GBOO IBU MƆƐ N KO A 1:2 - Yataa 'a Dɔbɛnɛ Nama

² Chɛɛ mmɔ ɛ ka tee dankama nɛnɛ chɛ miin kɔɔ, dunya e na to ban‑da, a koɔ‑a gbɛ mmɔ tena a 'a denɛ an dɔ. A‑a an yian, ma koe a fen kɔ fen kun ma dunya ɔ. A sin gbu ni dunya gbɛɛ a dan tena tima min na, a na‑a a ma a 'a den chɛ an na gbasaya ɔ.

GBOO IBU MƆƐ N KO A 1:2 ပူးပေါင်းရင်းမြစ်များ

MATIU 13:39

A sin fan mu n ko don ma nyɔɛ chɛ a, min‑na bin chɛ fasi chin fen chɛ ya a. Chin fen tɛ tima chɛ sin mu dunya danka an na, mbɛ a sin, chin fen tɛ mɔɛ chɛ n mu maeka n fan na.

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 21:38

Chɛɛ yadi kun ma fɛn mɔɛ chɛ n‑na a wɛɛ yen kɛn, an‑na a fɔ wan an nyɔn tɛ ɔ, an dɔ, ‘Yadi ti chɛ 'a denɛ wandi gbu an nɛ. Mmɔ a fa, min mbe a ma, boo fen chɛ gbɛɛ ni ma mmɔ ta a.’

MATIU 26:63

Chɛɛ Chisɔsi ma bai ɔ bai fɔ ni, a‑a a ma maun fan. Mbɛ tɛ mɔ wa chɛ ɔ, “Tea fɔ nn ye, Yataa ko a, ni i wan mu Chasi a, kunka mansa chɛ a, Yataa 'a denɛ chɛ.”

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MAKI 1:1

Sakana bai chɛndɛ kuu sɔɛ an nɛ, a si Chisɔsi Chasi ma, Yataa 'a denɛ.

MAKI 12:6

Chɛɛ dɔndɔ gbe ni wan a boo ɔ gbɛ, a a ta koe a an tena, a 'a denɛ, min ko a ni di a ye gbeden. Mbɛ a yiima ɔ, a ɔ, ‘An mbe basɔmaya be‑a wan n 'na denɛ wandi gbu ma.’

MAKI 12:7

Chɛɛ yadi kun ma fɛn mɔɛ chɛ n‑na a fɔ wan an nyɔn ma, an dɔ, ‘Yadi ti chɛ 'a denɛ wandi gbu an nɛ. Wo na, mmɔ ni a fa, min mbe a ma, boo fenɛ chɛ gbɛɛ ni ma mmɔ ta a.’

CHƆN 1:10

Bai chɛ ni wan dunya ɔ, a‑a dunya min na dan ka. Chɛ gbɛɛ ɔ, mɔɛ n nii ma a sɔn ni a buɛ chɛ ɔ.

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:3

Bai chɛ an‑na fen kɔ fen na dan. Yataa ma a ma ni, fen kɔ fen min na dan‑da, a a ni dan a gbaa.

CHƆN 13:3

Chisɔsi na‑a a ɔ sɔn fan, mbɛ a fa ban‑da gbasaya gbɛɛ be‑a a ma, ko ɔ ko ma koe a. A na‑a a ɔ sɔn fan to, mbɛ a ka‑a Yataa tena wan, a sin mbe yɛ tena to nɔ wan.

CHƆN 13:32

A sin, ni n‑na a ma, mɔɛ n ni Fa Yataa 'a kamaya ɔ yen, mbɛ a wɛɛ, ɛ a ma‑a wan, n fan, Mɔ Gbu 'a Denɛ wandi, mɔɛ n ni n 'na kamaya ɔ yen. A sin, ɛ na tena wan chɛ ma‑a, a ya kɔɔɛ a.

CHƆN 15:15

N mbe ee wo ya to n 'na bɔi den na, koe min na mu, bɔi den ma a kan mɔ yiima sɔn. N mbe min ma tena, n mbe wo ya tena gbɛ n bɔɛ n fan na. Koe min na mu, ko ɔ ko, Fa‑a min fɔ n ye, n‑na a gbɛɛ ɔ yian wo a.

CHƆN 16:15

Fen kɔ fen Fa ta mu min na, n fan ta mu a a. An fɛ mu, n‑na a fɔ, n dɔ, Yataa Nyina chɛ ɛ a too ma sɔ‑a wan n da a bai ma, mbɛ a‑a a ɔ yian wo a.”

CHƆN 17:2

Koe min na mu, i‑a gbasaya be n ma, mɔ gbu n gbɛɛ kun ma dunya ɔ. Gbasaya min mbe a ma, n ni a ma, chɛ n gbɛɛ ni kuɔ fɔ fɔɛ ma sɔn, i‑a miin be n ma, ma koe a n fɛ.

