GBOO IBU MƆƐ N KO A 1:13 - Yataa 'a Dɔbɛnɛ Nama

¹³ Chɛɛ maeka ee nɔ, Yataa‑a chɛ fɔ min ye, yɔ a‑a min fɔ a 'a denɛ ye a 'a gboo ɔ, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ, n ni an popoya i ya kɔɔ.”

GBOO IBU MƆƐ N KO A 1:13 ပူးပေါင်းရင်းမြစ်များ

MATIU 22:44

‘Mansa Yataa‑a a fɔ n 'na Mansa ye, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ.” ’

MAKI 12:36

Mansa Defidi wandi gbu wɛɛ, Yataa Nyina na‑a bai don kɛn a da ɔ, a na‑a a fɔ wan, a ɔ, ‘Mansa Yataa‑a a fɔ n 'na Mansa ye, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ.” ’

DUKU 19:27

Mbɛ a si n chɛɛ ma nyɔɛ chɛ n sin ma, miin nii ma to ni, n ni ma an 'na mansa a, wo na an na nɛ, mbɛ wo‑a an fa n ya kɔɔɛ ma.’ ”

DUKU 20:42

A mu min na, Mansa Defidi wandi‑a a fɔ wan Yataa tando si gboo ɔ, a ɔ, ‘Mansa Yataa‑a a fɔ wan n 'na Mansa ye, a ɔ, “Si nɛ n boo nyima ɔ,

CHISƆSI 'A SƆ MƆƐ NU 7:55

Chɛɛ Yataa Nyina ni wan Sitibin fɛ gban. Mbɛ a‑a a ya a sɛ banda a, a‑a Yataa 'a manɛ yen ɛ man‑da. A yɛ to, a‑a Chisɔsi wɛɛ yen, ɛ sɔ ɔ Yataa boo nyima ɔ.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.