GBOO IBU MƆƐ N KO A 1:6 - Yataa 'a Dɔbɛnɛ Nama

⁶ A yɛ to, Yataa e na to a 'a denɛ saa chɛ a na‑a dunya ɔ, a na‑a a fɔ wan a 'a gboo ɔ, a ɔ, “N fan Yataa, n 'na maeka n gbɛɛ, an ni basɔmaya be n 'na den chɛ ma.”

GBOO IBU MƆƐ N KO A 1:6 ပူးပေါင်းရင်းမြစ်များ

MATIU 24:14

Mbɛ a sin, sakana bai chɛndɛ chɛ, a si Yataa 'a mansaya ma, mɔɛ n mbe a ɔ yian‑da wan mɔɛ gbɛɛ a dunya gbɛɛ ɔ. Chɛ ɛ a ma‑a wan, mɔɛ n ni sakana bai chɛndɛ chɛ a min chɛnyɛ koɛ kan kɔ kan dɔ. A sin, a tima a mu dechee, dunya ɛ danka‑a.”

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

GBOO DOMI KO A 8:29

An mɔɛ chɛ nu, Yataa na‑a an sɔn pɛn chɛndɛ chɛ, mbɛ a‑a a boo sɔ an ma. An mbe ma‑a wan gbɛ yɔ a 'a denɛ Chisɔsi. A 'a den chɛ ɛ ma‑a gbɛ denɛ saa an na, den sɛsɛ wa chɛ n ya ɔ.

Gboo Kɔdɔsai Ko A 1:15

Mmɔ ee Yataa min yen, a bɔ nyɔɛ chɛndɛ chɛndɛ, mɔ gbu na‑a min yen, a mu Chisɔsi Chasi an na. Yataa 'a denɛ mu an na, a sin, gbasaya ɛ wan a boo ɔ fen kɔ fen kun ma, min na dan‑da dunya chɛ ɔ.

Gboo Kɔdɔsai Ko A 1:18

Chisɔsi Chasi an mu chɔchi kun ti a. Chɔchi mu a gboo an na. A wan mbe fɔɛ be a 'a mɔɛ n ma. Koe min na mu, Yataa‑a a pɛn kɔɔ sɔ, a ka saya ɔ, min mbe a ma, a ni ma gbasaya tɔɛ a fen kɔ fen kun ma.

GBOO IBU MƆƐ N KO A 1:5

Koe min na mu, Yataa na‑a min fɔ a 'a denɛ ye, a nii ma a nyɔn fɔ ni maeka kan kɔ kan ye. A‑a a fɔ wan a 'a gboo ɔ, a ɔ, “N 'na denɛ mu i a. N ma‑a i fa a bi.” Chɛɛ a nii ma a fɔ ni a 'a gboo ɔ, maeka kan kɔ kan ma, a ɔ, “N mbe ma‑a wan i fa a, mbɛ i wɛɛ ma‑a n 'na denɛ a.”

GBOO IBU MƆƐ N KO A 10:5

Chɛ an fɛ ni, Chasi na‑a tima min na dunya chɛ ɔ, a na‑a a fɔ wan, a ɔ, “Yasi n bɛ mɔɛ n boo fenɛ n na, i wan Yataa ma to ni an fan na. Chɛɛ mɔ gbu gboo, i‑a a be n ma.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.

1 CHƆN 4:9

Yataa 'a koadia, a na‑a a ɔ yian ka wan mmɔ a. A na‑a a 'a den dɔndɔ gbe a na wan dunya chɛ ɔ, min mbe a ma, mmɔ ni kuɔ fɔ fɔɛ ma sɔn.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.