Gboo Saa Tɛsadonika Ko A 5:3 - Yataa 'a Dɔbɛnɛ Nama

³ Mɔɛ n mbe ma‑a a fɔ‑a dechee, an dɔ, “A yama ee nɛ,” an dɔ, “koe n dɔ chimaen mu,” a tima chɛ a mu, kasaa ɛ an tan‑da. Ɛ an tɛnɛ‑a wan, yɔ bu ɔ tɛ ɛ musu tɛnɛ buɛ min dɔ. A sin, mɔɛ n kun mbe ee bɔ‑a a ɔ.

Gboo Saa Tɛsadonika Ko A 5:3 ပူးပေါင်းရင်းမြစ်များ

MATIU 23:33

Wo yauaen ba chɛ nu yɔ ka. Wo ee kun wo ni wo kunɛ bɔ Yataa 'a mɔnɛ kɔɔ min mbe wo ko a. Yataa ɛ wo a ta‑a wan ta ɔ.

CHƆN 16:21

Ɛ ma‑a wan dechee, yɔ ni musu bu ɔ tɛ‑a, faamɔnɛ min mbe ma a ma, koe min na mu, tɔɔya ɔ bia tima che‑a a boo ɔ. Chɛɛ ni a‑a den chɛ suun gbɛ dechee, kun na dia ɔ, mbɛ a nyina‑a a 'a tɔɔya ma. Ɛ ma gbɛ buɔdia an dɔ, koe min na mu, a‑a mɔ gbu ma sɔn dunya chɛ ɔ.

CHISƆSI 'A SƆ MƆƐ NU 13:41

‘Wo a yen, bai yama sa mɔɛ nu, a si Yataa da a bai n ma. N mbe na tena wan koe ma‑a bi tee chɛ kɔɔ, wo ee dan‑da min na kuɔ fɔ, mɔɛ ni a ɔ yian bɛɛ wo a. Chɛ an fɛ mu, wo da a ɔ gbaa‑a wan, mbɛ wo fa‑a.’ ”

GBOO FEAN BƆƐ TƐSADONIKA KO A 1:9

Yataa ɛ a ma‑a wan, an ni tɔɔya ɔ yen, an ni kasaa kuɔ fɔ ko a. An tɛ duenɛ an mbe ma‑a mmɔ 'a mansa a, an mbe ee ma‑a a 'a manɛ kɔɔ.

GBOO IBU MƆƐ N KO A 12:23

Wo na‑a gbɛ Yataa 'a mɔɛ n 'na chɔchi ɔ, a 'a denɛ saa nu. A sin, an tɔɛ nyɛndenɛ mu banda bu ɔ gboo ɔ. Wo na‑a gbɛ Yataa tena, min mbe mɔ gbu gbɛɛ gbɛmbo‑a. Wo na‑a gbɛ fuɛ n tena, mɔɛ chɛ nu, Yataa na‑a miin ya mɔ tandenɛ n na, a chen kɔɔ, an fuɛ nu. A yɛ to, a‑a an ma yɔ a toen mu an ni ma buɛ min dɔ, banda bu ɔ.

GBOO IBU MƆƐ N KO A 2:3

Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.

2 PITA 2:4

Mmɔ‑a a ɔ sɔn fan, mbɛ Yataa nii ma maeka chɛ n boo ka ni, miin na‑a ko yama ma. Chɛɛ a na‑a an na dɛ wan ta ɔ. An chiienɛ ɛ wan nɔ yɔɔɛ a, kaina ɔ pimbienɛ ɔ, an mbe an gbɛmbo tee ma kɔnɛ a.