a bai sa. Koe min na mu, Yataa‑a a Nyina min na yii, a ni ma a fɛ, a da faen gban.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 4:26

Mbɛ dunya ɔ mansa n‑na an fandi ma bɛn, mbɛ kun ti n na kan‑da kaina dɔndɔ, butuin chɛ koe a Mansa Yataa a, an fea kunka mansa a, a‑a a boo sɔ min ma.’

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.

GBOO DOMI KO A 12:9

Ni i bɔɛ ko a dia‑a i ye, a ko a ni dia i ye i faa gbɛɛ a. Wo ma to ko yama a, chɛɛ wo ko chɛndɛ ma an bia wo boo fea a.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO SAA KƆYINDI KO A 1:9

Yataa ee a da a kuiɛ yɔn. A wan‑na wo chee, ma koe a dia nyɔncha wa chɛ ɔ, wo bɛ a 'a denɛ a, Chisɔsi Chasi, mmɔ 'a mansa.

GBOO FEAN BƆƐ KƆYINDI KO A 11:31

Tando ni be Yataa ma kuɔ fɔ ko a. A wan mu Mansa Chisɔsi Chasi fa a, ni a 'a Yataa. A‑a a ɔ sɔn fan, mbɛ n mbe ka tea an fɔ tena.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Ɛfisɔsi Ko A 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. A wan Yataa, a‑a mmɔ dua wan dua chɛ n gbɛɛ a, miin mbe banda bu ɔ. A‑a chɛ ma, koe min na mu, mmɔ ma‑a mɔ dɔndɔɛ a, mmɔ bɛ Chasi a.

Gboo Fiipai Ko A 2:9

Chɛ an‑na a ma, Yataa‑a a ya, mbɛ a sɛ‑a basɔmaya dankama ɔ. Mbɛ a yɛ‑a, a‑a tɔɛ be a ma, min benden mu tɔ kan kɔ kan ma.

GBOO IBU MƆƐ N KO A 2:11

Koe min na mu, Chisɔsi ni ma, ni mɔɛ chɛ nu, a 'a gbasaya ɛ a ma, miin mbe ma tenchen Yataa ko a, an fa ɛ dɔndɔ gbe. Chɛ an fɛ mu, Chisɔsi ee mau an chee koe a, a suun ma nyɔɛ n na.

GBOO IBU MƆƐ N KO A 2:9

Chɛɛ mmɔ‑a a ɔ sɔn fan Chisɔsi ɛ gbɛ buɛ min dɔ. Tima ɛnden ko a, Yataa na‑a a don fan maeka n 'na gbasaya kɔɔ. A na‑a a ma wan mansa a, tando ɛ min ma, a basan basɔmaya a. Chɛ ma‑a, a mu min na, a na‑a tɔɔ wan saya ɔ. Chɛ ko a, Yataa 'a koadia demanɛ ni a ma, a ni saya ɔ yen mɔɛ gbɛɛ ko a.

GBOO IBU MƆƐ N KO A 7:26

Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

KO Ɔ NUNDENƐ 2:15

Wo wɛɛ, wo e ka wan. Mɔɛ dɔ n mbe wan wo tɛ ɔ, miin mbe bea tena kan chɛ n fɛ, Nikodasi fɛ mɔɛ n mbe kanɛ miin chɛ tena.