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

CHƆN 3:25

A tima chɛ a, Chɔn fɛ denɛ dɔ nu, kɔɔsa don‑da wan an tɛ, an bɛ Chu mɔ dɔndɔ a. An kɔɔsa chɛ kunɛ ni mɔɛ ɛ a wandi ma ko buɛ min dɔ Yataa ko a.

CHƆN 5:26

N Fa ɛ a ma wan, mɔɛ n mbe fɔɛ ma sɔn. A chia dɔndɔ gbe chɛ a, n bɛɛ, a 'a denɛ, a‑a a ma, n mbe fɔɛ be.

CHƆN 5:27

A sin‑na n si ka wan to a gbasaya chɛ ɔ, kaa a tɛ koe a. Koe min na mu a‑a chɛ ma, n fan mu Mɔ Gbu 'a Denɛ a.

CHƆN 9:29

Nn‑na a ɔ sɔn fan, mbɛ Yataa wandi gbu, an na‑a koɔ Mosisi tena. Chɛɛ mɔna chɛ tana, Chisɔsi chɛ, nn gbu ma a ka tena wɛɛ gbu an sɔn.”

CHISƆSI 'A SƆ MƆƐ NU 10:36

Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

CHISƆSI 'A SƆ MƆƐ NU 2:17

‘Yataa ɔ te, “N mbe koe chɛ an ma‑a, tee dankama chɛ n kɔɔ, dunya e na to ban‑da.” A ɔ, “N mbe a ma‑a wan n Nyina ni bea mɔ ɔ mɔ fɛ. Chɛ ɛ a ma‑a wan wo 'a denɛ kaima nu, an bɛ a musuma n na, an ni n 'na sakana bai chɛndɛ chɛ ɔ yian mɔɛ n na. Wo 'a kamin tɔngbɔɛ n mbe kamaya koe n dɔ yen‑da wan, wo 'a chenan kai n bɛɛ, an mbe cho‑a wan cho n na.

GBOO DOMI KO A 1:4

Chɛɛ Yataa Nyina‑a a ɔ yian fan gbasaya wandi ɔ, mbɛ Chisɔsi mu to Yataa 'a denɛ an na. A‑a a ma wan, mmɔ 'a mansa Chisɔsi Chasi‑a a kɔɔ sɔ a ka saya ɔ.

GBOO DOMI KO A 8:17

Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.

GBOO SAA KƆYINDI KO A 2:7

Nn mbe bai sa wo tena, a si yiimatɛ an ma, Yataa‑a miin nun tee. A e na to dunya a dan‑da, a‑a a fɔ wan, mbɛ an yiimatɛ chɛ, an mbe na‑a basɔmaya a mmɔ tena.

GBOO SAA KƆYINDI KO A 8:6

Chɛɛ chɛ gbɛɛ ɔ, Yataa ɛ dɔndɔ gbe mmɔ ko a. An mu mmɔ Fa a, min‑na fen kɔ fen na dan dunya ɔ. An 'na fɔɛ ɛ mmɔ sun da a. Mmɔ 'a Mansa wɛɛ, ɛ dɔndɔ gbe, min mu Chisɔsi Chasi a. Yataa 'a gbasaya ben‑da an dɔ, fen fen na dan koe a dunya chɛ ɔ. A sin fan‑na a ma, mmɔ ɛ fɔɛ chɛ ɔ, mmɔ ɛ ka min na fɛ‑a.

Gboo Kadesia Ko A 4:4

Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.

Gboo Ɛfisɔsi Ko A 1:10

Dɔbɛnɛ an nii nɛ, Yataa ɛ min na ban‑da, ni a tima che‑a. A sin, fen kɔ fen, banda bu ɔ, ni duu gboo ma, na koe mu kaina dɔndɔɛ, mbɛ Chasi ma‑a an kun ma.

Gboo Ɛfisɔsi Ko A 3:9

A sin, n ni a ma to, mbɛ mɔɛ n gbɛɛ ni koe ɔ gbɛ, a si koe chɛ ma, Yataa‑a min dɔ nun kɛn a‑a dunya a dan suun tima min na.

GBOO IBU MƆƐ N KO A 1:5

Koe min na mu, Yataa na‑a min fɔ a 'a denɛ ye, a nii ma a nyɔn fɔ ni maeka kan kɔ kan ye. A‑a a fɔ wan a 'a gboo ɔ, a ɔ, “N 'na denɛ mu i a. N ma‑a i fa a bi.” Chɛɛ a nii ma a fɔ ni a 'a gboo ɔ, maeka kan kɔ kan ma, a ɔ, “N mbe ma‑a wan i fa a, mbɛ i wɛɛ ma‑a n 'na denɛ a.”

