GBOO IBU MƆƐ N KO A 1:4 - Yataa 'a Dɔbɛnɛ Nama

⁴ Yataa 'a denɛ benden mu maeka n ma, yɔ a tɔɛ gbu wɛɛ, Yataa‑a min si a kun ma, a benden mu buɛ min dɔ maeka n ta ma kaka.

GBOO IBU MƆƐ N KO A 1:4 ပူးပေါင်းရင်းမြစ်များ

Gboo Ɛfisɔsi Ko A 1:21

Chasi chɛ, a 'a mansaya, a 'a gbasaya, a danka ee. A benden mu fen kɔ fen ma, dunya chɛ ɔ, a basan dunya a, min bɛɛ ɛ na tena. A benden mu nyina yama n 'na mansa n gbɛɛ ma.

Gboo Kɔdɔsai Ko A 1:18

Chisɔsi Chasi an mu chɔchi kun ti a. Chɔchi mu a gboo an na. A wan mbe fɔɛ be a 'a mɔɛ n ma. Koe min na mu, Yataa‑a a pɛn kɔɔ sɔ, a ka saya ɔ, min mbe a ma, a ni ma gbasaya tɔɛ a fen kɔ fen kun ma.

Gboo Kɔdɔsai Ko A 2:10

A wan mu mansa a, mansa kan kɔ kan ko a, maeka kan kɔ kan ko a, ni nyina kan kɔ kan ko a. A sin, wo wɛɛ, wo fɔɛ da fa‑a gban, koe min na mu, wo ma‑a gbɛ mɔ dɔndɔɛ a, wo bɛ Chasi a.

GBOO FEAN BƆƐ TƐSADONIKA KO A 1:7

Mbɛ wo wɛn sin na‑a an ko yawaen chɛ ɔ bia, Yataa ɛ bauncha be‑a wan wo ma. Ɛ a be‑a wan n bɛɛ ma, a basan nn bɔɛ n bɛɛ a. Ɛ chɛ ma‑a wan, tima min na Yataa ɛ Mansa Chisɔsi yian‑da, a ka banda bu ɔ, an bɛ a 'a maeka wa n na.

GBOO IBU MƆƐ N KO A 1:9

I toen mu tea an na, i ma to ni sawa yɔnɛ a. Chɛ an fɛ mu, n fan Yataa, i 'a Yataa, n‑na n boo sɔ i ma, ma koe a basɔmaya ɔ, min mu buɔdia a i tena, a ben i bɔɛ n ma.”

GBOO IBU MƆƐ N KO A 12:17

Wo‑a a ɔ sɔn fan, mbɛ chɛ gbakɔ, a toen ni a fa ni a dua, chɛɛ chɛ nii bɛn to. Koe min na mu, a na‑a chia yan fan boo ɔ boo, dua chɛ ma sɔn koe a, chɛɛ a nii ma a ma sɔn ni. A na‑a di chɛ wɛɛ, chɛɛ a nii ma che ni, ko ɔ ko ka‑a a gba ɔ.

GBOO IBU MƆƐ N KO A 2:9

Chɛɛ mmɔ‑a a ɔ sɔn fan Chisɔsi ɛ gbɛ buɛ min dɔ. Tima ɛnden ko a, Yataa na‑a a don fan maeka n 'na gbasaya kɔɔ. A na‑a a ma wan mansa a, tando ɛ min ma, a basan basɔmaya a. Chɛ ma‑a, a mu min na, a na‑a tɔɔ wan saya ɔ. Chɛ ko a, Yataa 'a koadia demanɛ ni a ma, a ni saya ɔ yen mɔɛ gbɛɛ ko a.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.