Gboo Saa Tɛsadonika Ko A 5:6 - Yataa 'a Dɔbɛnɛ Nama

⁶ Chɛ ko a, mmɔ ma ma chinɔɛ ɔ, yɔ mɔɛ tɔɛ chɛ nu. Chɛɛ mmɔ ni ma mmɔ ya a tima ɔ tima ko a, mmɔ yiima sienɛ ɛ chidi.

Gboo Saa Tɛsadonika Ko A 5:6 ပူးပေါင်းရင်းမြစ်များ

MATIU 13:25

Chɛɛ yɛɛ dɔndɔ ma, a ɛ kɛn sa ɔ chinɔɛ ɔ, an bɛ a 'a mɔɛ n na, a ko don ma nyɔɛ ta‑a wan sɛnɛ chɛ ɔ, mbɛ a‑a bin kuu fasi a ɔ, mbɛ a yɛ‑a yɛdɛn.

MATIU 24:42

“Chɛ an‑na a fɔ, wo wo kun ma fɛn, a mu min na, wo ma tee sɔn, tee min na, wo 'a mansa ɛ na‑a.

MATIU 25:13

Mbɛ Chisɔsi ɔ te gbɛ, “Chɛ an‑na a fɔ, wo wo kun ma fɛn. Koe min na mu, n fan, Mɔ Gbu 'a Denɛ, wo ma tee chɛ sɔn, n mbe na‑a min ma, n mbe ee baa tima chɛ ma, n mbe na‑a min kɔɔ.”

MATIU 25:5

Kaminɛ min ni na tena musu si‑a, a ma fua ni na‑a. Chɛ‑a a ma wan, sunkun tɔngbɔɛ chɛ n gbɛɛ bun‑da ta‑a chinɔɛ a.

MATIU 26:38

Mbɛ a ɔ, “Faayɔnɛ min mbe n ma, a da a koo. A toen mu, a ni ta n na faa. Wo ma chinɔ nɛ, mmɔ ma kɔnɛ chɛ, mmɔ bɛ.”

MAKI 13:37

A sin, n mbe min fɔ wo ye, n mbe an fɔ mɔɛ gbɛɛ ye. Wo ma bɛndenɛ ni ma.”

DUKU 12:37

Ɛ ma‑a wan bɔi den chɛ n ma buɔdia a, miin mbe ee chinɔ‑a, aan an kun ti ni yɛ. N ni a ma din wo tena, mbɛ kun ti chɛ ɛ a ma bɛn‑da wan, mbɛ a‑a a 'a bɔi den chɛ n chee, mbɛ a wandi gbu‑a daun fenɛ ya, a‑a a be an ma a daun koe a.

DUKU 12:39

Chɛɛ n ni a ma din wo tena, mbɛ ni chen ti ɛ a ɔ sɔn fan tima min na kanka ɛ na‑a a kanka koe a, a ee dɔn kanka ni a 'a chenɛ te, a ni don nɔ.

DUKU 21:36

Chɛ an‑na a fɔ, wo wo kun ma fɛn, a yɛ to, wo samunɛ chɛ tee ɔ tee a. Wo samunɛ chɛ, wo ni gbasaya ma sɔn koe chɛ n gbɛɛ ɔ bia koe a, miin mbe na tena wo tan‑da, mbɛ wo‑a an dɔ tandin. A yɛ to, wo samunɛ chɛ, wo ni che sɔ‑a n chen kɔɔ, wo kunɛ kɔɔ sɔenɛ a, n fan, Mɔ Gbu 'a Denɛ, n mbe na‑a tima min na.”

DUKU 22:46

Mbɛ a‑a an na kunɛ, a ɔ, “Wo e ka sa ɔ chinɔɛ an dɔ? Wo wo kɔɔ sɔ, wo ni samunɛ ma ti bia, ko ɔ ko ma na wo yiima ɔ chɛ chɛ a si Yataa ma.”

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

GBOO SAA KƆYINDI KO A 15:34

Wo yiima chɛndɛ ni ma gbɛ wo baima, wo ni sɛmbɛ ko yama ma koe a kuɔ fɔ. N mbe chɛ fɔ tena den, mbɛ wo dɔ nu, wo ma ko ɔ ko sɔn, a si Yataa ma. Chɛ ni a ma wo ni mau.

GBOO SAA KƆYINDI KO A 16:13

Wo ma bɛndenɛ ni ma, tima ɔ tima. Wo sɔ gban, wo 'a danaya ɔ, Chisɔsi Chasi a, wo sin ma chian. Wo ɔ ni gbɛa gbau.

Gboo Ɛfisɔsi Ko A 2:3

Mmɔ wɛɛ, tima dɔndɔ a, mmɔ bɛ ni wan ben‑da mmɔ bɛ an mɔ bonda chɛ n na, mmɔ ɛ bea mmɔ faa ma koe n fɛ. Mmɔ ni mmɔ yii ma koe n fan na tachɛ, a basan mɔgbuya yama a. A chia chɛ a, tɛ bɔ nii mmɔ ma, mmɔ bɛ an na. Mmɔ ni mɔɛ n fan na, Yataa ni miin tɔɔ‑a.

Gboo Ɛfisɔsi Ko A 5:14

A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”

Gboo Ɛfisɔsi Ko A 6:18

Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

Gboo Fiipai Ko A 4:5

Mansa Chisɔsi na tima ɔ ma yansan to. Wo a ma, mɔ ɔ mɔ ni a ɔ sɔn, wo faa chimaen mu buɛ min dɔ.

