GBOO IBU MƆƐ N KO A 1:1 - Yataa 'a Dɔbɛnɛ Nama

¹ Suun, tima sɛsɛ ko a, Yataa na‑a koɔ wan mmɔ bemba n ta bemba n tena, chia sɛsɛ a. A sin, a ni chɛ ma, a 'a gbonka chɛ mɔɛ sɛsɛ n fan dɔ.

GBOO IBU MƆƐ N KO A 1:1 ပူးပေါင်းရင်းမြစ်များ

DUKU 1:55

yɔ a na‑a mmɔ bemba n too ɔ dia buɛ min dɔ, mbɛ a ee nyina‑a Ebeami ma, a basan a cheeya n na, kuɔ fɔ ko a.”

DUKU 1:72

Yataa‑a chɛ ma, min mbe a ma, a ni chinchin mmɔ ma, yɔ a na‑a a fɔ buɛ min dɔ mmɔ bemba n ye. A sin ma nyina ni dɔbɛn chɛ ma, a‑a min chɛ an na.

DUKU 24:27

Mbɛ a‑a a ɔ yian an na, koe miin nyɛnden ni a si a ma Yataa 'a gboo gbɛɛ ɔ. A‑a a kuu sɔ chɛ an ma, Mosisi‑a miin nyɛn, a ta Yataa 'a gbonka chɛ mɔɛ n gbɛɛ‑a miin nyɛn.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHƆN 7:22

Wo e wo 'a denɛ n na kamincha wan, tima ɔ tima, a ni ma suin tee wɛɛ ma a. Mosisi na‑a a fɔ ka wan wo ye, a ma koe a. Chɛɛ Mosisi gbu, an nii ma mɔɛ saa saa a, min na‑a chɛ kuu sɔ. Wo bemba n ta bemba nu, an fan gbu na‑a a kuu sɔ.

CHƆN 9:29

Nn‑na a ɔ sɔn fan, mbɛ Yataa wandi gbu, an na‑a koɔ Mosisi tena. Chɛɛ mɔna chɛ tana, Chisɔsi chɛ, nn gbu ma a ka tena wɛɛ gbu an sɔn.”

CHISƆSI 'A SƆ MƆƐ NU 13:32

A sin, nn mbe ka nɛ, min mbe a ma, nn ni sakana bai chɛndɛ chɛ ɔ yian wo a. Mbɛ Yataa na‑a tooɔdia min chɛ mmɔ bemba n ta bemba n na,

CHISƆSI 'A SƆ MƆƐ NU 2:30

Yataa 'a gbonka chɛ mɔɛ ni a a, a sin na‑a a ɔ sɔn fan, Yataa na‑a tooɔdia min chɛ a a. Yataa na‑a a too ɔ dia wan gbau gbau, mbɛ a wan Defidi gbu cheeya dɔndɔ, ɛ a ma‑a wan mansa chenama a, yɔ Defidi wandi gbu ni buɛ min dɔ.

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

CHISƆSI 'A SƆ MƆƐ NU 3:21

Chisɔsi chɛ ɛ to‑a banda bu ɔ wan, aan tima ni che, tima min na Yataa ɛ fen kɔ fen nyan‑da to a nama a. Ɛ ma‑a wan, yɔ a 'a gbonka chɛ mɔɛ chɛ nu, miin ni tenchen a ko a, an‑na a gbonka buɛ min dɔ suun.

GBOO IBU MƆƐ N KO A 11:2

Suun mɔɛ n na‑a an kai fa min chɛ Yataa a, an na‑a a ma, a faa chimaen ni an na.

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 2:2

Koe min na mu, Yataa na‑a sawa min na ben suun maeka n na, mɔɛ n na‑a a ɔ yen fan, mbɛ tea mu. A sin, ni mɔ ɔ mɔ na‑a a yɔn, chɛ ma, a ni ko yama ma, a ni tɔɔya an dɔ bia.

GBOO IBU MƆƐ N KO A 2:3

Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.

GBOO IBU MƆƐ N KO A 3:5

Mosisi ni bɔi denɛ an na, min danayaen ni Yataa 'a chenɛ a. A ni koɔ wan mɔɛ n tena, a si koe n ma, Yataa ni na tena miin fɔ‑a.

GBOO IBU MƆƐ N KO A 4:8

Koe min na mu, ni Chɔsowa na‑a a ma wan, an ni an suin, Yataa nii koɔ‑a a si tee dɔ mende ma.

GBOO IBU MƆƐ N KO A 5:5

A chia dɔndɔ gbe chɛ a, Chasi gbu wɛɛ, a nii ma a wandi ya ni tɛ mɔ wa a, mɔ gbu n tɛ, an bɛ Yataa a. Chɛɛ Yataa wandi, an na‑a a boo sɔ a ma. Yataa na‑a a fɔ wan a 'a gboo ɔ, a ɔ, “N 'na denɛ mu i a. N ma‑a i fa a bi.”

GBOO IBU MƆƐ N KO A 9:19

Koe min na mu, Mosisi ban‑da kɛn Yataa 'a sawa chɛ n gbɛɛ ɔ yian‑da mɔɛ n gbɛɛ a, a na‑a chɛ an ma. A na‑a ninchi tɔngbɔɛ wii ya wan, a basan ba wii a, ni yii wɛɛ. A na‑a sa ti mende mende wan kɔnɛ bonɛ ma, mbɛ a‑a a don an wii chɛ ɔ, a‑a a fasi fasi sawa gboo chɛ ma, a basan mɔɛ n gbɛɛ a.