GBOO IBU MƆƐ N KO A 1:8

Chɛɛ a 'a denɛ wakoe tana, Yataa‑a a fɔ wan a 'a gboo ɔ, a ɔ, “Yataa mu i a, i 'a mansaya danka ee ma‑a, kuɔ fɔ ni kuɔ fɔ ko a. A sin, e gbasaya a tachɛ‑a wan i 'a mɔɛ n kun ma, teaya ɔ.

GBOO IBU MƆƐ N KO A 11:3

Kaifa Yataa a, an na‑a a ma, mmɔ‑a a ɔ sɔn, mbɛ a da a bai ɔ mu dechee, dunya gbɛɛ a dan‑da. Chɛ ni a ɔ yian, mbɛ mmɔ ɛ fenɛ miin yen ka sanche, an ma bɔ ni fen kɔ fen dɔ, mɔɛ ɛ miin yen.

GBOO IBU MƆƐ N KO A 2:3

Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

GBOO IBU MƆƐ N KO A 4:14

A ka gbɛ an tima chɛ ma, tɛ mɔ wa, mɔ gbu n tɛ Yataa a, an mbe gbɛ mmɔ boo ɔ, min ta‑a banda bu ɔ. A mu Chisɔsi an na, Yataa 'a denɛ. Chɛ an fɛ mu, mmɔ ni mmɔ boo a chii, mmɔ kai fa koe ma a a.

GBOO IBU MƆƐ N KO A 5:8

Chɛɛ a ni wɛɛ boo ɔ boo Yataa 'a denɛ a, a na‑a mɔnɛ ɔ bia wan. Chɛ an gbu na‑a a ma, a‑a a yiima ɔ bɛn, kooya be koe a Yataa ma.

GBOO IBU MƆƐ N KO A 7:28

Sawa min be‑a Mosisi ma, an mbe mɔ gbu n yian, dɔndɔ dɔndɔɛ a, ma koe a tɛ mɔ wa a, mɔ gbu n tɛ Yataa a. An ni a fɔ wɛɛ, an mɔɛ chɛ n gbu, wai chɛ gbasaya ee an ye. Chɛɛ Yataa sin mbe a kai wan a wandi ɔ, a ee na koe ma. A sin, a na‑a sawa chɛ be pɛn Mosisi ma, a ee na a boo sɔ a 'a denɛ ma. A den chɛ sin na‑a koe gbɛɛ ma wan tima ɔ tima, Yataa toen ni miin na.

GBOO IBU MƆƐ N KO A 7:3

A fa ee, a de ee, mɔ sin mbe ee che a fɔ‑a, mbɛ a bɔ kɔnkɔɛ an nɛ. Mɔ ɔ mɔ ma a fɔɛ kuu sɔ tena sɔn, mɔ ma a fɔɛ a ban tena sɔn. Chɛɛ a bɔen mu Yataa 'a denɛ an na, ɛ ma‑a wan tɛ mɔɛ a, kuɔ fɔ ko a.

GBOO IBU MƆƐ N KO A 9:26

A ni ma‑a chɛ ma‑a, a ni na‑a wan fa‑a, gba sɛsɛ ko a, a ka dunya kuu sɔ tima ma. Chɛɛ sanche gbɛ, dunya e na to ban‑da, Chasi bɔ‑a mɔɛ n tɛ, gba dɔndɔ gbe ko a, a sin, a danka an nɛ. A na‑a a wandi be wan, mɔɛ n bɔ koe a ko yama n dɔ.

1 PITA 1:20

Yataa e na to dunya chɛ a dan‑da, a na‑a a boo sɔ pɛn Chisɔsi ma, ma koe a ka. Chɛɛ tee dankama tee chɛ nɛnɛ n kɔɔ, Yataa‑a Chisɔsi yian wo deman koe an na.

2 PITA 3:3

Koe saa saa gbu, a nyin wo ni min dɔ sɔn an nɛ. Mbɛ tee dankama nɛnɛ chɛ n kɔɔ, Chisɔsi Chasi e na to na‑a, mɔɛ n mbe na‑a wan wo tɛ ɔ, miin mu yɔnɛ n na. An mu yɔnɛ n na, an 'na fɔɛ ɔ, an faa ma koe yama n boo ɔ. An mbe wo ma yɛn‑da wan.

CHUDA 1:18

An na‑a a fɔ wan wo ye, an dɔ, mɔɛ n mbe na‑a wan tee dankama nɛnɛ chɛ n kɔɔ, an dɔ, miin mbe bea‑a an 'na Yataa sɔn baiya koe n fɛ, miin na di an ye. An dɔ, an mɔɛ chɛ nu, an mbe mayɛma bun‑da wo ma, wo bɛ Yataa a.