Gboo Kɔdɔsai Ko A 4:2

Wo ma sɛmbɛ samunɛ chɛ koe a pien. Wo e ma chɛ a, wo wo yii si koe n ma, wo e ta‑a Yataa wai bɔ‑a, tima ɔ tima ko a.

Gboo Saa Tɛsadonika Ko A 4:13

Nn suun ma nyɔɛ nu Chasi ɔ, nn toen mu wo ni tea ɔ sɔn, a si chɛ n ma, miin na‑a an kai fa Chisɔsi a, an mbe e na to fa‑a. Chɛ ɛ a ma‑a wan, wo faa ee yɔn‑da, yɔ mɔɛ chɛ nu, yiinatɛ ee miin dɔ.

Gboo Saa Tɛsadonika Ko A 5:10

A wan fa‑a mmɔ ko a, min mbe a ma, mmɔ bɛ ni ma fɔɛ dɔndɔɛ ɔ. Tima min na ɛ na‑a to, mmɔ ni ma fɔɛ ɔ wan, mmɔ faen fan ni ma, chɛ ɛ ma‑a wan.

Gboo Saa Tɛsadonika Ko A 5:8

Chɛɛ mmɔ tana, tee kɔɔ mɔɛ mu mmɔ a, mmɔ yiima sien fan mu chidi. Mmɔ kai faenɛ ni ma Yataa a, mmɔ ni to mɔ dɔ mende n na. Chɛ ni mmɔ konde gbain, yɔ a 'a chɛɛ chɛ doma an mbe mmɔ ma. Yiinatɛ ni ma mmɔ ɔ, mbɛ bauncha ɛ wan mmɔ ko a. Chɛ ni ma chɛɛ chɛ banfua a mmɔ kun na.

1 TIMOTI 2:15

Chɛɛ musu n mbe bauncha sɔn‑da wan den suunɛ ɔ. Chɛ ɛ ma wan, ni yiimatɛ ma‑a an tachɛ buɛ ɔ, koadia ɛ an faa ɔ, an sin tandenɛ ɛ Yataa tena, an mbe ta‑a an kai fa‑a a a.

1 TIMOTI 2:9

N toen mu to musu n bɛɛ ni basɔmaya ma bɛnɛ chɛ. An ma an fandi a bonchen ba chɛ. An ma an kunɛ ma chɛ, an ni sanu chii, an ni fen baa gbɛ ma chɛ an ma, a basan koa baa gbanden ba a.

1 TIMOTI 3:11

A musu n bɛɛ sɔnɛ a ni dondan, an ma tɔ ɔ tɛ chɛ, an ni ma basɔmaya tɔɛ n na, an tandenɛ ni ma ko ɔ ko ɔ.

1 TIMOTI 3:2

A mɔɛ chɛ ɛ ma mɔ tandenɛ an na. Musu dɔndɔ gbe an mbe ma a boo ɔ, mɔɛ min kosan a wandi bia‑a, basɔmaya tɔɛ, sonda bia mɔɛ, a sin kosan mɔɛ n kan‑da.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

TAITƆSI 2:12

A sin mbe mmɔ kan tena, mmɔ ni mmɔ boo bɔ Yataa sɔn baiya ɔ, a basan dunya ma buɔdia a. A yɛ to, mmɔ ni mmɔ wandi bia chɛndɛ, mmɔ tandenɛ ni ma, mmɔ ni ma Yataa sɔn mɔɛ a dunya chɛ ɔ.

TAITƆSI 2:6

A fɔ kamin tɔngbɔɛ n bɛɛ ma, an ni tachɛ yiimatɛ a.

1 PITA 1:13

Chɛ an fɛ mu, wo wo yiima ɔ bɛn gbɛ chɛndɛ chɛ, wai n chɛ koe a, wo e min chɛ. Wo kun wo tachɛ buɛ kun ma fɛn‑da tima ɔ tima ko a, wai chɛ koe a. Wo yii na tɛenɛ ni ma gbae dua chɛ ma, min mbe be‑a wo ma. Dua chɛ, wo e min sɔn‑da, Yataa ɛ Chisɔsi Chasi yian‑da tima min na.

1 PITA 4:7

A ɔ ma yansan to, mbɛ ko ɔ ko che‑a a danka a. Wo ma bɛndenɛ ni ma, wo ni kun tachɛ koe a wo wandi a chɛndɛ chɛ, wo ni kun samunɛ chɛ a, a chɛ buɛ a.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

KO Ɔ NUNDENƐ 16:15

Chisɔsi na‑a a fɔ wan, a ɔ, “A yen ko, n mbe na‑a wo tɛnɛ‑a wan yɔ kanka. Mɔ ɔ mɔ min mbe ma‑a a ya a, ɛ a 'a koa n kun ma fɛn‑da wan. Chɛ ɛ a ma‑a wan, a ee ben‑da a ma senɛ a, a ni mau fanka ɔ den. A mɔɛ chɛ duaen mu.”

KO Ɔ NUNDENƐ 3:2

Koe min na mu, n‑na a ɔ yen, mbɛ wo tachɛ buɛ ma Yataa faa chima nin bɛ. Chɛ an‑na a fɔ, wo wo kunɛ kɔɔ sɔ wo 'a danaya ɔ Yataa a, wo ɔ ni gbɛa, a bɔ gboo ɔ fa chɛ ɔ wo 'a Chisiancha ɔ. Gboo ɔ fa chɛ ma a ma wo ni sɛmbɛ dan koe a n na.