Gboo Saa Tɛsadonika Ko A 5:2 - Yataa 'a Dɔbɛnɛ Nama

² Koe min na mu, wo wandi gbu‑a a ɔ sɔn fan chɛndɛ chɛ, mbɛ mmɔ 'a mansa na tima ɛ che tena wan. Ɛ ma‑a wan, yɔ kanka ɛ mɔɛ tɛnɛ buɛ min dɔ pimbi ɔ.

Gboo Saa Tɛsadonika Ko A 5:2 ပူးပေါင်းရင်းမြစ်များ

MATIU 25:13

Mbɛ Chisɔsi ɔ te gbɛ, “Chɛ an‑na a fɔ, wo wo kun ma fɛn. Koe min na mu, n fan, Mɔ Gbu 'a Denɛ, wo ma tee chɛ sɔn, n mbe na‑a min ma, n mbe ee baa tima chɛ ma, n mbe na‑a min kɔɔ.”

DUKU 21:34

Chisɔsi ɔ, “Wo wo wandi kun ma fɛn. Wo ma daun chɛ ma wo ma gbɔsɔɛ a, a basan gbɛ a kɔɔen minɛ a. A yɛ to, wo ma dunya chɛ ɔ faagbaa n sa wo kun ma. Ni wo‑a chɛ ma, ni n 'na tima che‑a, koe chɛ n gbɛɛ, an mbe a ma wan, n ni wo tɛnɛ.

GBOO SAA KƆYINDI KO A 1:8

Ɛ wo 'a danaya n dɔ gbɛa‑a wan, aan a sɔ tee danka chɛ ma. Ɛ a ma‑a wan, mabɔ kan kɔ kan mbe ee ma‑a wo ma, an tee wa chɛ ma, mmɔ 'a mansa Chisɔsi Chasi ɛ na‑a to tima min na.

Gboo Saa Tɛsadonika Ko A 5:4

Chɛɛ nn suun ma nyɔɛ nu Chasi ɔ, wo tana, wo ee pimbi ɔ. Chɛ an fɛ mu, an tee chɛ ee che wo tɛnɛ‑a yɔ kanka ɛ na buɛ min dɔ.

GBOO FEAN BƆƐ TƐSADONIKA KO A 2:2

Nn ma to ni wo 'a fiienɛ ni ma, a si a ma. Wo ma don faagbaa ɔ, ni mɔɛ dɔ n‑na a fɔ wo ye, mbɛ Mansa Chisɔsi na tee wa gbu che‑a. Kɔkɔɛ ɛ wan an mɔɛ chɛ n yii ma, mbɛ nn na‑a chɛ fɔ wo ye chia chɛ an na. A ni ma kɔɛ tima chɛ a, nn ni bai chɛ fɔ tena tima min na, Yataa na‑a min fɔ nn ye, a fɔ koe a mɔɛ n ye. Chɛ ma, tima chɛ a, da ɔ sakana gbama mu, nn‑na min na ben gboo nyɛndenɛ ɔ.

2 PITA 3:10

Chɛɛ Mansa Chisɔsi na tima, ɛ ma‑a wan tɛnɛ koe a, yɔ kanka ɛ na buɛ min dɔ. A tee chɛ ma, kuiɛ mau mau ɛ ka‑a wan banda a, mbɛ banda ee ma‑a to dunya ɔ. Ta ɛ tɛ‑a wan fen kɔ fen dɔ min mbe banda a, mbɛ an kasaa‑a. A sin duu gboo wɛɛ, ni fen kɔ fen min mbe a ma, an gbɛɛ ee ma‑a to dunya ɔ.

KO Ɔ NUNDENƐ 16:15

Chisɔsi na‑a a fɔ wan, a ɔ, “A yen ko, n mbe na‑a wo tɛnɛ‑a wan yɔ kanka. Mɔ ɔ mɔ min mbe ma‑a a ya a, ɛ a 'a koa n kun ma fɛn‑da wan. Chɛ ɛ a ma‑a wan, a ee ben‑da a ma senɛ a, a ni mau fanka ɔ den. A mɔɛ chɛ duaen mu.”

KO Ɔ NUNDENƐ 3:3

Chɛ an‑na a fɔ, wo wo yii na chii, wo kan‑da min na, a yɛ to, wo‑a min na min. Wo wo too ma sɔ a ma, wo ni wo kan kɔ sɔ wo 'a ko yama n na. Ni wo ma wo kunɛ kɔɔ sɔ ni, n mbe na‑a wo tɛnɛ‑a wan, yɔ kanka ɛ a ma buɛ min dɔ. Wo ee na‑a tima gbu wɛɛ sɔn‑da, n mbe na‑a tima min na, wo tɔɔya koe a.