Gboo Saa Tɛsadonika Ko A 4:9 - Yataa 'a Dɔbɛnɛ Nama

⁹ Tima yayi mu, gboo nyɛn koe a wo tena, a fɔ koe a wo ye, mbɛ wo ni to wo bɔ Chisianɛ n na. Yataa wandi‑a wo kan, wo e kun buɛ min dɔ to koe a wo nyɔn na.

Gboo Saa Tɛsadonika Ko A 4:9 ပူးပေါင်းရင်းမြစ်များ

MATIU 22:39

Sawa chenama fean bɔɛ ɛ wan yɔ a saa chɛ. A ɔ, ‘Wo to wo 'a mɔɛ n na, yɔ wo toen mu buɛ min dɔ wo wandi a.’

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHISƆSI 'A SƆ MƆƐ NU 4:32

Mɔɛ miin gbɛɛ na‑a an kai fa ka Chisɔsi a, an 'na yiinachii ni dɔndɔ gbe, an faa ma koe ni dɔndɔ gbe. Mɔ ɔ mɔ nii ma kankan ni a ta boo fenɛ kun ma, chɛɛ an boo fenɛ n ni boo fen dɔndɔɛ n fan na. An ni an boo fenɛ n be wan an nyɔn ma, yɔ an nyɔn ma gbɔsɔɛ ni ma buɛ min dɔ.

GBOO DOMI KO A 12:10

Wo to wo nyɔn na chɛndɛ chɛ wo faa gbɛɛ a, yɔ mɔɛ ɛ to buɛ min dɔ a suun ma nyɔɛ n na. A sin, wo ma bɛndenɛ ni ma basɔmaya be koe a wo nyɔn ma, tima ɔ tima ko a.

GBOO FEAN BƆƐ KƆYINDI KO A 9:1

Tima yayi mu gbɛ sanche, n ni bun to gboo nyɛn‑da, a si wo boo fenɛ n ma, miin mbe be mmɔ bɔ Chisian chɛ n ma Chuusaɛn duu ɔ.

Gboo Fiipai Ko A 3:15

Chɛ an fɛ mu, mmɔ wɛn yii kɔɔen mu gbɛ, Chisiancha chɛ ɔ, mmɔ yiima ni ma a buɛ chɛ ɔ. A sin, ni wo yiima ma‑a dama ko ɔ ko ɔ, Yataa ɛ a ma‑a wan wo ni a ɔ sɔn.

Gboo Saa Tɛsadonika Ko A 5:1

Nn suun ma nyɔɛ nu Chasi ɔ, gboo nyɛn gbu ee nn ma, a ɔ yian koe a wo a, koe chɛ n gbɛɛ n mbe ma‑a tima min na. Chɛ ma, nn ni a ɔ yian, ni an gbu an mbe ma‑a buɛ min dɔ.

GBOO IBU MƆƐ N KO A 10:16

“Mansa Yataa ɔ, ‘Ni an tee chɛ n ben‑da, N mbe dɔbɛn chɛ an chɛ‑a, nn bɛ an na.’ A ɔ, ‘N mbe n 'na sawa n sa‑a wan an faa ɔ, mbɛ n yɛ‑a, n‑na a nyɛn, an yiima ɔ.’ ”

GBOO IBU MƆƐ N KO A 13:1

Wo to wo nyɔn na tima ɔ tima ko a, yɔ mɔɛ ɛ to buɛ min dɔ a suun ma nyɔɛ n na.

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.

1 PITA 4:8

Min mbe ko ɔ ko kun ma, wo to wo nyɔn na wo faa gbɛɛ a. Koe min na mu, koadia ɛ a ma wan mmɔ ni mmɔ ya ka ko yama sɛsɛ a.

2 PITA 1:7

Chɛ sin to, wo a wɛɛ ma munda bia chɛndɛ a, wo e min chɛ wo nyɔn na. A dankama nɛnɛ an nɛ, wo an ma munda koadia a, wo nyɔn ko a.

1 CHƆN 2:10

Chɛɛ mɔ ɔ mɔ min toen mu a suun ma nyɔɛ a, ɛ ka Yataa 'a manɛ an kɔɔ. A sin, ko ɔ ko ee a faa ɔ, min mbe a ma, a ni bea.

1 CHƆN 3:11

Wo na‑a min na min, tima min na wo na‑a sakana bai chɛ a min a saa saa a, an nɛ, mbɛ mmɔ ni to mmɔ nyɔn na.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.

1 CHƆN 4:21

Yataa sin‑na chɛ an fɔ mmɔ ye, a ɔ, mɔ ɔ mɔ, i wɛn mbe to‑a a wan Yataa a, a ɔ, i mɔɛ chɛ ni to i suun ma nyɔɛ wɛɛ a.